لأصحاب الشادو 400 و 750

**tafa17** · 24-04-2011 02:16 PM

انا وواحد صاحبي كنا عند الميكانيكي بتاع البايك وكان بيدور في المحل عنده علي مفتاح بوجيهات وفجأة لاقيته راح رايح علي البايك وفتح الجنب البلاستيك اللي ناحية مفتاح الكونتاكت وبعدين لقيت علبة سوداء وراح جايب مفتاح البايك وحطه في العلبة وراحت مفتوحة واذ افاجأ بشنطة بلاستيك في عدة ومفاتيح و مفتاح بوجيهات ومفتاح المساعدين بتاع الشادو مفك وحاجات كتيرة
بصراحة اقعدنا نضحك اول مرة اعرف ان في المكان ده عدة
وبعدين جريت علي الشادو ال 600 اللي معايا وبعد لما فتحت الجنب لاقيت مكان بس للأسف طلع فاضي هو في صحيح مكان بس فاضي وبعدين برده كان في بايك استيد عكاز فتحنا الجنب برده لاقيناه فاضي

بس دي حكاية مفتاح العدة اللي في الشادو
بصراحة احترمت هوندا قوي و مش عارف هل كل البايك بينزل بعدة
وكل واحد معاه بايك يتأكد قبل ما يشتري و يشوف ممكن يكون بيتقلب منه وهو مش عارف
ومستني الردود
وبعدين هاحاول اجيب ابصور علشان تعرفو اكتر

**Ducati** · 24-04-2011 05:39 PM

ياااه موضوع العدة ده نبهت عليه كذا واحد من صحابي لانه فعلا بيتسرق والي لاقاه في الشادو ده حظه حلو

اغلب الي بيشتري البايك مش بياخد باله من موضوع العده ولو طلعت ناصح وسئلت الي بيبيع حيقولك انا استلمتها كده

بس اشكرك على التوضيح

**karembob** · 24-04-2011 05:49 PM

عاوز اقلك انا متوسكلات الهوندا الشادو والاستيد فيهم بكان للعدة ويببقي في عدة بس ساعات فعلن بتتخد منها عشان انتا مش بتبقي عارف انا في مكان في البياك
انا عن نفسي في الاستيد مكان عدة في الجنب وفيها عدة الراجل ادهاني وهو الي قلي عليها
اشكرك علي التنبيه في الموضوع دا

**tafa17** · 25-04-2011 09:48 AM

امبارح برده فتحت مكان العدة في شادو بتاع واحد صاحبي تاني والحمد لله لاقينا العدة وكان فرحان جدا لأنه لسه شاريه من اسبوع وميعرفش المكان ده وكان ناوي يشتري عدة