الموضوع: سؤال محيرني .. لية ال a516 منتشرة اكتر بكتيير من m11

السلام عليكم و رحمة الله و بركاته

أنا فعلا لما كنت بشوف عربية M11 كنت بسأل نفسى مين اللى يسيب عربية بالشكل ده و يشترى ال516 لحد ماعرفت أن هناك مشكلة فى توافر قطع الغيار لأن شكل الM11 أفضل بكتير, ده أنا مرة فى المنصورة, لقيت واحد راكبها و حاط عليها من الأمام علامة الAUDI !!!!!!!!!!!! , يعنى يخرب بيت الجهل اللى فى الأرض .

أما بالنسبة أن الكورى أول مانزل الناس كانت بتهاجمه و بعدين اشتغل كويس, فأنا متهيألى أنه ماشتغلش غير لأن أسعاره أقل من الأوروبى لأنى أعتقد أن اللى راكب النترا مثلا و لا سيراتو كان يفضل أنه يركب باسات و لا جيتا و لا الفاروميو و لا فولفو و لا بيجو 407, بس ارتفاع الأسعار بتاع العربيات النظيفة دى, هى اللى خلت الناس تتجه للكورى و الماليزى و الصينى .

المشاركة الأصلية كتبت بواسطة shido

[/center]
sa7 enta ma3ak 7a2 wana ma3ak fi ely bet2olo, bas i mean en el nas now bei2olo keda 3an el siny we nasieen en el kory ely kol el nas rakbino now kan beiet2al 3ano nafs el kalam da, ma3 en makansh sa3etha fi nilemotors el gameel 3ashan y2olo ra2iohom 3aleh

طب بطل انجلو عرب بدل ما الادارة تعملك وقف وانت لسة ب 5 مشاركات .....

اكتب عربي عربي
او انجليزي انجليزي ....
بلاش هجين :)

المشاركة الأصلية كتبت بواسطة Shido

[/CENTER]
Sa7 enta ma3ak 7a2 wana ma3ak fi ely bet2olo..........................

السلام عليكم و رحمة الله و بركاته

ماهو احنا عشان نسيب الأوروبى النضيف و نركب الكورى, أكيد مواصفات العربيات اللى بقينا بنركبها نزلت كتير, احنا بأه دلوقتى عند الminimum من المواصفات, اللى ماينفعش ننزل عنها و نقبل بالصينى.

يعنى مواصفات الكورى اللى هى أقل من الأوروبى, ماشى مقبولة و تعدى, بس ننزل عن مستوى الكورى و نقبل بالصينى, لأ.

أنا قصدى أن الكورى هى الحد الأدنى للمواصفات اللى ماينفعش بأه ننزل عنها, ده على أساس أن العربيات الكورى أنا شوفتها فى كندا و ناس أصحابى قالولى أنها فى أميركا, لكن الصينى, مادخلش, لا أوروبا و لا أميركا و لا كندا, أكيد مش عشان هما خايفين على عربياتهم من الفتنة, لكن لأن العربيات الصينى لا ترقى الى المستوى المطلوب لأنها تبقى عربيات .

و برضه مع شديييييييييييييييد احترامى للعربيات الصينى و أصحاب العربيات الصينى.

المشاركة الأصلية كتبت بواسطة esam722

انا عديلى فى امريكا من سنتين وبيقول ان ال516 موجودة هناك بس باسم a5 وب 9000 دولار بس طبعا بمواصفات غير اللى فى مصر لان هناك مش بيهزروا وبعدين هناك الصينين عددهم قرب يبقى قد عدد الامريكان

يبقى مش هيعرفوا يدخلوا العربيات بتعتهم هناك

ده بالاضافة ان التيجو موجودة فى روسيا (مش اروبا برضة )

المشكلة عندنا هنا لاننا بنسمح للتجار عندنا يستوردو اى زبالة من بره ومفيش رقابة ومفيش معايير للحاجة اللى بتيجى من برة علشان كده البلد الفلوس اللى فيها بتترمى فى الارض

السلام عليكم و رحمة الله و بركاته

موجودة فى أميركا !!!!!!!!!!!

أنا حتى كنت بصيت فى أكبر موقع فى أميركا بيبيع عربيات مستعملة و جديدة WWW.AUTOTRADER.COM . مالقيتلهاش حس, هى موجودة باسم Speranza A5 و لا اسمها ايه بالظبط ؟؟؟

أنا حتى دورت عليها على GOOGLE و WWW.EBAY.COM , مالقيتهاش برضه.

أنا مش عارف ايه أخبار روسيا, بس من ساعة انهيار الاتحاد السوفيتى و أنا متهيألى أن ممكن نلاقى توكتوك فى روسيا لو المستوردين دفعوا رشوة كويسة للمسؤولين, يمكن الأوضاع اتغيرت, بس أنا مش عارف الوضع هناك ايه بصراحة.