الموضوع: خناقة مع سواق ميكروباز ودهس

الرائ الاخر

كان ممكن فى البداية خالص اول لما عديتة وهو اعد يحمل فى الركاب تنزل بكل ادب من عربيتك وابتسامة فى وشة وتقولة انا عديتك عشان شايفك كذا كذا تقوم انت قافل الطريق عشان تحمل طب اعمل حساب الطريق اللى وراك ممكن تركن على جمب وتحمل براحتك ممكن يكون فى شخص مريض مستعجل يروح لمستشفى او كدة وانت معطلة .... فى الحالة دى اظن ان استجابتة لكلامك احسن من الكلاكسات وشتايم الكلاكسات اللى هو اصلا متعود عليها انما لما يسمع طريقة ولغة حوار مختلفة جديدة علية هيبتدى يتعامل على قد الموقف دة والكلام اللى سمعة ولو مكنش استجاب ومشى بقية السيناريو زى محصل يبقى يستاهل اللى حصلة ....
نظرة بقى قريبة من سواقين الميكروباص .... سواق الميكروباص يا جدعان مش عشان راكب ميكروباص ومكملش تعليمة وطريقة ولغة الحوار بتاعة متدنية يبقى ملهوش حق وكلب وراح ويستاهل كل اللى بيحصل فية بنى ادم زى زيك ظروفة حكمت علية يبقى كدة وفرضت علية طريقة و لغة الحوار وسلوكة اللى بيتعامل بية وبنشوفة يوميا ... دة بيقى راجل ارزقى بيأجر الميكروباص دة ب 50 او 70 جنية لو مكنش اكتر يوميا وبيطلع وردية 8 او 9 ساعات مطلوب منة يجيب حق ايجار الميكروباص و يفول الجاز بتاعة ويطلع فى الاخر برزقة اللى هيصرف منة على البيت على عيالة او نفسة اى ان كان .... فى ناس بتقول معظمهم جهلة الخ عن تجربة انا ركبت كتير معاهم فى بعض الاحيان تلاقيهم اشيك منك وطريقة كلامة متحضرة جدا اى نعم مش كتير بس فيهم كدة .... الرد الاخير لحضرتك انت غلطان بكتير قوى لانك استخدمت نفس الطريقة بتاعتهم الكلاكس و شتايم الكلاكس وشتمتة بردو دى طريقتة هو اللى انت استخدمتها عشان كدة نزل بالكوريك على طول بعد مقولت كلامة انما لو كنت قولتها بطريقة واحد راكب الملاكى متعرفش كان ممكن حصل اية كان ممكن بعد كدة من نفسة يتعود يقف على جمب ويحمل ويلتزم . زى الراجل العضو هنا فى المنتدى مع العربية النص نقل والعربية خبطت عربيتة الملاكى ومع ذالك راح وصل مراتة ورجع فطر معاة واعد يتكلم معاة بكل ذوق ويفهمة الصح اية مع ان عربيتة اتخبطت من السواق دة ..... معلش يا رجالة بقا مش عشان احنا ربنا كرمنا بعربيات ملاكى يبقى نشتم ونستحقر سواقين الميكروباص واصفين اياهم بالكلاب اللى راحت

المشاركة الأصلية كتبت بواسطة hondaman

الرائ الاخر

كان ممكن فى البداية خالص اول لما عديتة وهو اعد يحمل فى الركاب تنزل بكل ادب من عربيتك وابتسامة فى وشة وتقولة انا عديتك عشان شايفك كذا كذا تقوم انت قافل الطريق عشان تحمل طب اعمل حساب الطريق اللى وراك ممكن تركن على جمب وتحمل براحتك ممكن يكون فى شخص مريض مستعجل يروح لمستشفى او كدة وانت معطلة .... فى الحالة دى اظن ان استجابتة لكلامك احسن من الكلاكسات وشتايم الكلاكسات اللى هو اصلا متعود عليها انما لما يسمع طريقة ولغة حوار مختلفة جديدة علية

........

لما يسمع لغة حوار جديده عليه مش هيفهمها
و لو ده واحد بيدور على اكل عيشه مكانش بلطج على الناس

الراى الاصح
عاملوا الناس قدر عقولهم
ده واحد لو كان عنده احساس او دم و الكلام هياثر فيه كان راعى الراجل الى فتحله سكه و عداه مش يعطله و يعطل شارع كامل
و نازل يضرب الراجل او يبوظ له العربيه كمان
استاذنا صاحب الموضوع حضرتك دافعت عن نفسك لما حاول يعتدى عليك و مستخدمش قوه غاشمه لانك كان ممكن تتغابى عليه و تكسر له رجل ولا ضلع
بس بعد اذن حضرتك متعملش كده تانى
و يصعب عليك سواق ميكروباص و تعديه طالما الطريق من حقك