خناقة مع سواق ميكروباز ودهس
بصراحة يعنى انا بدعى كل يوم ميوقفش حد منهم ف طريقى لانى مش بتمالك اعصابي ولا بعرف احسبها والكلام ده ساعة الخناق
بقالى كام يوم ف قاهرة المعز وبشوف العجب
بحاول اهدى مش عارف
كل ميجي نصيبى وانزلها كام يوم ببقا مش عارف حاسس اى هيجيلى ساكته قلبية نتيجة دمور ف المخيخ
بحاول ارضى زى مالناس راضيا مش عارف
فكرونى بالكاميرا الخفيه بتاعة الاسانسير اللى تلاقى مرة واحدة الاسانسير وقف وعطل وتلاقى ناس بتفرش ويقولو زى كل يوم بالظبط
انا امبارح من كتر الغل كنت هودى نفس ف داهية واموت واحد تحت عربيتى مكنش حاسس بنفسي فعلا
اللى حصل كالاتى :
واحد ف يوتيرن بميكروباص هيموت ويعدى والناس مش ساءله فيه لدرجه انه كان هيموت من كتر الغل اللى فيه
قلت اكسب فيه ثواب واعديه مفرقتش من عربية كده كده الطريق كان شبه واقف شفته طيبة القلب !!
الباشا راح معدى وواقف قدامى ف نص الشارع بيحمل
وانا بقا كلاكس متقطع ثم مستمر ثم شتايم بالكلاكس وهوا ولا سائل ف اهلى وعدت بتاع دقيقتين وهوا جزما
رحت طالع من الشباك وشاتمه بس مش باهله قلت خلى عند اهلك دم ومشى الشارع ياحيو....
الباشا راح ناطط بحنب العربية كده سيكا ولقيته جايب دراع كوريك ونازل يضربنى
تلقائى رحت دايس بنزين وحشرته بين عربيتى وعربيته ولم عديت لقيت مفخد على الارض بصراحة مجليش قلب
رحت راكن ونازله وده مش عارف يتكلم خالص
طبعا انا قلت كده كفايا حبة السواقين اللى ف الشارع دول بس بتوع الميكروباص يتلمو عليا وانا كده عليا السلام
قلت ربك كريم وستار المهم مجريش واعمل عيل
بس لقيت ان كلهم ف صفى وبيشتمو فيه
واتكلت على الله وقلت يارب خرجنى من البلد دى سالم
بصراحة انا عارف ان اللى عملته ده غلط كان ممكن يتكسر فيه ضلع ولا ادوس عليه بس انا كنت مغيب من كتر البرود اللى قدامى
حابب بقا اعرف لو حد مكانى كان ايه التصرف البديل
لانى منكرش انى كنت فرحان فيه لما وقع كده علشان هوا فاكر نفسه بلطجى ومحدش هيعرف يعمل معاه حاجة