مراية السوبر صالون الكهرباء ممكن تغلق يدويا؟؟

**Ahmed.TV** · 26-04-2011 02:43 PM

مفروض ان كل مرايات الضم اللى بتتقفل اتوماتيك واحد , لان مرايا بيشو اللى ركبها اللى بتتقفل ضم اتوماتيك كهرباء المهندس قالنا
ان خالى بالكم محدش يقفلها بايده ونبه على عامل الجراج بالكلام ده عشان غلط , لانها شغالة على تروس , وممكن التروس دى تبوظ
حتى بيشو ساله وقاله طيب لو باظت لقدر الله , قاله فى عندنا قطع غيار ليها

فالمرايا الاصلية بتاعت السوبر صالون الضم مفروض انها زيها على ما اعتقد , فاذا كان المانيول بتاع العربية مكتوب كدا يبقا خلاص
لان خالى بالكم ممكن يكون مكتوب وقصدهم على المرايا الاى اكس

اتاكدوا اكتر وخصوصا من ملاك السوبر صالون , او من اى مركز صيانة وانتو بتعملوا الصيانة

وبخصوصك يا حسين موضوع تركيب وحدة غلق على مرايا عادية مش عارف والله بس لما اروح مودرن حسالك باذن الله عليها

**د.أحمد السعيد** · 27-04-2011 10:46 PM

محدش هيضيف حاجة !!

**egypt0777** · 28-04-2011 12:03 AM

محدش يقدر يضيف عليك يا كبير

تحياتى لحضرتك

**mff_629** · 28-04-2011 04:42 PM

المشاركة الأصلية كتبت بواسطة egypt0777

انا قريت فى المانيول بتاع العربية ان ممكن تقفلها يدويا ما فيش مشكله

بس حرجع و تاكد تانى من المعلومة ده

الكلام ده صح و 100 100
فى المانيول بتاع العربية ممكن تقفلها يدويا ما فيش مشكله

**omar-saad** · 01-05-2011 01:44 AM

المرايا بتتقفل عادى جدا يالايد
لان الترس شغال سواء ان كان التحريك مانيوال او كهربا
كان عندى كورولا وكنت بقفلها عادى جدا
فمفيش خوف من انك تقفلها مانيوال
واتاكد من الكاتالوج

**Bishoy.Girgis** · 01-05-2011 03:35 AM

المشاركة الأصلية كتبت بواسطة ahmed.tv

المعلومة بتاعت غلق المرايا باليد انه غلط , قالى عليها واحد فى التوكيل لما كنا بنركب مرايا ضم فى التوكيل لبيشوى

ولو مرة عدت والتانية , ممكن متسلمش المرة اللى بعدها , فامن حاجة انها ميقفلهاش بايده طالما دى مرايا ضم كهرباء

وبخصوص وحدة الغلق دى جميلة جدا , وبيشوى ركبها مع المرايا لما جابها , وكانت فعلا بالسعر ده , وجبتله خصم فيها اعتقد وصل تمنها الى 165 او 180 , حاجة كدا

بالتركيب وكله , بس خالى بالك كنا بنركب حاجات تانية معاها , فعشان كدا مش حسبنا على تركيبها , دخلناها من ضمن شغل تركيب مرايا الضم

ولو عايز اى حاجة قولى واعطى رقمى لحماك وانا اعمله اللى هو عايزه ,

وتحت امرك يا دكتور

زي ما قال اخويا الحبيب احمد التوكيل فعلا حذرنا كتير جدا جدا من غلق مراياتي باليد لأنها هتأثر علي التروس و ميكانيكية المرايات الداخلية و التروس بتضرب بعد فترة لكن اكدوا لينا ان المرايات قطع غيارها الداخلية من تروس متوافرة في التوكيل .. لكن بالنسبة للمرايات بتاعة السوبر صالون انا معرفش ايه وضعها بالنسبة لغلقها يدويا ً لكن في حاجه ان سايس الجراج اللي بركن فيه عربيتي لما جيت اركن عربيتي اول مرة سألني سؤال هل مراياتي كهرباء ولا مانيوال فأكيد في ناس كتير بتنذرهم قبل ما يركنوا عربياتهم ان المرايات كهرباء و عدم ضمها باليد
و علي العموم لو فعلا ممكن تتقفل باليد دي صحيحة اكيد تبقي مصلحة بس مش لنوع مرايات عربيتي لأن مراياتي خاصة شوية في طريقة غلقها فالافضل انها تغلق مع الكونتاكت لأن غلقها مش زي بتاعة السوبر صالون لأنها بتغلق لفوق زي بتاعة البي ام دبليو و الاوبل