السلام عليكم ورحمة الله وبركاته
كنت بسأل يا جماعة مراية السوبر صالون الكهرباء ممكن تغلق يدويا؟؟ و لا دا بيبوظ حاجة فيها
رجاء الافادة يا صقور
عرض للطباعة
السلام عليكم ورحمة الله وبركاته
كنت بسأل يا جماعة مراية السوبر صالون الكهرباء ممكن تغلق يدويا؟؟ و لا دا بيبوظ حاجة فيها
رجاء الافادة يا صقور
مفروض انها على تروس ولو اتقفلت يدويا غلط طبعا , ممكن تكسر التروس دى وتبوظ
شكررا أحمد باشا
بس هية المرايا و هى بتقفل كهرباء بتقفل بسرعة كأنك بتقفلها يدوى
لو تعرف تسأل لنا حد فى التوكيل لأنى مش مقتنع بعدم قفلها و فتحها يدويا
و عربية حمايا جرب يقفلها يدويا و قفلت و فتحت بعد كده عادى فياريت نتأكد علشان المعلومة تبقى صح
و حمايا عايز يركب غلق المرايات اوتو ماتيكى مع غلق الكونتاكت رأيك ايه (سأل عليها فى التوكيل اللى فى الهايكستب قالولو حوالى 220 )
بس متهيألى هى ملهاش جهاز معين للأوبشن دا هو تعديل بس فى الكهرباء !!
المعلومة بتاعت غلق المرايا باليد انه غلط , قالى عليها واحد فى التوكيل لما كنا بنركب مرايا ضم فى التوكيل لبيشوى
ولو مرة عدت والتانية , ممكن متسلمش المرة اللى بعدها , فامن حاجة انها ميقفلهاش بايده طالما دى مرايا ضم كهرباء
وبخصوص وحدة الغلق دى جميلة جدا , وبيشوى ركبها مع المرايا لما جابها , وكانت فعلا بالسعر ده , وجبتله خصم فيها اعتقد وصل تمنها الى 165 او 180 , حاجة كدا
بالتركيب وكله , بس خالى بالك كنا بنركب حاجات تانية معاها , فعشان كدا مش حسبنا على تركيبها , دخلناها من ضمن شغل تركيب مرايا الضم
ولو عايز اى حاجة قولى واعطى رقمى لحماك وانا اعمله اللى هو عايزه ,
وتحت امرك يا دكتور
انا قريت فى المانيول بتاع العربية ان ممكن تقفلها يدويا ما فيش مشكله
بس حرجع و تاكد تانى من المعلومة ده
مرايا السوبر صالون ممكن تغلق يدوووووووووي بدون اي مشاكل
المصدر التوكيل وكتيب شرح العربية
اممممممم ...
هل غلق المرايا للاي اكس صالون يدويا غلط .... ولا هيا ما فيهاش غير يدوي اساسا ....
معلش سؤال مش في محله !!!!!!!!
مفروض ان كل مرايات الضم اللى بتتقفل اتوماتيك واحد , لان مرايا بيشو اللى ركبها اللى بتتقفل ضم اتوماتيك كهرباء المهندس قالنا
ان خالى بالكم محدش يقفلها بايده ونبه على عامل الجراج بالكلام ده عشان غلط , لانها شغالة على تروس , وممكن التروس دى تبوظ
حتى بيشو ساله وقاله طيب لو باظت لقدر الله , قاله فى عندنا قطع غيار ليها
فالمرايا الاصلية بتاعت السوبر صالون الضم مفروض انها زيها على ما اعتقد , فاذا كان المانيول بتاع العربية مكتوب كدا يبقا خلاص
لان خالى بالكم ممكن يكون مكتوب وقصدهم على المرايا الاى اكس
اتاكدوا اكتر وخصوصا من ملاك السوبر صالون , او من اى مركز صيانة وانتو بتعملوا الصيانة
وبخصوصك يا حسين موضوع تركيب وحدة غلق على مرايا عادية مش عارف والله بس لما اروح مودرن حسالك باذن الله عليها
شكرا على يدويا و باليد
الخلاصة من الكتالوج قسم 3 صفحة 15 تحت بند التحكم عن بعد فى المرآة الخارجيه " المرآة الخارجية ممكن ان تثنى يدويا "
و اى خدمة
محدش هيضيف حاجة !!
محدش يقدر يضيف عليك يا كبير
تحياتى لحضرتك
المرايا بتتقفل عادى جدا يالايد
لان الترس شغال سواء ان كان التحريك مانيوال او كهربا
كان عندى كورولا وكنت بقفلها عادى جدا
فمفيش خوف من انك تقفلها مانيوال
واتاكد من الكاتالوج
زي ما قال اخويا الحبيب احمد التوكيل فعلا حذرنا كتير جدا جدا من غلق مراياتي باليد لأنها هتأثر علي التروس و ميكانيكية المرايات الداخلية و التروس بتضرب بعد فترة لكن اكدوا لينا ان المرايات قطع غيارها الداخلية من تروس متوافرة في التوكيل .. لكن بالنسبة للمرايات بتاعة السوبر صالون انا معرفش ايه وضعها بالنسبة لغلقها يدويا ً لكن في حاجه ان سايس الجراج اللي بركن فيه عربيتي لما جيت اركن عربيتي اول مرة سألني سؤال هل مراياتي كهرباء ولا مانيوال فأكيد في ناس كتير بتنذرهم قبل ما يركنوا عربياتهم ان المرايات كهرباء و عدم ضمها باليد
و علي العموم لو فعلا ممكن تتقفل باليد دي صحيحة اكيد تبقي مصلحة بس مش لنوع مرايات عربيتي لأن مراياتي خاصة شوية في طريقة غلقها فالافضل انها تغلق مع الكونتاكت لأن غلقها مش زي بتاعة السوبر صالون لأنها بتغلق لفوق زي بتاعة البي ام دبليو و الاوبل
و ده لينك موضوع مراياتي للتذكرة و للاعضاء الجدد