سؤال .. إذاي أحكم على حالة السوست الاستيراد الخلفي إذا كانت حالتهم كويسه من عدمه.
ومنين جبتهم
مع الشكر
عرض للطباعة
اولا بمجرد النظر لازم يكون شكلهم نضيف والبوية السودة فيهم والاتنين ارتفاع واحد
ثانيا دي عايزة خبرة وهي انك تختبر الصلابة بتاعتهم عن طريق الضغط عليهم وهما على الارض
وتشوف هل بينزلو وبيضغطو بسرعة ولا لا ودي زي ما قولت عايزة خبرة عشان تكون عارف المفروض مقاومتهم تبقى اد ايه
وفي طريقة بسيطة وهي انك تاخد واحدة من القدام المفروض متبقاش اعلى من اللي هتشتريها
وكمان تقارن الضغطة على القديمة والجديدة
بس انت عايز تغيرهم ليه اصلا
مافيش طريقه لاختبار الصلابه بتاعتهم مع المرونه غير تركيبهم وتجربتهم فى السياره
دي اختبارات اولية
مش عقول السوستة تكون مريحة
او تكون فقدت جزء من صلابتها وبقت مرنة اكتر من اللازم بمجرد الضغط عليها واركبها واجربها
التجربة بعد التركيب لما تكون مستوفية الشروط الاولية دي وبعد كدة نركب ونحكم على ادائها
انت عاوز تغيرهم لية
لو العربية وطت شوية من ورا ممكن تعوضها بعليات مرسيدس مش هيكلفوا 15 جنية وانت اولى بالفرق
العلايات دي مقرفه و بتتقطع كل شويه
علايه المرسيدس بترفع العربيه 5 سم
بس كدا كدا السوست مضغوطه و هتخبط في المطبات و الحفر
السوستة مستحيل تختبرها من غير ما تركب فى العربية أنسى تماما أنك تعرف تضغطها حتى لو أتنين رجالة قعدو فوقها مش حا تبان الا لما تركب و اغلب الظن السوست الاستيراد كويسة مش وحشة
كتير من الي ركبو العلايات بيشتكو منها لانها بتخلي العربيه تعوم
بالذات الفيرنا
انا ف عربيتي مش فارقه كتير لان راكب عندي سوست بيجو 504 و هغيرهم لانهم قصيرين و ناشفين جدا
طبعا عشان تعلى العربيه ف مركب علايات المرسيدس
بس بردو السوست ناشفه ع العربيه و لازم تتغير
لو عايز تعلي ممكن تشوف حاجه تكون نفس قطر و سمك الحديد بتاع سوست عربيتك بس زياده لفه بالكتير
انا عامل كده العربيه واطيه من ورا عن قدام اشتريت جوز سوست استيراد بتوع لانسر ب80 جنيه هي اخت بتاعتي بس زياده لفه فقط
العلايات دي اختراع زباله وأخر قرف
انا بيتهيالى ان سست الشاهين مرنه وناعمه عن 131 لذالك اى حموله بتوطى من الخلف لكن 131 ناشف شويه
على فكره سست 131 هى 132
انا عندى السست الخلفيه ضعيفه اول مايركب 2 ورى العربيه بتشب لقدام
ملحوظه اسمها يايات مش سست
السست زر الى فى عربيات النقل والحناطير