نداء خاص للكريستالويه

**zooma2009** · 25-04-2011 04:03 AM

كان عندي مشكله ودوخت ومش عارف حلها ونفسي حد يساعدني

الموضوع كان ان كان عندي قاعده موتور امامي (كريستاله 2000) مقطوع وكان محتاج اغيره

جبت واحد تايلاندي وركبته ,, جيت اشغل العربيه ( اعوذ بالله) .. جرار بيتهز ... هزه وزنه فالعربيه غريبه

رحت جاري ادور علي نوع تاني ملقتش غير مصري ( شكله يقرف)
نزلت جبت واحد استعمال ... ملقتش غير بتاع 99 ... الفرق بينه وبين 2000 انه حديد تقيل ( غير 2000 المونيوم خفيف)

ركبت الحته الاستعمال ... احم احم ... دورت ... الهزه قلت كتييير ... بس لسه موجوده ... وكمان في زنه بسيطه كده ... بس مضايقاني جدا

قولولي اعمل ايه ... انا ندمان اني غيرت الاصليه بتاعه العربيه .. مع انها كانت مقطوعه بس العربيه كانت ناعمه ولا هزه ولا زنه

يا تري اجيب منين قاعده اصلي او نووع نضييف ... ولا ممكن تكون المشكله ان القواعد التانيه قديمه ف سايبه شويه ولما ركبت دي مسكت الموتور من ناحيه والناحيه التانيه لسه سايبه ف عامله المشكله دي؟؟؟؟

اتمني من خبراء الكريستاله ان يفيدوني

شكرا مقدما

**husseinsalah** · 25-04-2011 07:58 AM

عن نفسى كانت القاعدة الشمال وانت فاتح الكبوت مقطوعة وغيرتها بواحدة تايلاندى بس مش كلها ياعنى رحت لخراط كبس الكاوتشة القديمة وبعدين كبس الكاوتشة الجديدة مكانها وبقت زى الفل بس اعتقد لو انت عملت كدة يبقى الراجل اللى كابسلك الكاوتش ما حددش اتجاها ياعنى لازم تدخل بوضع واتجاة معين علشان فاتحة الكاوتشة الداخلية مش فى النصف بالظبط

**kingkolman** · 25-04-2011 01:03 PM

انا عندى نفس المشكله بالظبط ( غيرت القاعده اللى فى الشمال اللى جنب السيور ) جبت واحده تيلاندي تقريبا كانت ب 150 مش عارف كدا غاليه ولا رخيصه
و لما جيت ادور العربيه لاقيت هزه جامده بس الموضوع ده بحس بيه لما بدور العربيه الصبح يعني و هيه بارده
فتقريبا لازم اعمل اتشك على بقيه القواعد عشان فى 4 قواعد موتور ...... هجرب و هقولك و انت لو عرفت حاجه ياريت تقولى يا زووووما

**zooma2009** · 25-04-2011 04:26 PM

المشاركة الأصلية كتبت بواسطة husseinsalah

عن نفسى كانت القاعدة الشمال وانت فاتح الكبوت مقطوعة وغيرتها بواحدة تايلاندى بس مش كلها ياعنى رحت لخراط كبس الكاوتشة القديمة وبعدين كبس الكاوتشة الجديدة مكانها وبقت زى الفل بس اعتقد لو انت عملت كدة يبقى الراجل اللى كابسلك الكاوتش ما حددش اتجاها ياعنى لازم تدخل بوضع واتجاة معين علشان فاتحة الكاوتشة الداخلية مش فى النصف بالظبط

عملت زي منت بتقول كده بالظبط ... اشتريت الكاوتشه اللي جوه بس تايلندي ورحت للخراط كبستها

اول مره تقريبا كبسها غلط ف عملت هزه رهيييبه .... فكتها ورحتله تاني وكبسها تاني ... برضه عملت نفس الفيلم

المشكله ان الاصليه بتاعت العربيه كانت مقطوعه ... فمكنتش عارف اتجاهها اوي

انا كبستها بالظبط زي القاعده التايلندي اللي بتتباع جاهزه وبرضه عملت المشكله

ده حتي القاعده الاستعمال ... مع انها ارحم كتيير طبعا ... بس برضه مضايقاني .... في هزه بسيطه كده مش متعود عليها

**zooma2009** · 25-04-2011 04:28 PM

المشاركة الأصلية كتبت بواسطة kingkolman

انا عندى نفس المشكله بالظبط ( غيرت القاعده اللى فى الشمال اللى جنب السيور ) جبت واحده تيلاندي تقريبا كانت ب 150 مش عارف كدا غاليه ولا رخيصه
و لما جيت ادور العربيه لاقيت هزه جامده بس الموضوع ده بحس بيه لما بدور العربيه الصبح يعني و هيه بارده
فتقريبا لازم اعمل اتشك على بقيه القواعد عشان فى 4 قواعد موتور ...... هجرب و هقولك و انت لو عرفت حاجه ياريت تقولى يا زووووما

ياريت فعلا تجرب وتقولي ... لأني دوخت ومش عارف اعمل ايه ... بس الميكانيكي قالي ممكن يكون السبب فعلا ان القواعد التانيه عايزه تتغير .... كشفت عليهم لقيتهم مش مقطوعين بس ( مكبوسين) ... معرفش يعني ايه !!!!!!

ومش عارف حتي لو حبيت اغيرهم اجيب نوع نضيف او حتي الاصلي منين؟؟؟!!!:b4_592: