اى خدمه يا فندم و اهم حاجه ان المعلومات الصحيحه تكون كلها متوفره للاعضاء من اجل تقدم نايل موتورز للامام
كلام مضبوط 100%
وانا كمان شوفتها مرتين
مرة عند معرض البطل احمد عبد العزبز كنت عند ابويه فى الشركة وبعدين سالت الراجل قالى دى 165 الف بلبل ودى اعلى فئة بس ملحقتش اشوفها كوبس سالت الراجل هى العربيه مشيت قالى اه دى راحت معرض النايل سيتى فوعلت قوى وماشى متعككن وبعدين وانا رايح لحماتى كانت الساعه 11 ونص بالليل لقيتها واقفه قدام الكونراد كان رايح معرض النايل سيتى فى ابراج سويرس وكانو العربيتين واقفين قدام بعض نيو النترا والفيولستر وكمان دايرين وطبعا الفيولستر اللون النحاسى بالجنوط ال 18 ومطعم باللون النحاسى وشكل الجنط مالوش حل والتصميم الرائع جدا المهم ركنت يااخوانى قدامهم ورحت رايحلهم كان واقف 2 شباب زى الورد مع الاتنين اللى كانو سايقين العربية فعملت عبيط وسالتهم هو ايه الموضوع يابرنس هى دى الفيولستر بصراحه لقتهم شباب صغير عسل ووشهم بيضحك وبيخدو وبيدو فى الكلام فسالته على السعر عشان اتاكد فاكد نفس السعر
وطبعا الجنوط قالى 18 وطبعا فتحت الباب شوفت الدى فى دى بالعدادات بالفتيس الاتوماتيك ومن البره الزينون ومعرفش فى انوار صغيره زى المرسيدس وفتحتين الشكمان اللى شكلهم غريب اتعقدت وقلت الله اكبر وقلتلوا سلام عليكم ورحت فووووووووو ماشى
المهم ان العربيه وههههم الوهم وفرق السماء عن الارض عن الفيديوهات وحجمها كبير وعريض مش صغير وطبعا السعر مولع بس تستاهل وبجد
وانا مشعارف هيونداى هتروح لحد فين بصراحة نجمها للسماء قوى ماشاء الله
والله المستعان
ياباشا شكرا علي المعلومات القيمهاقتباس:
العربيه نزلت فعلا بتلات فئات :
تبدأ مع فئة فيلوستر مانيوال هاى لاين، التي ستمتلك قائمة تجهيزات تحتوي علي ، عجلة قيادة متعددة المهام ، تكييف هواء، قفل مركزي ،مرايا جانبية بتحكم كهربي، مصابيح ضباب، نوافذ جانبية كهربائية، نظام صوتي مزود بعدد 4 مكبرات للصوت مع مداخل خاصة ” aux – usb – rca ” مع قدره على قراءة ملفات بصيغة mp3 وملفات مرئية بصيغة divx, بلوتوث، كمبيوتر رحلات، إطارات سبائكيه رياضية قياس 17 بوصة ، وسيكون سعر تلك النسخة 137.900 جنيه مصري .
الفئة الثانية وهي فيلوستر اوتوماتيك هاى لاين، ستمتلك نفس قائمة التجهيزات السابق ذكرها ، بالإضافة إلى علبة التروس الأوتوماتيكية ، وسيكون سعر تلك الفئة هو 144.900 جنيه مصري .
أما فئة القمة وهي فيلوستر فولي لوديد ، ستزيد عن الفئة السابقة، إمكانية غلق المرايا الخارجية كهربائياً، مصابيح أمامية قابلة للتوجيه ومعتمدة على تقنية الزينون عالي الوضوح، زر إدارة المحرك بالضغط بدون مفتاح ، فتحة سقف ، برنامج الاتزان الالكتروني ecp ، مثبت سرعة ، نظام المساعدة على الاصطفاف عبر مستشعرات خلفية ، إطارات سبائكيه قياس 18 بوصة مزينة بلون السيارة ، وسيكون سعر تلك الفئة هو 164.900 جنيه
انا كنت معدي في ش البطل و هما بينزلوها و شوفتها و كانت اعلي فئه النحاسي
من الاخر العربيه دي هاتاكل السيراتو الكوبيه .
هو فعلا الفرق مش قليل ... بس الفولستر نازل فيها اوبشن اعلي من السيراتو ( اللي مشاكلها كتير )
موضوع ال 3 ابواب ده غريب بس جامد جدا
السقف البانوراما ... ecp ... barking sensor ... الجنط 18 بلون العربيه ... مثبت السرعه
ولسه مش عارفين الموتور 1.6 اللي بيخرج 138 حصان ده نظامه ايه ولا الفتيس
عموما انا شايفها حلوه جدا و هاتعمل مبيعات حلوه جدا
اللي مستغربله ان هايونداي منزله عربيات كتيييير اوي 1.6
فيرنا و اكسنت و الانترا و i30 و فيلوستر و جيتز وماتريكس .... غريب شويه الموضوع ده
لا مش غريب لان المواتير الاصغر مش محبوبه في مصر و المواتير الاكبر جماركها و ضرايبها كتير جدا فالمواتير 1600 هي المناسبه هنا
jاهي نزلت يا شباب
العربية جميلة جدا جدا ومستنين تقرير عنها ان شاء الله
هي فعلا السقف بانوراما ولا فتحه سقف بس !!!!!