كابوس سرقة السيراتو .. حرام عليكوا يا رجالة والله

**Mshawky** · 25-04-2011 12:54 PM

ليه ياعم الرعب ده بس وتبشر على نفسك بدل انت متوكل على الله وبتقول الاذكار ربنا هيحفظك من كل شر باذن الله ومتتوقعش الشر دايما لان طبقا لقوانين الجذب فكل حاجه هتنجذب ليك فى الحقيقه وممكن تحصل لقدر الله فمتفكرش فى حاجه زى كده كتير وخليها على الله

**Atrees** · 25-04-2011 01:10 PM

المشاركة الأصلية كتبت بواسطة shod90

السلام عليكم ورحمة الله وبركاته
امبارح نزلت انا و صاحبى على الساعة 12 بليل نجيب عشا عشان كنا قاعدين نذاكر بقالنا مدة
المهم رحت ارابياتا اللى فى الحى السابع كانت نفسى رايحة لة
بإختصار انا راسم sketch يوضح انا كنت راكن ازاى و شوفت الموضوع من اى زاوية ة خلانى اشك ان العربية اتسرقت
الخطين اللى فى اعلى الصورة بيمثلوا الشارع
الخط الاحمر عربيتى
الخط الاسود كيا كارينز .. فطبعا حجمها اكبر من الكوب قمغطياها خالص ماشاء الله

الخط الاخضر دى اول زاوية شوفت الشارع و الكارينز منعا من بعد مخرجت من البوابة اللى لونها المفروض لبنى

طبعا العربية لا كان بانلها بوز من دهر ولا سقف ولا اى حاجة

طبعا انا كنت راكن قبل الرصيف بكتير عشان محدش يزنق عليا و لو قفل عليا هيوقف الشارع لأن الشارع هيبقى ضيق .. مش رخامة منى والله لاكن احنا فعلا كنا فى عرض كل دقيقة
لك ان تتخيل تطلع متلاقيش العربية .. لو هنقول نبضات قلبى كانت 80 قبل ما اشوف المنظر .. فجأة و بقدرة قادر والله بقى لا تقل عن 160 170 !!!!!!! .. و وشى اصفر و حسيت ان روحى بتتسحب منى والله و لقيت جسمى بعد ماكان دافى بقى تلج اكنى بحتضر والله !!!!!
حرام والله اللى بيحصل فينا دا كفاية موضوع واحد على سرقة السيراتو و يتثبت و اللى عندة جديد يكتبة فيه والله انا اتسمرت فى مكانى لأنى عندى الوهم انها اتسرقت ولاكن صاحبى بما ان اصلا مش حاطط فى دماغة الموضوع فكمل اتجاهة للعربية بما انة عارف انو هيلاقيها ورا الكارينز .. بجد حراااااااااااام
و معلش طولط عليكما

معلش يا بوب علي الخضة - هية ساعات بتيجي كدة - ومحوضع السرقة المتكرر دة مخلي كل الناس مهسهسة

ربنا يحرسلنا عربياتنا ويرد المسروق لاصحابة

ارجع ذاكر بقي :)))))

**msco** · 25-04-2011 02:00 PM

ياباشا انا قعدت فترة احلم بكوابيس انى عربيتي اتسرقت وهتلاقيني كاتب فى موضوع قبل كده قصة الكوابيس دي

وبمناسبة اللى يخاف من العفريت يطلعلة فنا فعلا كنت خايف من البلونة وكل ما اكل مطب ولو خفيف انزل ابص على الكوتش

لحد ما كلت المطب المناسب وطلعت البالونة المناسبة :d

والحمد لله

**shod90** · 25-04-2011 02:25 PM

المشاركة الأصلية كتبت بواسطة msco

ياباشا انا قعدت فترة احلم بكوابيس انى عربيتي اتسرقت وهتلاقيني كاتب فى موضوع قبل كده قصة الكوابيس دي

وبمناسبة اللى يخاف من العفريت يطلعلة فنا فعلا كنت خايف من البلونة وكل ما اكل مطب ولو خفيف انزل ابص على الكوتش

لحد ما كلت المطب المناسب وطلعت البالونة المناسبة :d

والحمد لله

هههههههههههههههههه .. شكلى مش هحط الموضوع فى دماغى عشان ميحصلش ههههههه .. بالونة و مقضور عليعا لاكن سرقة عربية لألألألألألألألألألألألأ :d:d:

**shod90** · 25-04-2011 02:27 PM

المشاركة الأصلية كتبت بواسطة atrees

معلش يا بوب علي الخضة - هية ساعات بتيجي كدة - ومحوضع السرقة المتكرر دة مخلي كل الناس مهسهسة

ربنا يحرسلنا عربياتنا ويرد المسروق لاصحابة

ارجع ذاكر بقي :)))))

بقولك اية !! .. متقولش ارجع ذاكر دى تانى بعد 56 يوم ههههههههههههه .. انا خلالالالاص انشاء الله فاضلى 56 يوم و محدش يقدر يقولى خش ذاكر تانى و الا هرتكب جريمة و الله هههههههههههههههههههه

**love7amada** · 25-04-2011 02:32 PM

المشاركة الأصلية كتبت بواسطة mezo_1978

انا بيقت بحلم احلام مفزعة انى اخرج من اى مكان مش الاقى العربية
انا مش عارف حنخلص من الموضوع ده امتى
الواحد بقى والله بيخاف يخرج بالعربية بدل ما يرجع ميلقيهاش

هههههههههههه
و الله زيي
انا بقي عندي الخفيف
انام احلم اني ركنتها و رجعت ملقتهاش
و لو مشوار قريب مرحش بيها
و لو هنزل اشتري حاجه اقعد حد فيها مسيبوش ينزل معايا
و لو نازل خطوتين احط قفل الدركسيون

**engaass** · 25-04-2011 03:23 PM

المشاركة الأصلية كتبت بواسطة moustafa_saad

الله يكون فى عون اصحاب العربيات اللى اتسرقت وربنا مايكتبها علينا جميعا يارب

امين يا رب

**medododo** · 25-04-2011 03:37 PM

حل في منتهي السهولة لمنع سرقة أي سيارة في جرس شقة لاسلكي عبارة عن جزئين جزء بيتحط برة الشقة وجزء داخل الشقة من غير أي سلوك ووفيه أنواع بيوصل مداها 100 متر يعني لو راكن تحت البيت حط فردة الجرس تحت العربية وأول لما حد يحركها يرن عندك في الشقة أو حتي في مكان شغلك مش مشكلة وممكن يطور ويربط بجهاز انذار السيارة

**AHMED1718** · 25-04-2011 04:05 PM

حمد لله على سلامتها ياراجل وقعت قلبى

بس انتا عارف انا بردو حصلتلى نفس المشكلة دى بردو ف مدينة نصر يوم الخميس

انا ركنت العربية قدام سيتى سنتر المهم

كنا لسه بنتجمع انا والرجالة وكل شوية حد يجي وقررنا نروح سيتى ستارز نجيب حاجة لو احد معانا من هناك ففضلنا راكنين عربياتنا زى مهيا ف مكرم

ورحنا سيتى ستارز مشى وباقى الشلة جتلنا على هناك

ورجعنا لقهوة مش فاكر اسمها ايه ف عباس العقاد بس طبعا رحنا بعربيتين لاتنين جولنا على سيتى ستارز

وقلنا نكمل اليوم بقا ونطلع نقفله ببلاي ستينشن

المهم طولنا جداا وببص ف الساعة لقيتها واحدة ونص واحنا خارجين من الساعة ستة تقريبا فاستأزنت انا علشان امشى

طلعت ابص وناسى خالص العربية بتعتى انى مجتش بيها . رجلى خادتنى لشارع جانبي كنت بركن فيه ديما لما نروح المكان ده

رحت ملقتش العربية اتثبت كده شوية وقعدت ادوس على الريموت على الزرار اللى بيعمل كلاكس ده ومش سامع حاجة قلت ينهار اسود الكابوس اتحقق ورجعت للعيال بسرعة بقولهم اطلعو دورو معايا مش لاقى العربية العربية اتسرقت

كلهم طلعو جرى وبعد موصلنا لعربية واحد معانا راح ناطق ايه ايعم ماحنا مجناش بعربيتك اصلا

انا كنت عايز ابوسه ف بؤه اساسا من الفرحة

بس قلبي مطمنش الا لما رحت لمكان عربيتى ولقيتها

يا على ده احساس