الموضوع: مقارنة العمر الافتراضي لمحركات السيارات الالماني ياباني امريكي

من خلال الواقع اللي قدامنا....الألماني و الايطالي و ماقدرش أفتي في موضوع خام السبيكة و كفائة السباكة و نسبها....بس برده من الواقع باين انهم اكتر محركات معمرة....اللي اقدر افيد بيه و هي حاجة مهمة...معظم الايطالي و الألماني بيطلع أقصى عزم في عدد متوسط من لفات المحرك يعني في ال mid-range عكس الياباني أو الأسيوي عامة....العزم الأقصى بيبقى على عدد لفات كبير نوعا ما...فا بالتالي الالماني أو الايطالي لو مثلا نفس محرك الياباني بنفس العزم مثلا عزم 120 نيوتن.متر أكيد حيعمروا أكتر عشان الياباني عشان يوصل لعزم زي ده حيحتاج عدد لفات أكبر....عدد لفات أكبر يعني حرارة أعلى......عدد لفات أكبر يعني احتكاك أعلى لأجزاء المحرك...فا بالتالي على المدى البعيد.....لو مثلا نفس السواق و بينقل بحيث انه ياخد الmaximum torque في العربيتين...و مش بيعدي عدد لفات الmaximum torque ...أكيد الألماني و الايطالي حيعمروا أكتر خصوصا مواتير الديزل الجديدة من فيات الJTD2 أو اسم الاختراع
Common Rail Direct-Injection و ده من اختراع فيات و شركة بوش الألمانية اشترت الاختراع و بتطبقه و هو اللي عمل طفرة كبيرة في محركات الديزل و التربو ديزل مثلا الألفا روميو JTD2 المحرك بيطلع أقصى عزم عند 1500 لفة في الدقيقة...أيوة 1500 لفة\دقيقة و بيفضل ثااااااااااااااااابت لحد 3250 أو 3500 لفة في الدقيقة و اللي بيفهم في الأرقام دي حيفهم يعني ايه ان ده اعجاز و متعة قيادة و اطالة لعمر المحرك....

مع كامل احترامي للمواتير كلها بس كل شركة ليها متور بيبقي فلتة فمينفعش نعمم ان مثلا كل مواتير المرسيدس هي افضل مواتير لان تكلفة المتور نفسها غالية عن الياباني فانا راي ان لكل مدرسة ظروفها ومتعتها وامكانيتها المتفردة الي ليها سحر خاص بيها.

انا شايف ان المواتير والفتيس الامريكي من اكتر اجزاء معمرة وعلشان نتاكد نشوف العربيات الامريكي القديمة بالفتيس الاوتوماتك لسة ماشين لحد دلوقتي واقوى مثال الكابرس مثلا