الموضوع: محتاج مشورتكم ، أبيع البطارية (كلورايد td 70 سائلة ) ولا أخليها و لو بعتها تجيب كام

السلام عليكم و رحمة الله و بركاته ،


أنا إن شاء الله هستلم عربية أوتوماتيك byd f3 الإسبوع دة ، و العربية فيها بطارية كلورايد td 70 سائلة ، أنا كنت بفكر أشلها و أحط وحدة جافة ، محتاج رايكو في الأتي :


1- لو بعتها تجيب كام ؟


2- أنا معايا عربية تانية (سوزوكي التو 800 cc ) داخلة على 3 سنين و البطارية اللي فيها مفيهاش مشاكل لحد دلوقتي بس أكيد ممكن تشاور عقلها بحسب العمر الإفتراضي ، السؤال هنا :

• هل أخلي البطارية الكلورايد و أبقى أحطها في السوزوكي لما البطارية اللي فيها تودع ؟

• مع العلم إن البطارية اللي في السوزوكي 55 أمبير على ما أعتقد ,مش عارف إذا كان ينفع أحط واحدة 70 أمبير ولا لأ ،

• و كمان هل كلورايد ينفع أخذنها بعد ما إتحطت في العربية ال f3 ؟

• و لو ينفع، أخذنها ازاي ؟

أنا أسف على الإطالة

طيب ممكن اسال حضرتك انت ليه عايز تشيلها بالرغم من ان السايله ناس كتير قالولى انها احسن من الجافه ومعرفش ليه وكان سبب انى اسيب البطاريه السايله عندى فى العربيه تقبل مرورى