السلام عليكم يارجاله انا كان جايلى زينون من الخارج Hella بس اللمض D2c فمتنفعش عندى كنت عايز اشترى لمض h4بس حاجه نضيفه وتكون 6000 كيلفن ويااريت برضه اعرف اللمض الى جايه مع الزينون 35 وات لازم الى اجيبهم يكونو 35 وات برضه واسف للاطاله
عرض للطباعة
السلام عليكم يارجاله انا كان جايلى زينون من الخارج Hella بس اللمض D2c فمتنفعش عندى كنت عايز اشترى لمض h4بس حاجه نضيفه وتكون 6000 كيلفن ويااريت برضه اعرف اللمض الى جايه مع الزينون 35 وات لازم الى اجيبهم يكونو 35 وات برضه واسف للاطاله
وياريت اعرف برضه انى اضاءه احسن 4300 والا 6000؟
ال4300 كويسة بس قليلة شوية ال6000 معقوولة
ايه يارجاله محدش عارف والا ايه انا مش عايز يتضحك عليا او اجيب حاجه وتبوظ بسرعه عايز حاجه نضيفه ياريت الرد
39 رد ومفيش حد قادر يفيدينى ؟؟؟؟؟؟؟؟؟؟
4300 k is the best
also all xenon bulbs in egypt are 35 watt
والله 99% من اللى فى السوق صينى ... فمش حتفرق اوى ... وعلى فكرة اللمض مش بتتحرق بسهولة اللى بيتحرق بسهولة الجهاز عشان التقليب الكتير بيهلك الموديول بالذات وهو بارد
اغلى لمبة 4300k H4 حتلاقيها ب 120 جنية
وانصحك تبص على أضائتة الأول عشان ممكن متعجبكش عشان مش روشة ذى ال 8000 مثلا شوف الصورة دى من عربيتى 4300k
http://img849.imageshack.us/img849/7031/22042011118.jpg
فعلا مش كل الناس بتحب الاضاءه ديه بس ديه انا بحسها احسن اضاءه هى وال6000
أوضح نور = 4300
أشيك نور = 6000
أروش نور = 8000
أحتاس انت بقى لوحدك !! عن نفسى انا اخدت 4300 يهمنى الوضوح مش الشكل شوف بقى انت واحتياجاتك
انا فى نفس الحيرة ياباشا وسالت شوية فى دمشق كلهم عندهم اللمبة عالى وواطى زينون من 270 ل 300 جنيه
فى واحد فى الحرفين هو اللى عنده لمبة تكة واحدة ودول عاملين 150 للمبتين
بس بتوع دمشق قالولى لازم تجيب ضفيرة للمض و دى من 80 ل 120 جنيه
مش عارف اعمل ايه؟ :)
العفووو يابوب ولازم ضفيرة طبعاااا عشان يقلب مع بعض فى نفس الوقت .... الضفيرة لازم تكون نضيفة و معزولة
غالبا ياباشا انا مركزتش فى الموضوع دة :s
بس كلمت محل كان عامل اعلان هنا فى المنتدى ومشى
عندة لمبة h4 تكة واحدة ب 65 للمبة الواحدة والالوان 6000k و 8000k
و قولتلو مش محتاج تعديل ولا حاجة قالى لا بيركب علطول
فمن المتضح كدة ان الضفيرة دى لو سيادتك هتركب اللمبه الى فيها التكتين زينون
الخلاصة ان اللى قالو على الضفيرة عندهم لمض تكتين
اللى عندهم لمض تكة واحدة مجبوش سيرة الضفيرة
طيب مهو لو الضفيره ديه هتخلليه تكتين يبقى حلو اوى وياريت حد يقولنا نجيبها حاجه نضيفه منين؟
سعر لمض اية اللى الضعف ؟؟؟؟؟؟؟؟؟؟؟؟؟؟؟؟؟؟ اللمبة ب 100 جنية 120 جنية بالكتيير
دى اللمبة ال h4 ال 4300k ب140 جنية اللى هى اغلى و اندر لمبة !!
الضفيرة بتتباع ب 60 جنية ولمبتين قول ب 250
بص ياباش
انا كان عندى جهاز بلمض h7 وكنت غارضه للبيع عشان اجيب h4
فمحصلش نصيب في بيعه فجبتله لمض h4 تكة واحدة بدون ضفيرة 8000k هو اللون الى موجود عنده
وبالنسبالى لذيذ هو رشحهولى كمان علشان متوفر اكتر من ال 6000 و ال 4300 اللى مش موجود غير كل فين و فين
لو جبت لمبة تكتين زينون هضطر اجيب ضفيرة والضفيرة مكنتش موجودة عند الراجل ده وقتها
وعامة انا مكننش هركبها برضه
التكاليف 120 جنيه للمبتين بتركيب الزينون
يعنى تقريبا التركيب مجانا
ودة كان ارخص سعر وصلتلو
الاسعار اللى سمعتها
- 150 بدون تركيب
- 130 بدون تركيب
التركيب فى حدود 40 جنيه
يا باشا مفيش تعب ولا حاجة ارجو ان اكون افدتك
واسف للتاخير فى الرد
واي استفسار لا تتردد فى السؤال
تمام ياوليد باشا
سلام عليكم يا جماعة انا معايا سكودا اوكتافيا a5 موديل 2007 ونفسى اركبلها زينون لانى بسافر كتير من القاهرة لاسكندرية ده غير انى العربية بيبقى شكلها شيك قوووى انا طبعا مش فاهم اى حااااااااااااااجة خالص من الانواع ولا المقاسات بس انا بحب الزينون الابيض مش الازرق والالوان الغريبة ديه فياريت حد يقولى اروح اقول لبتاع الاكسسوارت عاوز ماكنه زينون نوعها ايه ولمبه ايه وياريت لو حد يعرف مكان كويس سواء فى اسكندرية او القاهرة
انا عاوز حد يفهمني موضوع التكه و التكتين ده
و هو ينفع يبقي نفس الموديول و أغير اللمض عليه ؟