عرض للطباعة
السلام عليكم ورحمة الله وبركاته
أنا خلاص رايح مركز التدريب علشان لبست فى الجيش ومحدش غيرى بيسوق العربية عندنا فكنت عايز أعرف أعمل ايه ؟؟ هل أخلع البطارية ولا كفاية أفك القواطيش واسيب البطارية مكانها ولا ايه؟ ولا حد يدور العربية فى مكانها كل 3 أيام وخلاص على كدا ؟
دا غير إنى كنت ناوى أغير الأربع فرد فلما جه الجيش قلت لما أخلص ابقى أغيرهم؟ ايه رأيكم
العربية شاهين موديل 99 فى الغالب هاتتركن لمدة شهر ( على حسب الاجازات )
خلى اى حد كل كام يوم كده ينزل يدورها ويسخنها شويه كده
لو شهر عادي سخنها كل كام يوم
نفس القضية ، بس انا هخلي أخويا يدورها ، وعلمت أخواتي فممكن يمشوا بيها فى المنطقة
أنت كنت مُرشح ظابط إحتياط ونزلت عسكري ؟؟؟؟؟؟
انا رايح بكرة أسمع السلاح فى الهايكستب إن شاء الله
بص يا كبير انا هكلمك عن الي حصلي كتجربه شخصيه
مع الركنه مية الردياتير بتتوسخ وبتجمع شويه تراب جواها فمكن لو هتركنها خالص تجيب ميه خضراء او تفضي الميه
البطاريه الجافه لو اكتر من 3 تيام تقريبا مدراتش بتنام لو القطاش راكب لكن لو مفكوك اعتقد عادي
طبعا الكاوتش لما بيتساب مريح كتير ممكن يشقق سعات ( فمتجبش جديد غير لما تبقى هتستعمل العربيه )
بالنسبه للزيت مع الركنه بيخف وبيتحتاج يتغير لان هتلاقي دخنه بيضه لما تييجي تدور بعد الركنه
انا من رأيي ترفع العربيه وتشيل الفرد والبطاريه وتغطي كل حاجه ( اهو محدش هيستجرى يسرقها ) وثانيا لو حد ساقها غيرك ممكن يبوظ الي كنت انت عاملو فيها ( حصلت معايه ) ولما تبقى ترجع بالسلامه ان شاء الله تبقى تشغلها وكلها حاجات بسيطه
انا ناسي شوية حاجات تاني لكن هما دول الي افتكرتهم وقلت اقولهم عشان تاخد بالك ويارب اكون قدرة افيدك ولو بحاجه صغيره
عن تجربة كنت مسافر شهرين وشويه فك البطاريه وزود ضغط الكاوتش ل٣٥ مثلا عشان لما ترجع لو العجل ريح متلاقيهاش على الأرض (عشان حصلت معايا في مرة والعربيه كانت راكنه في منزل!!!) وكمان إركنها على سطح مستوي عشان متحملش على السوست
متشكرين على الردود
ونسيت أقول إن البطارية جافة