محتاج مساعدة في احد فيروسات الكمبيوتر الخطيرة

السلام عليكم - محتاج مساعدة

جهاز اللابتوب بتاعي لقط فايروس من هارد ديسك خارجي مكسعم فيروسات

الفايروس اسمه win32/virut.bn

الفيروس كان عامل اخفاء للفولدرات داخل الهارد الخارجي ده وعامل شورتكت للفولدرات دي بصيغة exe تقريبا وأنا مش واخد بالي وضغطت على احدهم والجهاز اتملى فيروسات

النورتون مش شايفه خالص ولكن ال microsoft internet security - بأحدث تعريفات - شايفه وعمال يشيله ويتوالد مرة اخرى وهكذا لحد ما زهقت

بحثت في النت والمنتديات الأجنبية والكل يجمع على خطورته وأنه من الصعب ازالته يدويا ولا بد من برنامج به داتابيز للتعريفات كبير لكي يزيله

هل من حل

Remove Virus:Win32/Virut.BN, How To Remove Virus:Win32/Virut.BN | Cleanpcguide.com

شكرا للرد

اللنك سبق وزرته ويطلب تنزيل برنامج spywaredoctor وهو غير مجاني للأسف

nod 32 بيشيل البقع الصعبة عن تجربة بستخدمة بقالى اربع سنين وشوية واحسن برنامج فيروسات فى نظرى لازم تكون عامل تحديث لية

تصحيح Microsoft security essential

اقتباس:

---

المشاركة الأصلية كتبت بواسطة د.محمود صلاح

شكرا للرد

اللنك سبق وزرته ويطلب تنزيل برنامج spywaredoctor وهو غير مجاني للأسف

---

Free File Hosting, Online Storage &amp File Upload with FileServe

Download PC.T.S.D.8.0.0.624.rar for free on Filesonic.com

جار التحميل -شكراً جزيلا ,

وسأبلغك بالنتيجة لاحقا

أو سأضطر ل system restore مع علمي انه بيلخبط الدنيا

أنا زعلت من نورتون انترنت سيكيوريتي اللي ما عملش حاجة وكمان بيستحوذ على ال firewall بتاع الوندوز وبيغلقه عشان يشغل الفايرول بتاعه وآهو طلع شوربه .

قدرت أوصل لمنتدى دعم مايكروسوفت وكان حلهم هو تحديث الفيروول بتاع وندوز او تحديث Microsoft security essential

-----------

من خلال Microsoft security essential غيرت الإعادات بدل ما يعمل disinfection للفايروس خليته يعمل remove وبالفعل شالهم كلهم وبطل يتوالد

----------
شكرا أ\على جزاك الله خيراً للمساعدة

اقتباس:

---

المشاركة الأصلية كتبت بواسطة د.محمود صلاح

جار التحميل -شكراً جزيلا ,

وسأبلغك بالنتيجة لاحقا

أو سأضطر ل system restore مع علمي انه بيلخبط الدنيا

أنا زعلت من نورتون انترنت سيكيوريتي اللي ما عملش حاجة وكمان بيستحوذ على ال firewall بتاع الوندوز وبيغلقه عشان يشغل الفايرول بتاعه وآهو طلع شوربه .

قدرت أوصل لمنتدى دعم مايكروسوفت وكان حلهم هو تحديث الفيروول بتاع وندوز او تحديث Microsoft security essential

-----------

من خلال Microsoft security essential غيرت الإعادات بدل ما يعمل disinfection للفايروس خليته يعمل remove وبالفعل شالهم كلهم وبطل يتوالد

----------
شكرا أ\على جزاك الله خيراً للمساعدة

---

system restore لا يزيل الفيروسات انصحك ب kaspersky
اقوى انتى فيرس فى العالم و ممكن تعمل سكان اون لاين

هى خبرة حضرتك فىة الكمبيوتر ايه


وايه نظام التشغيل اللى عندك


مبدئيا جرب تاتوول دى

http://www.softpedia.com/get/Antivir...-Remover.shtml

ولو متشلش بعد متقلى على نظام تشغيلك هقلك تشيه يدوى ازاى

د. ميدو خبرتي جيدة جدا في الكمبيوترات

وندوز 7 ستارتر على جهاز ميني لابتوب - شلل للأسف - عليه نورتون ومايروسوفت سيكيوريتي فقط للحماية

جار التحميل وساخبرك بالنتيجة

فى انتظار النتيجه

فى انتظار النتيجه

متابع بإهتمام

بص حضرتك الخلاصة فى virut دا انه مينفعش يتشال و حضرتك مشغل الwindows نهائيا لانه اساسا بيعمل نسخة من نفسه و يلزق نفسه فى اى file .exe على الcomputer فالخلاصة مينفعش يتمسح و الwindows شغالة.

أنا ليا رايى فى موضوع virut دا , تعمل نسحة من كل الملفات اللى حضرتك محتاجها (أهم حاجة متكونش .exe ) و بعدين تفرمط الكمبيوتر.
فى حل تانى ان حضرتك تنزل برنامج بس مش فاكر اسمه , هجيب اسمه لحصرتك بتنزله على cd و بتخطه بيشتغل قبل الwindows بتشغل منه البرامج اللى بتمسح virut دا بس الموضوع حوار صعب و رزل و ساعات مش كل حاجة بتتمسح و بيرجع تانى علشان كدا ارشح لحضرتك الحل الاول علشان ميرجعش تانى , من الاخر اى .exe انساه نهائيا

انا كان ليا تجربه مع فيرس رخم و حاولت معاه بكل الطرق و مش بيتشال
لغاية ما نزلت برنامج اسمه
comodo
و عملت سكان بيه و برده المشكلة متحلتش
بس البرنامج ده في ميزة انك لو عندك مشكلة مع فيرس ممكن تتصل بخدمة العملاء و تقوله
و بعدين هوه يعمل معاك
remote connection
و يتحكم في الجهاز و يتصرف هوه

و بالفعل عملت كده و قولت لممثل خدمة العملاء و عمل شوية خطوات ملحقتش احفظها بعدين عمل سكان و المشكلة اتحلت من ساعتها و الحمد لله
جرب و ربنا معاك

السلام عليكم آسف للتأخر في الرد لحين اتمام عملية المسح طوال الليل

وانشغالي بالنوبتجية اليوم اللاحق

وتعطل المنتدى لفترة بسيطة ربما للصيانة ...


------------

النتيجة :-
Microsoft security essential بأحدث تعريفات وبضبط الخيار من داخله ل remove بدل من disinfect
شال الفيروس تماما .
-------------------
د. ميدو .. بعد ذلك استخدمت اداتك الاداة الخاصة ب AVG والتي تختص فقط ب ال virut وفحصت خلال 5 ساعات ولم تجد شيئا .. شكرا جزيلا لمعاونتك واهتمامك

-----------------------

بعد ذلك قمت بتنزيل برنامج emsisoft antimalware المجاني بالكامل وحدثته بالكامل ( مجاني للفحص والإزالة يدويا فقط وبفلوس للحماية المتواصلة )
وفحصت بيه وطلع لي بلاوي تروجان وباكدور backdoor

--------
الأخ الفاضل/ علي حسني
بعد ذلك قمت بتحميل وتحديث وتكريك البرنامج الشهير spyware doctor وطلع لي تروجان آخر وباكدور آخرين ..

----------------
الأخ الفاضل som3aa

يبدو ان الفايروس ماكانت متعمق جدا جدا لأن الجهاز بتاعي كان نظيف تماما وحصل اللي حصل فقط خلال ثواني معدودة من وضع الهارد المعطوب
والحمد لله اتشال بدون فورمات .. شكرا للرد والمساعدة

------------------------
كل ده من وراء فايروول النورتون ,,, أو أشك وبشدة ان تلك البرامج - emsisoft & spyware doctor - وهمية تحط حاجة وتعمل نفسها بتشيلهم عشان نتدبس ونشريهم والله أعلم ..

السلام عليكم و رحمة الله و بركاته
بص يا باشا ادخل على اللينك التالى
ComboFix Download
و حمل البرنامج اللى اسمه combofix بانك تعمل كليك يمين على الاسم الزرق و اختار save target as
و بعد التحميل تأكد انك تكون حذفت برنامج ال avg بالكامل من على جهازك عن طريق add remove program اللى موجوده فى ال control panal
بعد كده double click على ايكونة ال combofix اللى لونها أحمر ووافق على اى رساله تجيلك و سيبه يحمل حوالى 10 ]دقائق و هيطلع فيروسات اكتر مما تتخيل
و فى انتظار رد حضرتك

نصيحه اخويه استعمل كاسبر اسكاى انتى فايرس او انترنت سيكيورتى لو حابب ومعاة فاير وول منفصل وادعيلى

اقتباس:

---

المشاركة الأصلية كتبت بواسطة ahmedeg1

السلام عليكم و رحمة الله و بركاته
بص يا باشا ادخل على اللينك التالى
ComboFix Download
و حمل البرنامج اللى اسمه combofix بانك تعمل كليك يمين على الاسم الزرق و اختار save target as
و بعد التحميل تأكد انك تكون حذفت برنامج ال avg بالكامل من على جهازك عن طريق add remove program اللى موجوده فى ال control panal
بعد كده double click على ايكونة ال combofix اللى لونها أحمر ووافق على اى رساله تجيلك و سيبه يحمل حوالى 10 ]دقائق و هيطلع فيروسات اكتر مما تتخيل
و فى انتظار رد حضرتك

---

Combofix ده حبيبي من 5 سنوات الوحيد اللي بيشيل ال autorun ونسخته الحديثة بتشتغل على الفيستا وال 7 ولكنه للأسف المرة دي ما عرفش يعمل حاجة

بص يا باشا.. انا مهندس Networks و من خلال عملي اخر 3 سنين باكتشف ان Malwarebytes Anti-Malware هو اشد Virus Remover في البشرية... جربه و و الله حاتدعيلي من هنا لبكرة

Malwarebytes Anti-Malware - Reviews and free Malwarebytes Anti-Malware downloads at Download.com

اقتباس:

---

المشاركة الأصلية كتبت بواسطة dr_mido

نصيحه اخويه استعمل كاسبر اسكاى انتى فايرس او انترنت سيكيورتى لو حابب ومعاة فاير وول منفصل وادعيلى

---

هو دة الكلام اللى من الاخر

اقتباس:

---

المشاركة الأصلية كتبت بواسطة ahmedhossam86

بص يا باشا.. انا مهندس networks و من خلال عملي اخر 3 سنين باكتشف ان malwarebytes anti-malware هو اشد virus remover في البشرية... جربه و و الله حاتدعيلي من هنا لبكرة

malwarebytes anti-malware - reviews and free malwarebytes anti-malware downloads at download.com

---

للاسف مش مجاني
شكله جميل فعلا
ومش عارف له تكريك ولا باتش ولا لأ ؟

تحديث ..
به نسخة مجاني واخرى برو

يبدو قوي بالفعل

شكرا جزيلا

تمام يا باشا.. المجاني ممتاز و انت مش حاتحتاج النسخة الــ Premium الا لو انت عايزه شغال معاك علي طول مش On Demand

و ابعت Mail علي support@malwarebytes.org. لو عندك اي اسئلة و ادخل علي الـ Forum بتاعهم.. ناس شطار اوي و امناء جدا http://forums.malwarebytes.org/

جزاكم الله خيراً للإفادة

طب ايه طمنا...? Eliminated

تمام ياباشا تم الحذف نهائي ولا أثر له بعد عدة عمليات فحص بمختلف البرامج السابقة

تحديث :-

الجهاز تلف تماما غالبا بسبب الفيروس السابق الذكر والهارد ديسك لا يعمل وهو حاليا في الصيانة في الضمان

ولا حول ولا قوة إلا بالله العلي العظيم

Hp mini laptop 210
Atom 455 1.8
2G RAM
320 HHD

لا انصح احد بشراء الاتوم بروسيسور بطيء ويشل وفي الآخر ضرب من البطء

اقتباس:

---

المشاركة الأصلية كتبت بواسطة د.محمود صلاح

تحديث :-

الجهاز تلف تماما غالبا بسبب الفيروس السابق الذكر والهارد ديسك لا يعمل وهو حاليا في الصيانة في الضمان

ولا حول ولا قوة إلا بالله العلي العظيم

Hp mini laptop 210
Atom 455 1.8
2G RAM
320 HHD

لا انصح احد بشراء الاتوم بروسيسور بطيء ويشل وفي الآخر ضرب من البطء

---

حصل خير ان شاء الله

ان شاء الله يتصلح

والمره الجاية نصيحة لو دخل على الجهاز فيرس بلاش تعمل اسكان بيتعب الجهاز ويهريه على الفاضي

احسن حاجة سطب كاسبر انترنت سكيورتي وسطب معاه برنامج اسمه locate ده برنامج سيرش داخل الجهاز

وساعتها هقولك تعمل ايه ان شاء الله

تم تغيير الهارد في الضمان ورجع الجهاز جديد بحالة المصنع والحمد لله