شكلها حلو بس عايزه تترش يامحمد باشا وعندى فكره مش عارف هيبقى شكلها حلو والا لا ممكن من الناحيه التنيه يتلزق عليها اى حاجه انها ميبنش الى تحته وتترش وهتبقى فاجره وهى دلوقى حلوه يامحمد والله مبروك بس ايه حوار 3 وعلامه الاسعاف ديه؟
تترش ايه تاني يابو عادل ...دنا مخلص عليها إزازتين دوكو!!....الحقيقه مش فاهم الجزء التاني من الرد هههههههههههه...3 ده رقم العربيه و الهلال عشان انا ف طب...زي ما وكلاء النيابه بيحطوا بادج قضاء...احنا اقل منهم يعني? ههههههههههههههههههههههههه ههههههههههههههههههههههههه ههههههه.....اوعي تصدق ان 3 ده رقم العربيه..انا بس حبيت اشيله و ف نفس الوقت مش بحب حوار شطب الرقم خالص ده ف قولت آجي علي نفسي و اخليه 3 ههههههههههههههههههههههههه هههههههه
الفوانيس يا باشا حوارها حوار بس بسيط بإذن الله...هتفك الفوانيس من العربيه و تحطهم ف الفرن 8 دقايق و بعدين تشيل الوش الشفاف بسرعه هتلاقي الفانوس ف ايدك 3 حتت...الوش الشفاف و الكمره الاساسيه و جزء ف النص و هو ده ال بيترش...بترشه ب اسبراي دوكو اسود مط يعني مطفي...زمان كنت بعمل حواجب ع الفانوس من بره بالجلد بس اطفال الشوارع كانوا بيقوموا بالواجب و يقطعوه...فضلت افكر ف حل و توصلت لفكره ان الحاجب ده يبقي من جوه و فعلا نفذت زي ما حضرتك شايف ف الصوره ...الحاجب ال ع الوش الشفاف من جوه الفانوس مش بره...و عملت كمان خطين لونهم احمر جوه الفانوس يعني لزوم الحركات
الشبوره دي هيه شبوره الفيرنا معملتش فيها اي تغيير....دي فوانيس صيني فرزه اولي ماشاء الله نضاف جدا بس يا عيني منكتبلهمش يعيشوا...الراجل و هو بيغسل العربيه كان عنده ذمه زياده قام ساحب الاسلاك باللمض من تحت قضي عليهم و بعدين الدنيا مطرت عندنا جامد جدا الفانوس الشمال دخل فيه ميه من مكان اللمبه المفقوده و شكرا علي كده...
ما شاء الله شكلها جاااااامد
بسم الله ما شاء الله حلوة بس الموضوع ناقص حاجة واحدة بس وهى الشرح
انك تشرح ازاى عملتها وبالصور يلا الشبكة الجايه باذن الله
عربيه اسعاف طبعا....مش انا ال راكبها ههههههههههههههههههههههههه هه:b4_611:
يا باشا ده من ذوقك بس
ربنا يخليك يا باشا.....ممكن اشرح الطريقه بس للأسف راح زمن الصور لأن الشبكه اتعملت خلاص
مخبيش عليكم يا فيرناويه الطريقه صعبه حبتين في شبكتنا العزيزه لأنك لما تفرغها هتلاقي حتت فاضيه جوه الشبكه....مش عارف الكلام واضح ولا لأ...يعني قلب الشبكه ماسك في الاطار بعوامبد بالعرض كده و لما تيجي تشيل العواميد دي هتلاقي مكانها فاضي في الاطار و تحتاج تملاه......الحل بسيط طالما انت في نايل موتورز...ببساطه و انت بتفرغ الشبكه هتسيب حته بلاستيك من كل عامود و بعدين تجيب المنشار و تقطع في الزاويه بتاعت الحته دي و تقوم جايب شمعه و مسخن الجزء ده من تحت و حته مسطره من فوق و حته من تحت و تقوم ضاغط علي الحته السخنه دي بحيث تتساوي مع اطار الشبكه و كل ما عملتها باحتراف كل ما ارتحت في التظبيط و الصنفره النهائيه...طبعا هتلاقي فراغات و زيادات....انا اتعاملت معاهم ازاي بأه...الزيادات شلتها الاول بسلاح منشار الحديد و بعدين بالصنفره الخشنه و بعدين المعجون و الصنفره الناعمه !!!!!!!!!!!:36_1_50[1]:.....الفراغات بأه مليتها باللزق ال بيتخلط علي بعضه ده....انبوبتين كده تخلطهم و تملي الفراغات و بعدين تصنفر......بعد ما خلصت المعجون و صنفرت رشيت و بعدين ثبت السلك ورا الشبكه بنفس اللزق ده و كنت راشش السلك الاول و بعدين رشيت الاتنين تاني مع بعض...خلي بالك بأه من حته و متقلقش منها انا بصراحه مش عارف سببها و هي ان المعجون كان بيشرب الدوكو و بالتالي الحتت ال واخده معجون كان لونها مختلف عن الحتت التانيه و ده كان محتاج انك ترش بتاع 15 وش دوكو......... مش عارف لأني جبت معجون من بتاع الحدايد و البويات و هل بيختلف عن المعجون بتاع العربيات ولا ايه النظام مش عارف بصراحه بس اتسرت الحمد لله:b4_611: