لسلام عليكم
مجدي صاحبي وحبيبي
عضو معاكم هنا
راح لميكانيكي في الزقازيق
سمير رسلان
ولسه ماتفقش على سعر العمرة .. عربيته 131
المهم
عمرة العربية ..تكلف كام مصنعية بسسسسسسسسسسس
يعني الحرامي ده سمير رسلان..هياخد كام؟؟؟
عرض للطباعة
لسلام عليكم
مجدي صاحبي وحبيبي
عضو معاكم هنا
راح لميكانيكي في الزقازيق
سمير رسلان
ولسه ماتفقش على سعر العمرة .. عربيته 131
المهم
عمرة العربية ..تكلف كام مصنعية بسسسسسسسسسسس
يعني الحرامي ده سمير رسلان..هياخد كام؟؟؟
مصنعيه من 250 ل 350
اى عمرة للعربية المصنعية لن تقل بالميت عن 500 جنية و اكثر شوية أحسب مصنعية الميكانيكى و مصنعية الخراط
لو هنتكلم ف خراط ف دي شغلانه تانيه
مصنعيه الميكانيكي زي ماقولت من 250 ل 350
و الخراط لو دخل ف شمايز و كرنك مش اقل من 500 جنيه
انا عامل الشمايز ب 300 و ركب عمود الكامات ب 50
شويه اسعار للحاجات الي غيرتها
110 طقم شمبر برازيلي
160 عمود كامات
60 طقم كستبانات
30 جوان وش السلندر
8 جوان الكرتيره
6 جوان الشكمان
43 زيت التعاون
11 فلتر زيت
8 جوان التاكيهات
معلش انت ليه بتقول عليه ليه كده؟ سمير رسلان من أكتر الناس المحترمة اللى قابلتهم فى حياتى .. مش الميكانيكية بس .. لأ عموما.
ده غير انه فاهم جدا لأنه كان مدرس فى المدرسة الثانوية الفنية .. ده غير ان كل أساتذة الجامعة بيصلحوا عنده عشان هو راجل محترم .. ولا عمرى شفتة بيشتم حد بيشتغل عنده .. ولا بيفاصل فى الفلوس.
مش عارف انت ازاى بتقول عليه كده بصراحة.
الكلام ده من فارما
http://www.nilemotors.net/Nile_old/109145-a.html
شوف ورد عليا
أنا أول مرة أشوف الموضوع بتاع فارما .. وواضح ان كان فى سوء تفاهم .. أو حاجة تانية فى الموضوع .. أنا عارف أحمد فارما طبعا مش من النوع اللى هيشهر بحد من غير سبب .. و عارف سمير رسلان برضه .. مش من النوع اللى بيعمل شغل مالوش لازمة .. بالعكس ده انا اتحايلت عليه عشان يغير لى كبالن فى العربية السوزوكى .. و كل ما يركب العربية يقول لى كويسة .. مالوش لازمة تغير و حاجات تانية كتير يقول لى مافيهاش حاجة .. متفتحش على نفسك فتحة.
ممكن يكون فى حالة أحمد الاسطى سمير شخص العطل غلط .. ممكن العربية كانت محتاجة عمرة بجانب عامود الكامة .. الله أعلم .. يمكن شاف حاجات عمرها الافتراضى قرب يخلص فقال أغيرها بالمرة.
أنا برضه معترض ان أحمد يسيب عربيتة و ميتابعش .. أنا كنت بعمل سمكرة و دوكو للعربية السوزوكى .. كنت باروح قبل ما البوهيجى يوصل و أفضل واقف لحد ما يخلص شغل و يسيب العربية و اجى تانى يوم و هكذا لحد ما يخلص.
برضه مش أول ما الميكانيكى يقول لك عمرة تقول ماشى .. روح لكذا واحد وشوف رأيهم ايه .. أنا كان عندى مشكلة فى تكييف العربية السوزوكى .. رحت ل 3 .. لما ال 3 قالو الكمبرسور ضعيف .. فكرت ان أنا أشترى كمبرسور تانى .. فأحمد كان لازم يروح لحد تانى يتأكد منه ان العربية محتاجة عمرة .. خصوصا انه شايف ان العربية مبتدخنش ولا حاجة.
عموما أنا بتعامل معاه أنا و اخويا و ناس صحابى و أهاليهم .. و الناس كلها بتشكر فيه .. وبتعامل مع ناس تانية .. فى ميكانيكى بتاع تغيير بوجيهات و فى ميكانيكى بتاع عمرة .. وفى كهربائى بتاع تغيير لمبة و فى بتاع مشكلة كبيرة .. أنا لحد دلوقتى مشفتش منه حاجه وحشه .. ده ميمنعش انى أحط عينى وسط رأسى وأنا بتعامل مع أى حد.
طاب و تكلفة العمرة تفرق كتيير عن نص العمرة ؟؟ و لا مقاربة
لو دخل في خرط الكرنك مش اقل من 2000 جنيه
طبعا يجيب ماتور استيراد احسن ع التجربه و ميكانيكي كويس يكشف عليه
هيا فعلا مصنعية الميكانيكى متوسطها فى السوق 300 ج بس ميمنعش انها ممكن توصل 500 لسبب من الاتنين
واحد جزار فى مصنعياته
واحد بيخدم شغله بجد
يعنى الميكانيكى بتاعى بياخد 500 فى العمرة و 400 فى طقم الشنبر ! بس بصراحة بشوف المواتير طالعة من عنده انضف من وشى وانا لسه غاسله كل حاجة فى الموتور بتتراجع 100 مرة وواحد تانى قبله كنت بتعامل معاه اغلى منه وتاخد العربية من ايده ترميها فى الزبالة