سافرت الإسكندرية بالمكنة وشكر خاص لدياب

**m3_dolphen** · 26-04-2011 08:16 PM

المشاركة الأصلية كتبت بواسطة gtx295

حمد الله على السلامة ....

الله يسلمك .. جزاك الله خير

المشاركة الأصلية كتبت بواسطة kareemz

حمدا لله على سلامتك.

بالنسبة لموضوع الفرامل الأمامية أنا فضلت سنتين تقريبا أسوق زمان من غير الفرامل الأمامية خالص .. كنا بنأجر ياماها اللى هو 125 ال2 شكمان .. كنا بنسميه كدا .. الكلام ده من زمن .. سنة 1996 تقريبا .. و اللى كان اتقال لى ساعتها ان الفرامل الأمامية ممكن تقلبك .. عشان كده مكناش بنستخدمها خالص .. و نعتمد على اللى ورا.

ازاى بأه بتستخدموا الأمامية؟ و هل بتستخدموها لوحدها؟ ولا مع اللى ورا فى وقت واحد؟

الله يسلمك جزاك الله خير ......... بالنسبة للفرامل الأمامية هى اللى بتوقف المكنة من غير ما تزحف لأنها بتعتمد على حركة المساعدين الأماميين اللى بيكونوا عموديين تقريبا على الأرض ... بس أهم حاجة انك تستخدم الفرامل الأمامية والخلفية مع بعض ..

المشاركة الأصلية كتبت بواسطة melego323

ربنا يكرمو إن شاء الله .. على كده بأه الواحد ييجى إسكندرية و يكسر الفرامل مخصوص عشان يتشرف بمقابلة الراجل دا

آمين يارب ... وهو بصراحة من غير موضوع الفرامل كده كده كان جاى يقابلنى .

**m3_dolphen** · 26-04-2011 08:25 PM

المشاركة الأصلية كتبت بواسطة johnghaly

حمد الله على السلامه يا دولفين وبصراحه رجولة دياب كله بيحكى عليه وربنا يكرمه ويحافظ عليك يا دولفن

الله يسلمك ياغالى وربنا يحفظك

المشاركة الأصلية كتبت بواسطة karembob

حمدلله علي السلامة مش غريبة علي دياب ان يعمل كدة دا رجوله من الناس المحترمين

الله يسلمك ياكريم

المشاركة الأصلية كتبت بواسطة yascro

العفو يا باشا دا اقل واجب
بس المشكله فعلا كانت انى اقنع الراجل انه ينزل (بس اقنعته)
ههههههههههههههههههههههههه هههههههههه

هههههههههههههههههههههه الحمد لله انك أقنعته ... وحتى لو مكنتش أقنعته انت فوق دماغنا ياديبو

المشاركة الأصلية كتبت بواسطة khaled2010

حمد لله على سلامتك يادولفن

الله يسلمك يا خلــــــــــووووووود

**malibu** · 26-04-2011 08:44 PM

m3_dolphen@
حمدا لله على سلامتك

مواضيع الشكر ماليه القسم بس دياب مش هينفع حد يشكره فى موضوع
علشان هو طبعوا كده مش بيتظاهر انه خدوم و جدع و الكلام ده

**hero_xp10** · 27-04-2011 12:50 AM

حمد الله على السلامة وكويس انها جت فى حاجة بسيطة
ودياب ربنا يجزيه غير وده طبعا متوقع من انسان مثله والواحد يحب انه يتعرف عليه
بس للاسف مش بسافر بالمكنة لنفس الاسباب المكتوبه برضو

بقولك ايه يادياب
ممكن وانت نازل القاهرة تعرفنا .. عشان الواحد يلحق يعمل اى مشكلة فى المكنه واهو يلحق يكلمك ويقابلك قبل ما ترجع

**KHALED2010** · 27-04-2011 02:19 AM

المشاركة الأصلية كتبت بواسطة hero_xp10

حمد الله على السلامة وكويس انها جت فى حاجة بسيطة
ودياب ربنا يجزيه غير وده طبعا متوقع من انسان مثله والواحد يحب انه يتعرف عليه
بس للاسف مش بسافر بالمكنة لنفس الاسباب المكتوبه برضو

بقولك ايه يادياب
ممكن وانت نازل القاهرة تعرفنا .. عشان الواحد يلحق يعمل اى مشكلة فى المكنه:10d5c8w1107: واهو يلحق يكلمك ويقابلك قبل ما ترجع

هههههههههه قال رسول الله (ص) لاتتمردوا فتمرضوا فتموتوا صدق رسول الله(ص)
طبق الحديث على الموتوسكل

**tafa17** · 27-04-2011 02:44 AM

المشاركة الأصلية كتبت بواسطة khaled2010

هههههههههه قال رسول الله (ص) لاتتمردوا فتمرضوا فتموتوا صدق رسول الله(ص)
طبق الحديث على الموتوسكل

السلام عليكم اخي خالد
الحديث يقول (لا تتمارضوا فتمرضوا)
وماينفعش اطبق الحديث علي الموتوسيكل علشان ده كلام رسول الله للبشر ولا يجوز الاستهزاء به ولو علي سبيل المداعبة مع علمي انك لاتقصد الاساءة بس انا كمان كنت ساعات بقعد اهرج في كلامي لغاية لما قريت احاديث للنبي وهي
قال رسول الله صلي الله عليه وسلم
إن العبد ليتكلم بالكلمة من رضوان الله لا يلقي لها بالا ؛ يرفعه الله بها درجات ، وإن العبد ليتكلم بالكلمة من سخط الله لا يلقي لها بالا ؛ يهوي بها في نار جهنم
وحديث آخر
أن أحدكم ليتكلم بالكلمة من رضوان الله ما يظن أن تبلغ ما بلغت ، فيكتب الله له بها رضوانه إلى يوم يلقاه ، وإن أحدكم ليتكلم بالكلمة من سخط الله ما يظن أن تبلغ ما بلغت ، فيكتب الله له بها سخطه إلى يوم يلقاه
ووالله مش قصدي حاجة غير للتنبيه والخير للكل ولتعلم اني متابع مواضيعك و رجولتك في المواقف وتقديم الخير للناس والمساعدة
اسأل الله ان يجمعنا جميعا في الجنة

**malibu** · 27-04-2011 02:46 AM

المشاركة الأصلية كتبت بواسطة KHALED2010

هههههههههه قال رسول الله (ص) لاتتمردوا فتمرضوا فتموتوا صدق رسول الله(ص)
طبق الحديث على الموتوسكل

مش فاهم وجة نظرك بس مش هعلق على الكلمه ديه (((طبق الحديث على الموتوسكل)))

ثانيآ
يا استاذ خالد ... ابوس ايد جنابك الى كتبت الحديث ده .تتحرى الدقه فى مشاركاتك

" لا تَتَمَارَضُوا فَتَمْرَضُوا ، وَلا تَحْفُرُوا قُبُورَكُمْ فَتَمُوتُوا "
و المصدر اهو
موسوعة الحديث - عرض الكتب - إسلام ويب

**SHNORY** · 27-04-2011 02:46 AM

المشاركة الأصلية كتبت بواسطة khaled2010

هههههههههه قال رسول الله (ص) لاتتمردوا فتمرضوا فتموتوا صدق رسول الله(ص)
طبق الحديث على الموتوسكل

اظن ان اقوال الرسول متتطبقش علي موتوسيكل يا استاذ خالد
بجانب كده ان ده حديث منكر ومش صحيح
وحتي لو صحيح فميجوزش التهريج بيه

**malibu** · 27-04-2011 03:03 AM

المشاركة الأصلية كتبت بواسطة shnory

اظن ان اقوال الرسول متتطبقش علي موتوسيكل يا استاذ خالد
بجانب كده ان ده حديث منكر ومش صحيح
وحتي لو صحيح فميجوزش التهريج بيه

انا مكنتش اعرف انه حديث منكر غير لما شوفت الحديث فى اسلام ويب ..و انت الى نبهتنى ليها
جزاك الله خير

الموضوع: سافرت الإسكندرية بالمكنة وشكر خاص لدياب

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار /ازي ارفع العجل الخلفي بالمكنة

سؤال للناس اللي سافرت بره

1000 مبروك .............لدياب Yascro

سافرت مرسى علم باللوجان

مسمار حالق بالمكنة + تعريق زيت

الكلمات الدلالية لهذا الموضوع

المفضلات

المفضلات

ضوابط المشاركة