بص يا استاذ كيشو
فتحلي ودانك و اسمع كلامي كويس
هتشوف اقرب فرع كبير و خلي بالك من كلمه كبير دي
و يكون عليه اقبال كتير
و تختار وقت ذروه يعني فيه ناس كتير
بص يا سيدي تاخد معاك 2 من اصحابك و يكونوا جرأه كده
و هيدخلوا المحل قبلك كانهم ميعرفوش بعض و كانهم ميعرفوكش
هيدخلوا قبلك و يسألوا علي موبايلات غاليه
و قبل ما يخلصوا و يدفعوا الفلوس سيادتك تخش بالراحه و تقول كلمه واحده
عاوز اغير الموبايل ده بواحد جديد يا اما فلوسي
هيقولولك يا فندم و اصل و فصل
تعلي صوتك قوي و تقولهم :
يعني ايه اشتري تليفون و افتحه الاقيه خربان و اجيبهولكم 4 مرات تلصموه و مترضوش تصلحوه و كمان مش عاوزين تغيرولي الموبايل
ايه يعني هتبلطجوا عليا
انا ليا قريب في جهاز حمايه المستهلك و هو اللي هياخدلي حقي
هتلاقي الفرع كله هس هس و الناس بتهديك
ساعتها ال 2 اصحابك يسبوا الموبالات و يسألوك في ايه يا استاذ تصرخ و تعيد القصه و تهول اوي
ساعتها ال 2 اصحابك يقولوا يا خبر يعني اكيد احنا لو كده هيحصل معانا كده
لات يا عم بلاها رايه دحنا كنا بنسمع ان سمعتكم حلوة في خدمه العملاء
و يا خدوا بعضهم ورا بعض و قال ايه غيروا رأيهم
ساعتها الفرع هيتكهرب يا ريس و ادعيلي
بس هيهدوك و يوعدوك ابدا
اوعي تتراجع
قولهم انا مش عاوز الموبايل و لا عاوز فلوسي
انا هخرب بيتكم و اوريكم يعني ايه تضحكوا عليا
دقيقتين هتلاقي موبايل تاني يا ريس و جايلك لحد عندك
و انت اتنك عليهم و قولهم لا يا جدعان انا عاوز اخرب بيتكم
هيتحايلوا عليك علشان تقبل
اقبل فغي الاخر
و ابقي اعزم ال 2 اصحابك علي 2 كانز راني
و 2 جمبري من مؤمن
و اتبقي ادعيلي
المفضلات