فلتر هوا سبورت

**KhaledMoawad** · 26-04-2011 01:54 PM

شباب... عايز أسأل هو فلتر الهوا السبورت يتجاب منين ... وبعدين يركب على فيكترا بي ال 1600 ولا لأ .. أنا شفت واحد مركبه في عربية هيونداي كوبيه والعربية فارقة كتير

**Ahmed_lol2007** · 26-04-2011 01:58 PM

والله أنا كنت بفكر أركبه ف العربية عندى مع العلم إنها 2000 سى سى مش 1600 بس مش عارف هتفرق ولا لأ
عموما نستنى الشباب بردة هما أكيد هيفيدونا

**فادى محمد** · 26-04-2011 03:01 PM

هو في الشتا اداؤه جميل بس تستحمل صوته انما في الصيف والحر بيهبط الموتور لان الفلتر هيركب فوق في الغرفه والحراره بتبقي عاليه فالهوا بيدخل المانفولد سخن انما الطبيعي ان الهوا يبتجمع من مقدمه العربيه ورا الشبكه.انا شفت واحد مركبه شايل غطا فلتر الهوا الاصلي وحاطه جوه علبه الفلتر .

**KhaledMoawad** · 26-04-2011 04:04 PM

المشاركة الأصلية كتبت بواسطة hellboy

هو في الشتا اداؤه جميل بس تستحمل صوته انما في الصيف والحر بيهبط الموتور لان الفلتر هيركب فوق في الغرفه والحراره بتبقي عاليه فالهوا بيدخل المانفولد سخن انما الطبيعي ان الهوا يبتجمع من مقدمه العربيه ورا الشبكه.انا شفت واحد مركبه شايل غطا فلتر الهوا الاصلي وحاطه جوه علبه الفلتر .

هو كلامك صح وكل حاجة... بس أنا عندي العلبة اللي فيها الفلتر مش طالع منها ماسورة من مقدمة العربية... هي العربية كده أصلا .. وبالتالي أنا لو شلت الفلتر الأصْلي وركبت السبورت مش هيحصل مشاكل لا صيف ولا شتاء .. يعني لو بصينا عالموضوع ده"http://www.nilemotors.net/Nile/163695-sport-air-filter-install-advantage-disadvantage.html" هتلاقي الماسورة رقم 1 و 2 دول مش موجودين عندي أصلا ... وبكدة يبقى اركب الفلتر الجديد أحسن مهما كانت درجة الحرارة .. وبعدين في الفيكترا في ماسورة خارجة من المانيفولد على العلبة دي .. ودي الخارج بتاعها سخن جدا وكده أنا هلغيها .. فـالهوا درجة حرارته هتقل صيف أو شتاء... إيه رأيك؟