الموضوع: هل يجوز قصر الصلاة فى هذا المرقف

امبارح واحنا فى الشاطئ كنت عامل حسابى انى مفوتش الفروض بتاعة ربنا والشطئ الحمد لله فيه مسجد شاطئ القوات المسلحة بالاسماعيلية المهم فى صلاة الظهر روحت اصلى لقيت اثنين هيصلوا جماعة قولت اصلى معاهم تقدم واحد للصلاة وهما اثنين فى سن مقدم او رائد فى الجيش ولكنى لا اعلم اذا كانوا ظباط ام مدنيين المهم بعد ما تقدم احدهم قال هنصلى قصر قولتله ليه هو انت هتسافر قبل العصر ومشوارك طويل قالى لأ انا قاعد قولتلة يبقى لا يجوز القصر قالى لأ هنا الواحد يقصر الصلاه يقصد فى الشاطئ بقى والدنيا فرحة قلتلة انا اللى شايفة ان المكان موجود والمسجد موجود فبالتالى لا يجوز القصر رد الثانى بحس فية شوية سخرية غير مقصودة فى الكلام وقال يعنى انا لو مسافر المانيا وهقعد فيها يومين مقصرش فى الصلاة قولتلة انت هتسافر بطيارة وهتقيم فى البلد يومين ايه اللى ممكن يجيز القصر اللى انا اعرفة انى اقصر الصلاة فى حالة ان الظهر اذن مثلا وانا هتحرك قبل صلاة العصر لضرورة واحتمال المغرب يخش عليا وانا فى الطريق ساعتها هقصر لانى مضطر قالى على العموم احنا هنصلى قصر هنخلص الركعتين وانت تكمل قولتلة خلاص صلينا وسلم بعد الركعتين وانا كملت الاربع ركعات نفس الموقف حصل فى صلاة المغرب مع تغيير انى كنت الامام وبعد ما خلصت اثنين ورايا واحد قال للتانى يلا هنصلى العشاء قصر فزميلة قال ليه فانا تدخلت قولتلة انت ليه عايز تقصر قالى علشان احنا هنسافر دلوقتى والطريق مش مضمون قولتلة اولا العشاء مفتوحة حتى الفجر وانت هتتحرك قبل العشاء فاذا جرالك حاجة لا قدر الله تبقى مشيئة ربنا ومعلكش ذنب ان شاء الله فانا عايز رايكم هل انا كده اللى رأى غلط ولا أنا صح

المشاركة الأصلية كتبت بواسطة kareemz

شوف كده الموضوع ده يقصر المسافر الصلاة ولو لم يجد مشقة


و شوف برضه الفتوى دى يسافر إلى المدرسة يومياً 120 كيلو متر، فهل يجمع ويقصر؟

الله ينور عليك يبقى انا كده اطمنت انى كنت على حق لان المياة الطاهرة موجودة والمسجد موجود واحنا قاعدين فى نفس المكان لاخر النهار يبقى مفيش عذر اما المسافة فكانت 80 كيلو يعنى مش محصلة المسافة اللى كان بيسال عنها الاستاذ بتاع المدرسة