اتوقفت في عباس العقاد بسبب الزينون و الفيميه

نزلت يوم الجمعة بالليل و في اول عباس وقفوني في اللجنة اياها.. كنت مشغل الزينون (فوجات و واطي) و كنت بقلب بالعالي للي قدامي كمان عشان كان ماشي بطيء جدا :Copy of m-s5: + مركب ستاير كبس في الزجاج الجانبي و الخلفي... :10D5C8w1107:

و انا داخل علي اللجنة رحت ماسك المحفظة عشان عارف ان الغرامة حاتتدفع حاتتدفع و وش حايقلولي اركن علي جمب.. ده انت حسابك عسير :hlopaet_prv:الزينون اللي مركبه كله ابيض..
بس سبحان الله لاول مرة احس ان الظابط اللي كان داخل عليا شكله مريح و مش مستفز زي بتوع زمان.. انا هديت و نزلت الازاز و بمنتهي الهدوء "سلام عليكم يا فندم.. تحت امرك.."... لقيته بيبوصللي بطرف عينيه كده ناحية الزينون و جوه العربية و عمل اماءة براسه .. المهم انا فهمت و رحت قافل الواطي.. قاللي اتفضل يا باشا.. عدي..

حسيت ان الناس دي اتغيرت.. ممكن اكون مخالف و غلطان.. لكن اعتقد مع ابتسامة خفيفة و تقبل القانون .. الظابط اللي قدامك حايقدرك و يفوتهالك لو انت مخالف..

احمد ربنا طلعو محترامين دا احنا ممسكين ردار علي صحراوي اسكندريه بسبب 13 كيلو زياده ودفع غرامه 150 جندي فوري

طب وبالنسبة للميكروباصات اللي بتمشي عكس في عباس العقاد دي محدش وقفهم؟؟

الغلط غلط مهما كان الاسباب
ارجو من سيتك متفتحش الزنون الا خارج البلد على الطرق السريعة فقط
والستاير تركبها الصبح وتشلها بليل هذا هو القانون العادل لك وللظابط

اقتباس:

---

المشاركة الأصلية كتبت بواسطة hpxp

احمد ربنا طلعو محترامين دا احنا ممسكين ردار علي صحراوي اسكندريه بسبب 13 كيلو زياده ودفع غرامه 150 جندي فوري

---

هو الردار ابتدي علي الصحراوي خلاص و الطفع الفوري ليسه موجود كمان ماشاء الله

اقتباس:

---

المشاركة الأصلية كتبت بواسطة hpxp

احمد ربنا طلعو محترامين دا احنا ممسكين ردار علي صحراوي اسكندريه بسبب 13 كيلو زياده ودفع غرامه 150 جندي فوري

---

هما مش لغوا الدفع الفوري

أنا بقى كنت رايح الساحل يوم الجمعةوأنا وعربيتين معايا فاتحين في طريق العلمين اللي قدامنا هو بـس اللي اطلقت مع إني كنت في ديله الرادار
مش عارف ملحقش يغير الصورة ولا إيه بس كل العربيات اللي ماشية حوالينا وقفت -حوالي 8- ماعدا أنا وتالت عربية كانت معانا

اقتباس:

---

المشاركة الأصلية كتبت بواسطة yaserbasha2000

هما مش لغوا الدفع الفوري

---

قبل الثورة يباشا

متحاولش تولعه على طول خد بالكككككك

كويس انت شكلك مولعه ليل نهار :)

السلام عليكم ورحمة الله وبركاته،،،

إعذروني يا جماعه بس بصراحه أنا مش شايف رابط ما بين الإحترام وغض النظر عن المخالفات

إحنا لما بنسافر بره بنلتزم جداً بقواعد المرور، ولو ظابط إداك مخالفه عشان حاجه غلط إنت عملتها عمرك ما هاتقول عليه مش محترم. أخرك تقول عليه محبكها وغلس. لكن إني أقول على ظابط إنه محترم عشان بيغض الطرف عن المخالفات، بصراحه أنا مش فاهمها. لكن أنا بصراحه شايف إن الإحترام هو تطبيق القانون بالعدل ودون تكير أو تناكه على خلق الله من الظباط.

شكراُ

بصراحة الظابط غلطان
يجب تطبيق القانون على الكل
كبير وصغير

وبالذات الفامية والزينون بدون عدسات
زاد عن حده

وللأسف الزينون مخاطره كبيره جدا

اقتباس:

---

المشاركة الأصلية كتبت بواسطة elawany13

بصراحة الظابط غلطان
يجب تطبيق القانون على الكل
كبير وصغير

وبالذات الفامية والزينون بدون عدسات
زاد عن حده

وللأسف الزينون مخاطره كبيره جدا

---

ليه مخاطرة ؟؟ انا الزينون عندي مايفرقش حاجة عن زينون الجيتا او الباسات

مش شرط يكون ظابط مرور ممكن اوى ودة النسبة الاكبر كمين مباحث يعنى الغرض منة البحث عن حاجة معينة وهو ملوش دعوة بالمخلفات المرورية بس هو يقدر يديك مخلفة عادى بس كل واحد بيركذ فى شغلة دة التفسير الوحيد لانة طبعا معهوش دفتر الوصلات

الظابط مش محترم ولا حاجه لانه لو محترم كان دفعك غرامه والتزم او علي الاقل خالص كان نبهك وقالك شيل الحاجات دي لانها مخالفه

مشكلتنا اننا بنربط الاحترام بتاع الظباط باللي بيعدي ومش بيطبق القانون

اقتباس:

---

المشاركة الأصلية كتبت بواسطة ahmedhossam86

ليه مخاطرة ؟؟ انا الزينون عندي مايفرقش حاجة عن زينون الجيتا او الباسات

---

بشا الزينون بيطلع اشعه اكتر من اللمض العاديه فعدم وجود عدسه الضوء مبيتجمعش فتلاقيه في 9 الف حته وغالبا في قفا الي قدامه اذا كان العالي بيقررفنا امال الزينون ؟ ولو ركبت عدسه هتلاقي الاضاءة فرقت كتير ومجبتش لحد عمي موقت وقللت نسبه الخطر بتاعته الي الصفر وفي موضوع للاخ شهدي لما ركب زينون علي عدسات هدور عليه واجيبه لحضرتك
مقلتليش ايهاب رجع تاني ولا لا:-)

اقتباس:

---

المشاركة الأصلية كتبت بواسطة ahmedhossam86

ليه مخاطرة ؟؟ انا الزينون عندي مايفرقش حاجة عن زينون الجيتا او الباسات

---

http://i56.tinypic.com/2j4tydk.jpg

فعلا واضح من توقيع حضرتك
بصراحة الواحد بيبقى ماشى مش شايف قدامه من اللى مركبين زينون
علشان المنظرة وعلشان شكله حلو وعلشان هوه يشوف كويس
واللى قدامه يتعمى مش مهم

اقتباس:

---

المشاركة الأصلية كتبت بواسطة shaddadfalcon1

الظابط مش محترم ولا حاجه لانه لو محترم كان دفعك غرامه والتزم او علي الاقل خالص كان نبهك وقالك شيل الحاجات دي لانها مخالفه

مشكلتنا اننا بنربط الاحترام بتاع الظباط باللي بيعدي ومش بيطبق القانون

---

و ظباط مرحلة ما قبل الثورة.. اللي كانوا بيطبقوا القانون.. كانوا محترمين؟! انا قلت انا غلطان و حقوا يعمل اللي عايزه.. و انا مش باشكروا انه فوتهالي... بس اسلوب زمان اتغير و مابقاش فيه تنطيط علي خلق الله

اقتباس:

---

المشاركة الأصلية كتبت بواسطة Elawany13

http://i56.tinypic.com/2j4tydk.jpg

فعلا واضح من توقيع حضرتك
بصراحة الواحد بيبقى ماشى مش شايف قدامه من اللى مركبين زينون
علشان المنظرة وعلشان شكله حلو وعلشان هوه يشوف كويس
واللى قدامه يتعمى مش مهم

---

الصورة دي قبل ما اركب الزينون.. بقالها كتير اوي و اسأل في قسم كيا...

و انا مركبه علشان الاتنين... مش عشان اللي قدامي يتعمي

اخر حاجة انا بقالي شهرين مركبه... و والله و لا حد قاللي انا مؤذي و انه مضايقه.. نوع عن نوع بيفرق..

بس لو كان s500 مش حايضايق صح؟؟؟؟؟

اقتباس:

---

المشاركة الأصلية كتبت بواسطة ahmedhossam86

و ظباط مرحلة ما قبل الثورة.. اللي كانوا بيطبقوا القانون.. كانوا محترمين؟! انا قلت انا غلطان و حقوا يعمل اللي عايزه.. و انا مش باشكروا انه فوتهالي... بس اسلوب زمان اتغير و مابقاش فيه تنطيط علي خلق الله

---

موقفهم بقى سلبى وبقوا واقفين زى خيال المآته وخايفين من ظلهم
من النقيض الى النقيض
لماذا لا يتم تطبيق القانون وبإحترام على الكل

اقتباس:

---

المشاركة الأصلية كتبت بواسطة hpxp

بشا الزينون بيطلع اشعه اكتر من اللمض العاديه فعدم وجود عدسه الضوء مبيتجمعش فتلاقيه في 9 الف حته وغالبا في قفا الي قدامه اذا كان العالي بيقررفنا امال الزينون ؟ ولو ركبت عدسه هتلاقي الاضاءة فرقت كتير ومجبتش لحد عمي موقت وقللت نسبه الخطر بتاعته الي الصفر وفي موضوع للاخ شهدي لما ركب زينون علي عدسات هدور عليه واجيبه لحضرتك
مقلتليش ايهاب رجع تاني ولا لا:-)

---

و الله يا باشا عندي مش مستاهلة عدسات و ده بشهادة ارابكوم

و مش مضايقة حد اطلاقا..

ايهاب هرب علي بره و شكله مش راجع تاني :_Alshmokh11:

اقتباس:

---

المشاركة الأصلية كتبت بواسطة elawany13

موقفهم بقى سلبى وبقوا واقفين زى خيال المآته وخايفين من ظلهم

من النقيض الى النقيض
لماذا لا يتم تطبيق القانون وبإحترام على الكل

---

و الله دي حاجة تسألهم فيها... و عمر ما كان الاحترام خيال مآتة... حضرتك بتنزل الشارع كتير و بتتعامل مع ظباط؟

اقتباس:

---

المشاركة الأصلية كتبت بواسطة ahmedhossam86

الصورة دي قبل ما اركب الزينون.. بقالها كتير اوي و اسأل في قسم كيا...

و انا مركبه علشان الاتنين... مش عشان اللي قدامي يتعمي

اخر حاجة انا بقالي شهرين مركبه... و والله و لا حد قاللي انا مؤذي و انه مضايقه.. نوع عن نوع بيفرق..

بس لو كان s500 مش حايضايق صح؟؟؟؟؟

---

أخى الكريم
انا بصراحة مش خبير فى الزينون ومعرفش فى انواعه
بس فعلا انا بتأذى منه جدًاااااااااااااااااااااا اااااااااااا
وبصاب بالعمى فعلا منه
ومش معقولة طول ما انا ماشى هوقف العربيات اللى مركبة زينون
وقولهم ده بيأذنى لو سمحت بلاش تشغله
ديه شغلة المرور يطبقة بصرامه على الكل
الكبير والصغير .. وبإحترام
وبدون تناكه أو قله ادب
حتى الى مركبه فى فوانيس الشبورة وفاكر انه كده تمام مبيأذيش حد
نور الزينون مزعج جدا وخطر جدا
ولو انا ركبته وانت ركبته وضربنا النور فى وش بعض يبقى كل سنة وانت طيب

اقتباس:

---

المشاركة الأصلية كتبت بواسطة ahmedhossam86

و الله دي حاجة تسألهم فيها... و عمر ما كان الاحترام خيال مآتة... حضرتك بتنزل الشارع كتير و بتتعامل مع ظباط؟

---

أخى الفاضل
برده حضرتك مصم على ان التغاضى عن الغلط يبقى احترام !!!!!
ديه منتهى السلبية

اكيد طبعا بنزل الشارع بس تقريبا مفيش لجنه بتوقفنى لإنى الحمد لله ملتزم وبحب الإلتزام ومبحبش اكون تحت رحمة حد يتنك عليا أو يقولى كلمة متعجبنيش
بلتزم بالحزام ... مفيش فاميه... ومفيش زينون ... سيارتى مطابقة للمواصفات فيها طفاية الحريق ... ملتزم بالسرعه القانونية ... ملتزم بإتجهات الشوارع
الحمد لله حريص على الإلتزام واحترام القانون حتى ولو مفيش عسكرى أو ظابط واقف
وحتى لو انا مش مقتنع بالقانون بس بطبقة وبحترمة

اقتباس:

---

المشاركة الأصلية كتبت بواسطة Elawany13

أخى الكريم

انا بصراحة مش خبير فى الزينون ومعرفش فى انواعه
بس فعلا انا بتأذى منه جدًاااااااااااااااااااااا اااااااااااا
وبصاب بالعمى فعلا منه
ومش معقولة طول ما انا ماشى هوقف العربيات اللى مركبة زينون
وقولهم ده بيأذنى لو سمحت بلاش تشغله
ديه شغلة المرور يطبقة بصرامه على الكل
الكبير والصغير .. وبإحترام
وبدون تناكه أو قله ادب
حتى الى مركبه فى فوانيس الشبورة وفاكر انه كده تمام مبيأذيش حد
نور الزينون مزعج جدا وخطر جدا
ولو انا ركبته وانت ركبته وضربنا النور فى وش بعض يبقى كل سنة وانت طيب

---

الزينون انواع.. كله علي حسب الـ Intensity بتاعة اللمبة و جودة النوع.. الحمد لله انا جايب نوع محترم .. سعره عالي شوية بس اعتقد انه من النوع اللي لا يأذي عينيك او عيني او عين اي حد سايق.. و في انواع فعلا رخيصة و بتقرفني و انا سايق

دي بتخضع لرؤية الظابط و تقديره.. و و زي ماقلتلك في عربيات ألماني بتنزل بالزينون.. الناس دي مش بتعمل عربيات عشان تأذي بيها الناس.. بالعكس بيضعوا دايما سلامة الاخرين في الحسبان.. اتمني ان حضرتك ماتعممش.. و ان شاء الله مش خطر (علي الاقل عندي :M_yes[1]:)

اقتباس:

---

المشاركة الأصلية كتبت بواسطة Elawany13

أخى الفاضل

برده حضرتك مصم على ان التغاضى عن الغلط يبقى احترام !!!!!
ديه منتهى السلبية

اكيد طبعا بنزل الشارع بس تقريبا مفيش لجنه بتوقفنى لإنى الحمد لله ملتزم وبحب الإلتزام ومبحبش اكون تحت رحمة حد يتنك عليا أو يقولى كلمة متعجبنيش
بلتزم بالحزام ... مفيش فاميه... ومفيش زينون ... سيارتى مطابقة للمواصفات فيها طفاية الحريق ... ملتزم بالسرعه القانونية ... ملتزم بإتجهات الشوارع
الحمد لله حريص على الإلتزام واحترام القانون حتى ولو مفيش عسكرى أو ظابط واقف
وحتى لو انا مش مقتنع بالقانون بس بطبقة وبحترمة

---

بلاش الاحمر :) ده لون خط المشرفين... :)

و ليه سلبية.. حضرتك عارف ان الملصقات مخالفة... و اي حاجة تعلقها في المراية مخالفة.. و اي خبطة في عربيتك مش متصلحة مخالفة... و انك تركب حيوانات في العربية مخالفة.. و انك تتكلم في التليفون او تشرب حاجة و انت سايق مخالفة.. و تخطي الاخرين بدون اشارة مخالفة...

عندك 10 عربيات في شارع عباس العقاد ماشيين اراهنك ان 9 منهم علي الاقل فيهم مخالفة واحدة بس من المخالفات السابقة... مش حاقولك ان القانون مطاطي.. بس مش ربنا اللي عامله.... اه مركب ستاير كبس بس مش قالبها عتمة جوه العربية و عامل سوبر دارك.... اه عامل ملصق لنادي او Gym بس مش كاتب شعارات علي العربية... فهمتني؟؟؟

في فرق مابين مخالفه مش هضر حد زي الملصقات او عتب او اي حاجه من الحاجات دي ومخالفه زي الزينون اللي من غير عدسات او الفاميه السوبر دارك في كل الزجاج
ده عما وده عما وكل واحد بيبقي ماشي بمقولة انا حر في عربيتي ودي زي البيت
الناس ناسيه ان حتي البيت مش من حقك تعمل فيه اللي انت عايزه طالما هيضر حد تاني

اقتباس:

---

المشاركة الأصلية كتبت بواسطة ahmedhossam86

و الله يا باشا عندي مش مستاهلة عدسات و ده بشهادة ارابكوم

و مش مضايقة حد اطلاقا..

ايهاب هرب علي بره و شكله مش راجع تاني :_alshmokh11:

---

تمام يبقي اكيد الفانوس مصمم للزينون لن بتهائلي بينزل من السيراتو في الخليجي زينون فبريكه لو كده يبقي الفانوس يشل زينون وانت مطمن لان الضء بيركز علي الارض في في السما
قصدك بقي ايهاب فلق ههههههههههههه بجد والله ايهب ده هبلني نهوده بالزوق مش راضي بالاعلق مش راضي اعدمناه طلع في ايهاب اجين

اقتباس:

---

المشاركة الأصلية كتبت بواسطة ahmedhossam86

بلاش الاحمر :) ده لون خط المشرفين... :)

و ليه سلبية.. حضرتك عارف ان الملصقات مخالفة... و اي حاجة تعلقها في المراية مخالفة.. و اي خبطة في عربيتك مش متصلحة مخالفة... و انك تركب حيوانات في العربية مخالفة.. و انك تتكلم في التليفون او تشرب حاجة و انت سايق مخالفة.. و تخطي الاخرين بدون اشارة مخالفة...

عندك 10 عربيات في شارع عباس العقاد ماشيين اراهنك ان 9 منهم علي الاقل فيهم مخالفة واحدة بس من المخالفات السابقة... مش حاقولك ان القانون مطاطي.. بس مش ربنا اللي عامله.... اه مركب ستاير كبس بس مش قالبها عتمة جوه العربية و عامل سوبر دارك.... اه عامل ملصق لنادي او gym بس مش كاتب شعارات علي العربية... فهمتني؟؟؟

---

بالنسبة للون الاحمر
اعتقد ان كتابة المشاركة بالكامل باللون الاحمر هوه المخالفه فى هذا المنتدى
انما كتابة جمله او فقره فى المشاركة باللون الاحمر للتنبيه او لفت النظر لنقطة معينة
اعتقد مفيهاش حاجه
وإلا كان الأدمن لغى اللون الاحمر تماما من عند الاعضاء
ولو انا غلطان الاشراف هيلفت نظرى
وهلتزم بقوانين المنتدى

الحمد لله بحاول الالتزام بكل اللى انت قولته
ومعظمها حاجات لمصلحتى علشان احافظ على نفسى وعلى الناس اللى فى الشارع وعلى عربيتى
ومعظم هذه السلبيات بتسبب كوراث لا قدر الله
واحنا بنستهتر بيها
مش معلق حاجه فى المرايه علشان الرؤية تبقىواضحة تماما قدامى
مش بكلم فى الموبايل ولا بمسكه وانا سايق ولو اضطريت لمكالمة بركن فى مكان آمن واتكلم
لا اشرب ولا بأكل اثناء القيادة
باستخدم الاشارات اثناء التخطى
بالنسبة للخبطات ...الاكصدام عندى الفيبر فيه جزء مكسور
هشترى النهاردة اكصدام جديد واركبه
المفروض الناس المثقفه الواعيه بعد الثورة
يكونوا كثر احتراما للقانون
لكى يكونوا قدوة لغيرهم من سواقين الميكروباص والتوتوك والنقل
تحياتى واحترامى لك أخى الفاضل

اقتباس:

---

المشاركة الأصلية كتبت بواسطة shaddadfalcon1

في فرق مابين مخالفه مش هضر حد زي الملصقات او عتب او اي حاجه من الحاجات دي ومخالفه زي الزينون اللي من غير عدسات او الفاميه السوبر دارك في كل الزجاج
ده عما وده عما وكل واحد بيبقي ماشي بمقولة انا حر في عربيتي ودي زي البيت
الناس ناسيه ان حتي البيت مش من حقك تعمل فيه اللي انت عايزه طالما هيضر حد تاني

---

الله يفتح عليك

فعلاً لا ضرر ولا ضرار
تحياتى لك أخى الفاضل

لقد تعمدت مخالفة القاعدة رقم 6 أ (الكتابة بالأحمر) رغم تنبيهك لذلك مما عرضك لانذار مشدد و مضاعفة العقوبة لنقطتين مع الوقف المصاحب

مشرف 5 ب

27 أبريل 2011

7:26 مساءا

و الله يا علواني باشا.. انت مكانك مش هنا.. مكانك في درسدن .. ميونخ .. فيينا... قلائل اللي بيلتزموا بالاسلوب ده (علي كلامك)

و ماتقفش كده.. احنا و الادارة واحد.. لو انا لفت نظرك مش قضية يعني

اقتباس:

---

المشاركة الأصلية كتبت بواسطة ahmedhossam86

و الله يا علواني باشا.. انت مكانك مش هنا.. مكانك في درسدن .. ميونخ .. فيينا... قلائل اللي بيلتزموا بالاسلوب ده (علي كلامك)

و ماتقفش كده.. احنا و الادارة واحد.. لو انا لفت نظرك مش قضية يعني

---

مش قافش ولا حاجه
كلنا هنا أخوة بنفيد بعض وبنتعلم من بعض
أنا مش ملاك وليا أخطائى
بس بحاول امشى صح وبجتهد فى ذلك
وربنا يسترها معانا كلنا
ويعديها على خير
:Y_hi_3[1]:

اعتقد التطبيق بصرامة زي الاول هيكون بالتدريج

بس ده امر لازم وضروري

لازم ياجماعه نبتدى نحترم القانون ولا احنا بنخاف بس

انا عن نفسي محتاج افيم الزجاج الخلفي بس لون خفيف علشان بتعمي من السواقين

بس خايف من اني ابقي مخالف


انا لغاية دلوقتي بمشي لابس الحزام وماشي باحترامي وبسرعتي القانونيه الا لو اضطرني ظرف طارئ اني ازود سرعة وارجع اهدي تاني


مفيش احسن من الانضباط

ارجع ضابط
الكاتب
عمر طاهر
Thu, 28/04/2011 -

(1)
منذ أسابيع وأنا أترك سيارتى كل ليلة فى شارع قصر العينى مركونة صف تانى، وأدعو الله أن أصحو فى اليوم التالى فأجدها «متكلبشة».
(2)
لأول مرة منذ فترة طويلة أمر بلجنة شرطة فى وقت متأخر، كنت أقود سيارتى وأجرى مكالمة موبايل فى الوقت نفسه، قلت لمحدثى على الطرف الآخر الجملة التى كادت أن تصدأ بفعل الركنة «اقفل علشان داخل على لجنة»، أيقظت الجملة بداخلى شعورا بقدر من الإثارة، كنت بحاجة للتعامل مباشرة مع رجل شرطة بعد الثورة، كان تدفق السيارات عبر الحواجز بطيئا.. أمنت على الحزام وجهزت الرخص، حاولت أن أكون شخصا يثير الاشتباه حتى تطول بينى وبين الضابط الـ«هات وخد وجاى من فين».. لكن أقصى ما حصلت عليه كان نظرة نصف فاحصة وإشارة «اتفضل».. كانت اللجنة فيما يبدو مجرد تأدية واجب فأصبت بالإحباط.
(3)
فى بداية عملى بالصحافة كنت أحيانا أصطدم برؤسائى مدفوعا بجنون عظمة الواردين جديدا على المهنة، فكنت أعاقبهم بأن أنتحى جانبا (طب مش شغال)، كنت أعتقد أنها ستكون ضربة موجعة لهم أن أحرمهم من قلمى، والحقيقة أنه لم يحدث أبدا أن تأثرت المهنة بغيابى، فى المقابل كنت ألاحظ أثناء توقفى عن العمل تغييرات نفسية فى طبيعتى وفى كيمياء مخى، الأفكار التى كنت أطاردها أصبحت تمر أمامى وأقابلها ببلادة، الانفرادات التى يحلم بها أى شخص تتوسل لى أن أنفرد بها فلا أهتم، حالة من التوتر والأرق تسيطر على حياتى، تسوء حالتى النفسية بمرور الوقت إلى أن أتخذ قراراً بأن أعالج نفسى بفعل أمر بسيط «لو سمحت ارجع صحفى تانى».
(4)
لذلك أقولها لك يا صديقى «ارجع ضابط»، صحيح نحن بحاجة إليك «لكن مش هوه ده الموضوع»، الموضوع أنك تضيع من بين يديك أحلى سنوات عمرك المهنية، تتخذ موقفا سيؤثر بالسلب على لياقتك الذهنية والنفسية، تتحاشى مهنتك بطريقة ستجعلك قريبا تتحاشى الحياة كلها، لو كنت ضابط بالصدفة هاقولك ماشى..
لكن صبرك على كل ما ذقته من أول الـ45 يوماً بتوع الكلية حتى هذه اللحظة يدل على أنك تحب هذه المهنة ومتمسك بها، لمصلحة من إذن تهدر تجربة حياتك وانت واخد جنب؟
أعرف أن الأجواء بها قدر من السماجة تجاه الشرطة.. صدقنى هى مسألة وقت.. لكن هذا الوقت يجب أن يمر فى تفاعل حقيقى الهدف الرئيسى منه أن تعيد صياغة سمعة الداخلية.. أنت مسؤول عن محاربة زملائك الذين يضعوننا فى اختيارين كلاهما مر (يا تبقى الداخلية ناس ظالمة يا تبقى ناس مالهاش فيها).. جزء كبير من شرف مهنتك أن تطهرها.
(5)
أنت لا تعاقبنا يا صديقى بتنحيك جانبا.. أنت تعاقب نفسك، وإذا كنت تهدف من تراخيك أن تقتنص منا اعترافا بأننا «مديونين ليك» فكن واثقا أن تراخيك هذا وبمرور الوقت سيحولك فى نظر البعض إلى «ديون معدومة».
(6)
صديقى.. منذ أسابيع وأنا أترك سيارتى كل ليلة فى شارع قصر العينى مركونة صف تانى، وأدعو الله أن أصحو فى اليوم التالى فأجدها «متكلبشة».. وهذا بالمناسبة ليس تحديا لكننى أحلم باللحظة التى سأكتشف فيها أنك «رجعت ضابط».