حد جرب الايموبيليزر بتاع الصنى ..... و هل فصل الكهرباء عن الكونتاكت فعلا

السلام عليكم ورحمة الله وبركاته

الكل يعلم نظام نيسان المانع للسرقة ... و قاللى الكهربائى فى التوكيل(الاتحاد الوطنى بطنطا) بأن السيارة لو فتحت عن طريق آخر غير المفتاح او الريموت الاصلى (كسر زجاج او بالعنف ) ستصدر الزمارة انذارا لمدة 30 ثانية و بعدها مش عارف كمان كام مرة و لو لم يتم اعطاء اشارة الغاء من الريموت الاصلى او فتح بالمفتاح .... هتنفصل الكهرباء عن الكونتاكت و يحتاج زيارةالى التوكيل لاعادة الضبط و توصيل الكهرباء

يا ترى حد جرب و حصل معاه كده !!

و لو واحد قلبه جامد و هو جنب التوكيل ( فى زيارة صيانه ) يقفل العربية بالريموت و يسب الزجاج بتاعه مفتوح و هوووب يمد ايده من الشباك و يفتح المسوجر ( كأنه حرامى ):36_2_49[1]: و يستحمل الزمارة و ميضغطش على الريموت و يشوف بعد كام دقيقة ايه اللى هيحصل و هل فعلا المفتاح مش هيدور العربيه و هل الكونتاكت هيفصل و لا ايه الحقيقة


ملحوظة : المفتاح النسخة ( عند بتاع المفاتيح ) بيفتح الكونتاكت عادى و بيفتح العربية زى الاصلى


مستنى مغامراتكم عند التوكيل :36_9_4:

+111111111111

وانا منتظر معاك يا د. أحمد

يا ريت حد يفيدنا و يطمنا

متابع باهتمام ....

وانت مش حتغامر يا دكتور ولا ايه !!!

المهم بقا ياترى فتح العربية ده تانى فى التوكيل حيكون ببلاش ولا بفلوس

عامة انا متابع معاكم انا كمان

خالينى اقف فى الصف واخد دورى هههههههههههههه

هو مفيش غيره سونة حبيبى اللى قلبه قلب جرئ , عشان بيحب الصنى وحيثبتلنا كفائتها

اقتباس:

---

المشاركة الأصلية كتبت بواسطة د.أحمد السعيد

هتنفصل الكهرباء عن الكونتاكت و يحتاج زيارةالى التوكيل لاعادة الضبط و توصيل الكهرباء

يا ترى حد جرب و حصل معاه كده !!

---

هو انا جربت الموضوع ده بس ماسيبتهاش كتير بيني و بينك الصوت كان عالي و رخم اوي لانه علي صوت الكلاكس بتاع العربيه
اللي حصل اني كنت في العماره جوه و العربيه بره و فاتح الزجاج و قافل السنتر و الميكانيكي عايز يهرق فتح السنتر من جوه و العربيه هاتك ياكلاكسات و ماقفلتش الا بعد مانا جيت و لاغيت الصوت بالريموت و دورت العربيه عادي بعد كده و بعدين كررت الموضوع بس وانا جنت العربيه لاقيت انه عادي فبكده لازم يكون الريموت بعيد عن العربيه مسافه محترمه
بس حته بقي فصل الكهربا بعد كام مره دي ماظنش انها هاتحصل و اصلا ماحدش هايستحمل انها تشتغل كذا مره لان الكلاكس مزعج اوي
لو عايز تجرب ياباشا تعالا نجرب في عربيتك :error404: بما ان حضرتك اللي عايز تعرف بس نفصل فيش الكلاكس و نحط مكانهم لمبه بدوايه 12 فولت او لمبه بس من غير دوايه و نشوف ايه اللي هايحصل بس مافتكرش انه هايحصل حاجه
بس اللي افتكر انه يحصل انه صعب تدور العربيه من غير المفتاح واثناء مالانذار شغال و بردوا ماجربتش الحركه دي

اقتباس:

---

المشاركة الأصلية كتبت بواسطة ahmed.tv

هو مفيش غيره سونة حبيبى اللى قلبه قلب جرئ , عشان بيحب الصنى وحيثبتلنا كفائتها

---

لا في دي ياعم احمد عندك حق و خصوصا حتة قلب جرئ دي بأمارة الدركسيون اللي جاله قلب و نزله لتحت و العربيه ماشيه وانا بصيتله بصة جزن كده و قولتله يااا---أسي ياسحس :biggrin2:
احنا بقي نجرب في عربية حسين و نحط لمبه من غير دوايه كمان علشان سحس قلبه جرررررئ و مابتفرقش معاه الشكليات دي ..... ايه رأيكوا

اقتباس:

---

المشاركة الأصلية كتبت بواسطة ahmed.tv

[size=5][color=darkred]
خالينى اقف فى الصف واخد دورى هههههههههههههه

هو مفيش غيره سونة حبيبى اللى قلبه قلب جرئ , عشان بيحب الصنى وحيثبتلنا كفائتها

---

اقتباس:

---

المشاركة الأصلية كتبت بواسطة walidadel

[size=3]
لا في دي ياعم احمد عندك حق و خصوصا حتة قلب جرئ دي بأمارة الدركسيون اللي جاله قلب و نزله لتحت و العربيه ماشيه وانا بصيتله بصة جزن كده و قولتله يااا---أسي ياسحس :biggrin2:
احنا بقي نجرب في عربية حسين و نحط لمبه من غير دوايه كمان علشان سحس قلبه جرررررئ و مابتفرقش معاه الشكليات دي ..... ايه رأيكوا

---

انا عايز بقي حد منكم يقرب من الصني بتاعتي ... هاركبكوا معايا واسافر بيكم اسكندريه علي 60 وهاخد المطبات بضمير
ده انا بسمع صوت كلاكس صني ماشية في الشارع بجري علي البلكونة ... تقولولي نجرب ونشغل الكلاكس :44:
ربنا يعافينا ويحفظها من كل سوء
وابو لمبة ... اللي بيفتكس ده ... انا عايزك تحط اللمبة الموفرة علشان متسحبش من البطارية :44:
اقعدوا بالعافية ...... وربنا يكفيكوا شر ولاد الحرااااااااااااااام

بصراحة نفسى حد يجرب جنب التوكيل انا لسه بدرى على ميعاد صيانة ال 20000

علشان نعرف فعلا هل بالنظام دا NATS "nissan anti theft system "
يصعب تشغيل السيارة و سرقتها !!!

فى كتيب الضمان الموضوع مش واضح قوى .... و بيقول تعمل reset لكمبيوتر العربية بالمفتاح الاصلى و كلام مش زى ما سمعت

يا ريت أحمد مصطفى يعرفلنا من حد معرفة فى التوكيل

اقتباس:

---

قاللى الكهربائى فى التوكيل(الاتحاد الوطنى بطنطا) بأن السيارة لو فتحت عن طريق آخر غير المفتاح او الريموت الاصلى (كسر زجاج او بالعنف ) ستصدر الزمارة انذارا لمدة 30 ثانية و بعدها مش عارف كمان كام مرة و لو لم يتم اعطاء اشارة الغاء من الريموت الاصلى او فتح بالمفتاح .... هتنفصل الكهرباء عن الكونتاكت و يحتاج زيارةالى التوكيل لاعادة الضبط و توصيل الكهرباء

يا ترى حد جرب و حصل معاه كده !!

---

الكلام ده غير صحيح بالمرة والدليل زي ماحضرتك تفضلت ووجدت إن النسخة ال طالعة على مفتاح بتفتح الكونتاكت عدي ولو حضراتكوا شفت البروشور بتاع نيسان صني هتلاقوه انذر فقط مش ايموبيليزر والله اعلم ده على حسب معلوماتي من الموقع بتاع نيسان :d ارجو ان اكون أفدتكم

السلام عليكم طاب ما انا عندى اقتراح حلو ما اي حد يكون بيعمل صيانة فى التوكيل يسئل هناك المهندس اسهل
صح ولة ايو يا جماعة

هى اصلا العربية حتفضى بطرية

مش حتستنا لحد ما الكهربا تفصل

ولا ايييييييه

اقتباس:

---

المشاركة الأصلية كتبت بواسطة msalah191281

السلام عليكم طاب ما انا عندى اقتراح حلو ما اي حد يكون بيعمل صيانة فى التوكيل يسئل هناك المهندس اسهل
صح ولة ايو يا جماعة

---

فعلا ياريت اى حد حيعمل صيانته قريب يسالنا

المفتاح بتاع النيسان مش مشفر انا روحت عملت نسخة عند بتاع المفاتيح وبدور بيها العربية وساعات ما بيبقاش معايا الريموت

الموضوع بسيط جدا
في المانيوال بتاع العربية قايليين إن الكونتكت هايفصل بعد مدة 5 ثوان (مش فاكر المدة باضبط) و بعدين مش لازم تروح التوكيل ولا حاجة
الموضوع ببساطة إنك تقفل و تفتح العربية بالريموت الأصلي
أو تحط المفتاح الأسود في الباب و تفتح و تقفل
و ده كله مكتوب في المانيوال بتاع العربية

فتكم بعافية

اقتباس:

---

المشاركة الأصلية كتبت بواسطة tarekmomo

المفتاح بتاع النيسان مش مشفر انا روحت عملت نسخة عند بتاع المفاتيح وبدور بيها العربية وساعات ما بيبقاش معايا الريموت

---

الموضوع ده بسبب ان حضرتك استعملت المفتاح و الكالون فتح طبيعي احنا بنتكلم لو العربيه اتفتحت و حاول يدورها بدون المفتاح
و دا تقريبا اللي الناس مش واخده بالها منه ياجماعه لو المفتاح دخل في الكونتكت العربيه او في الباب هاتشتغل عاااااااادي جدا
الفكره كلها ان العربيه المفروض تعمل لوك علي الموتور و الانذار شغال بمعني لو حاولت تدورها من غير مفتاح سلكتين مثلا و تلمسهم زي ف الافلام مابنشوف مش هاتدور و الكلاكس بردوا شغال لكن لو المفتاح دخل الكونتاكت او في الباب العربيه هاتحس بيه و وحدة السنتر هاتشتغل عادي جدا و الكلاكس هايفصل

اقتباس:

---

المشاركة الأصلية كتبت بواسطة walidadel

احنا بنتكلم لو العربيه اتفتحت و حاول يدورها بدون المفتاح
و دا تقريبا اللي الناس مش واخده بالها منه


الفكره كلها ان العربيه المفروض تعمل لوك علي الموتور و الانذار شغال بمعني لو حاولت تدورها من غير مفتاح سلكتين مثلا و تلمسهم زي ف الافلام مابنشوف مش هاتدور و الكلاكس بردوا شغال لكن لو المفتاح دخل الكونتاكت او في الباب العربيه هاتحس بيه و وحدة السنتر هاتشتغل عادي جدا و الكلاكس هايفصل

---

الله ينور يا بشمهندس

بس متهيألى الانذار مش هيفصل الا مع اشارة ريموت او غلق و فتح الباب فقط بالمفتاح (سواء اصلى او نسخة )

لان محاولة تدويرها بمفتاح اصلا هتسهل للى بيسرقها انه يخلص سرقته بسرعة و هذا فى رأيى خلاف نظام الامان

كدة وضحت يا باش مهندس

انا عندي صيانة قريبا في مركز السبع هسال هناك علي الموضوع ده بس ربنا يسهل ومنساش

اقتباس:

---

المشاركة الأصلية كتبت بواسطة mohamedbook

انا عندي صيانة قريبا في مركز السبع هسال هناك علي الموضوع ده بس ربنا يسهل ومنساش

---

هاتروح امتي يا محمد .... عايز اشوفك واعمل الصيانه معاك بالمرة

اقتباس:

---

المشاركة الأصلية كتبت بواسطة sonasteel

هاتروح امتي يا محمد .... عايز اشوفك واعمل الصيانه معاك بالمرة

---

يعني فضلي حوالي 1000 كيلوا عشان اعمل صيانة ال20 الف
رتب معايا ونروح ان شاء الله في اقرب وقت وممكن مكملش العشرين لو تحب انزل معاك عن قريب

اقتباس:

---

المشاركة الأصلية كتبت بواسطة mohamedbook

يعني فضلي حوالي 1000 كيلوا عشان اعمل صيانة ال20 الف
رتب معايا ونروح ان شاء الله في اقرب وقت وممكن مكملش العشرين لو تحب انزل معاك عن قريب

---

خلاص ان شاء الله هاشوف هاروح امتي واكلمك علشان عايز اشوفك..... وبالمرة نسأل علي موضوع الايموبلايزر ده

متنسوش يا شباب حد فيكم يجرب بس لو حد أفشه انا مش مسئول

اقتباس:

---

المشاركة الأصلية كتبت بواسطة sonasteel

هاتروح امتي يا محمد .... عايز اشوفك واعمل الصيانه معاك بالمرة

---

انتو بتعملو الصيانة فى انهى مركز تبع التوكيل يعنى بالبلدى كدة اية احسن مركز الواحد يعمل فية صيانة؟

اقتباس:

---

المشاركة الأصلية كتبت بواسطة ahmed.tv

فعلا ياريت اى حد حيعمل صيانته قريب يسالنا

---

بصوا ياجماعه سيستم الانذار الى فى العربيه عباره عن فتح لسنتر العربيه بعد الغلق من الداخل او فتح الكبوت او الشنطه بعد الغلق ب30 ثانيه وهى مسافه تأمين الغلق او احكام الغلق .
عند محاوله كسر الزجاج او فتح السياره عن طريق كسر الكالون من الخارج الجهاز مش هيضرب لانه مفهوش سنسور داخلى لحس الصدمات .
فكرت الايموبلايزر عباره عن فى حاله عدم استخدام الريموت الاصلى لمده تزيد عن اسبوع او اكثر تفصل الكهرباء اوتوماتيك عن السياره يعنى لما تيجى تدور بالمفتاح هتلاقى الكونتاك بيلف على الفاضى كأنك شايل كابل البطاريه ودا امان لو الريموت ضاع منك انه يفقد التكويد اوتوماتك وعشان تدور العربيه تانى تقفل السنتر وتفتحه من باب السائق فقط 3 مرات بالمفتاح الاسود وتدخل تدور هتدور معاك .
فى مشكله ممكن تقابل الى بيستخدم انذارات بريموت اخر غير الاصلى انه هيهنج الكونترول بتاع العربيه
عشان كدا ينصح بأستخدام الريموت الاصلى .
اما بالنسبه للمفتاح فهو غير مشفر فيما عدا السيارات الصنى الخليجى فبتكون الشفره فى المفتاح وليس الريموت
والله المستعان
وشكرا

اقتباس:

---

المشاركة الأصلية كتبت بواسطة ahmed_halim197

انتو بتعملو الصيانة فى انهى مركز تبع التوكيل يعنى بالبلدى كدة اية احسن مركز الواحد يعمل فية صيانة؟

---

انا عملت الالف في السبع ..... وبفكر اغير المرة ديه
بس علي حسب الظروف ان شاء الله لو اتنزنقت اوي هاروح مودرن الهايكستب ان شاء الله

اقتباس:

---

المشاركة الأصلية كتبت بواسطة walidadel

هو انا جربت الموضوع ده بس ماسيبتهاش كتير بيني و بينك الصوت كان عالي و رخم اوي لانه علي صوت الكلاكس بتاع العربيه
اللي حصل اني كنت في العماره جوه و العربيه بره و فاتح الزجاج و قافل السنتر و الميكانيكي عايز يهرق فتح السنتر من جوه و العربيه هاتك ياكلاكسات و ماقفلتش الا بعد مانا جيت و لاغيت الصوت بالريموت و دورت العربيه عادي بعد كده و بعدين كررت الموضوع بس وانا جنت العربيه لاقيت انه عادي فبكده لازم يكون الريموت بعيد عن العربيه مسافه محترمه
بس حته بقي فصل الكهربا بعد كام مره دي ماظنش انها هاتحصل و اصلا ماحدش هايستحمل انها تشتغل كذا مره لان الكلاكس مزعج اوي
لو عايز تجرب ياباشا تعالا نجرب في عربيتك :error404: بما ان حضرتك اللي عايز تعرف بس نفصل فيش الكلاكس و نحط مكانهم لمبه بدوايه 12 فولت او لمبه بس من غير دوايه و نشوف ايه اللي هايحصل بس مافتكرش انه هايحصل حاجه
بس اللي افتكر انه يحصل انه صعب تدور العربيه من غير المفتاح واثناء مالانذار شغال و بردوا ماجربتش الحركه دي




لا في دي ياعم احمد عندك حق و خصوصا حتة قلب جرئ دي بأمارة الدركسيون اللي جاله قلب و نزله لتحت و العربيه ماشيه وانا بصيتله بصة جزن كده و قولتله يااا---أسي ياسحس :biggrin2:
احنا بقي نجرب في عربية حسين و نحط لمبه من غير دوايه كمان علشان سحس قلبه جرررررئ و مابتفرقش معاه الشكليات دي ..... ايه رأيكوا

---

شكرا على الافاده و التجربه المفيده جزاك الله كل خير

اقتباس:

---

المشاركة الأصلية كتبت بواسطة mosakr

فكرت الايموبلايزر عباره عن فى حاله عدم استخدام الريموت الاصلى لمده تزيد عن اسبوع او اكثر تفصل الكهرباء اوتوماتيك عن السياره يعنى لما تيجى تدور بالمفتاح هتلاقى الكونتاك بيلف على الفاضى كأنك شايل كابل البطاريه ودا امان لو الريموت ضاع منك انه يفقد التكويد اوتوماتك وعشان تدور العربيه تانى تقفل السنتر وتفتحه من باب السائق فقط 3 مرات بالمفتاح الاسود وتدخل تدور هتدور معاك .

---

شكرا لمشاركة حضرتك

لكنى بقالى سنه لا استخدم الريموت الاصلى او المفتاح الاصلى فى فتح الباب
و لكن استخدم الريموت الغير الاصلى ( الانذار الجديد اللى مركبه ) و مفيش تهنيج و لا مشاكل الحمد لله

و لم يفقد التكويد و لا حاجة و الحمد لله

بالموضوع دا نختم موضوعنا
http://www.nilemotors.net/Nile/217365-a.html

بوصوا عايز أستفسر عن شوية حاجات انا معايا نيسان صني 2011 أتوماتيك أكس صالون . وبصراحه كنت هعمل موضوع هنا أسألكم أزاي أجرب الانذار بتاع العربية عشان مش عارف بس أتحرجت بصراحه ومدام الموضوع أتفتح فقولت أسأل بقه وخلاص أحراج أحراج هههههههههه .
فهل النيسان بتاعتي مجهزة بنظام nats ولا لأ ؟؟؟؟ وأزاي أجرب الانذار ؟؟ وهل قرب الريموت للعربية بيأثر على حاجه بمعنى هيخلي الانذار يشتغل أو لأ ؟

ياريت حد يجاوب عليا بالتفصيل الله يكرمكم ..

انا بقا حصلت معايا الحكاية دى بالصدفه

كان معايا طفل و سبته جوا العربية و قولت اقفل عليه بالريموت و فعلا لما رجعت الفالح فتحلى قبل منا افتح بالريموت فالعربية قعدت تصرخ و كانت حكاية , شويا و بطلت و مرديتش تدور ابدا , قعدت مثلا بتاع نص ساعه فى الشارع اجرب و بعدين ربنا هداها و دارت

انا جربته قبل كده والعربيه لمت عليا الشارع "مع العلم ان الرموت بتاعى تقيل جدا فى الاستجابة ببقى عايز ادوس عليه برجلى عشان يفتح العربيه " فقعت اضغط على الزرار بتاع الانزار ولا حياه لمن تنادى وحصل ملا يحمد عقباه >> والكونتاك فصل كهرباء<< وانا قولت "يا حزن الحزن"
المهم روحت مشغل الانزار من الريموت تانى وفصلته راح الكونتاك اشتغل تانى والعربيه دارت كويس
وكل الشارع قعد يبوصلى نزرات ثاقبه والى يقولى افصل البطاريه وركبها تانى .
أصحاب القلوب الضعيفة يمتنعوا !!!!!!!!!!!!!

انا بقا حصل لي حاجة ( اعتبرها غريبة ) امبارح ...

عقبالكم كده ... قررت اغسل العربية ... قعدت من العصر لحد اذان المغرب في غسيلها ....

المهم ... بحمد الله لما خلصت .. وتمام التمام ... قلت اشيك على ماء المساحات ... قلت افتح الكبوت من جوه .. و بعدين اقفل العربية بالريموت و بعدين ارفع الكبوت ....

و تم ذلك ... و لسه بارفع الكبوت ... سمعت الصرخة القاضية ... و بنتي كانت جنبي اتخضت من الصوت و جريت عليا تعيط ... و على ما طلعت الريموت من جيبي الناس طلعت من الشبابيك تبص على الصوت ...

المهم .. اني اكتشفت انه حتى الكبوت .. عامل زيه زي البيبان في الانذار .... و الله كبيرة يا صني :)))))))))

اقتباس:

---

المشاركة الأصلية كتبت بواسطة mohamednagib

انا بقا حصل لي حاجة ( اعتبرها غريبة ) امبارح ...

عقبالكم كده ... قررت اغسل العربية ... قعدت من العصر لحد اذان المغرب في غسيلها ....

المهم ... بحمد الله لما خلصت .. وتمام التمام ... قلت اشيك على ماء المساحات ... قلت افتح الكبوت من جوه .. و بعدين اقفل العربية بالريموت و بعدين ارفع الكبوت ....

و تم ذلك ... و لسه بارفع الكبوت ... سمعت الصرخة القاضية ... و بنتي كانت جنبي اتخضت من الصوت و جريت عليا تعيط ... و على ما طلعت الريموت من جيبي الناس طلعت من الشبابيك تبص على الصوت ...

المهم .. اني اكتشفت انه حتى الكبوت .. عامل زيه زي البيبان في الانذار .... و الله كبيرة يا صني :)))))))))

---

لا جديدة ديه يابو نجيب
تاني كده عملت ايه بالظبط
يعني كنت قافل العربية بالانذار ولا ايه؟

اقتباس:

---

المشاركة الأصلية كتبت بواسطة sonasteel

لا جديدة ديه يابو نجيب
تاني كده عملت ايه بالظبط
يعني كنت قافل العربية بالانذار ولا ايه؟

---

بص يا حبيبي اللي حصل بالظبط كالاتي :

1- والعربية مفتوحة عادي ... سحبت الشداد بتاع الكبوت علشان يتفتح ....
2- قفلت الباب .... و بعدين قفلت بالريموت ....
3- دخلت شوية حاجات كده للبيت ... قول دقيقتين يعني ...
4- مديت ايديا علشان ارفع لسان الكبوت ... لسه بارفع ( ما كملتش 1 سم ) لقيت الانزار بيضرب ....

اقتباس:

---

المشاركة الأصلية كتبت بواسطة mohamednagib

بص يا حبيبي اللي حصل بالظبط كالاتي :

1- والعربية مفتوحة عادي ... سحبت الشداد بتاع الكبوت علشان يتفتح ....
2- قفلت الباب .... و بعدين قفلت بالريموت ....
3- دخلت شوية حاجات كده للبيت ... قول دقيقتين يعني ...
4- مديت ايديا علشان ارفع لسان الكبوت ... لسه بارفع ( ما كملتش 1 سم ) لقيت الانزار بيضرب ....

---

ماشاء الله ..... ربنا يباركلنا فيها ويبعد عني وعنكم ولاد الحرااام

ده ماسمهوش ايموبليزر

اقتباس:

---

المشاركة الأصلية كتبت بواسطة moustafa_saad

ده ماسمهوش ايموبليزر

---

طيب لو حضرتك تعرف معلومة فيدنا بيها
جزاك الله خيرا

على فكرة أنا عرفت نظام الانذار بتاع العربية أيه :))

الانذار ليس له علاقة على الاطلاق بقرب الريموت من العربية أو بعده عنها .. الانذار بيشتغل بعد ما تقفل العربية بالريموت بفترة ... يعني مش أول لما تقفل العربية بالريموت وتيجي تفتحها من الشباك او غيره الانذار هيشتغل لأ . لأ خالص لازم تستنى شوية

ولو مش مصدقيني شوفوا اللمبة بتاعت الانذار أول لما تقفل العربية بالريموت .. هتلاقوا اللمبة بتنور نور ثابت وبعد شوية هتلاقوها بتنور وتطفي وكده لو فتحت العربية بأي وسيلة كانت هيشتغل الانذار

منتظر تعليقاتكم

اقتباس:

---

المشاركة الأصلية كتبت بواسطة sonasteel

طيب لو حضرتك تعرف معلومة فيدنا بيها
جزاك الله خيرا

---

الايموبليز يعنى العربيه ماتدورشى غير بمفتاحها الاصلى
يعنى لو طلعت نسخه مفاتيح على مفتاحها ممكن افتح العرؤبيه بيه لكن ساعة التدوير مستحيل تدور حتى لو قطعت السلوك وحاولت ادورها بيهم
الموجود فى النيسان ده نظام تامين مختلف اعتقد ممكت يتعمل على اى عرببيه تانيه وباى جهاز انذار اللى بيسموه كتاوت الفصل يعنى العربيه ماتدورشى غير لو اتفتحت بالريموت وده نظام موجود من زمان وممكن تعمله حتى فى ال 128 والله اعلم

اقتباس:

---

المشاركة الأصلية كتبت بواسطة mohamed_hosny

على فكرة أنا عرفت نظام الانذار بتاع العربية أيه :))

الانذار ليس له علاقة على الاطلاق بقرب الريموت من العربية أو بعده عنها .. الانذار بيشتغل بعد ما تقفل العربية بالريموت بفترة ... يعني مش أول لما تقفل العربية بالريموت وتيجي تفتحها من الشباك او غيره الانذار هيشتغل لأ . لأ خالص لازم تستنى شوية

كلام سليم
ولو مش مصدقيني شوفوا اللمبة بتاعت الانذار أول لما تقفل العربية بالريموت .. هتلاقوا اللمبة بتنور نور ثابت وبعد شوية هتلاقوها بتنور وتطفي وكده لو فتحت العربية بأي وسيلة كانت هيشتغل الانذار

منتظر تعليقاتكم

---

اقتباس:

---

المشاركة الأصلية كتبت بواسطة mohamed_hosny

على فكرة أنا عرفت نظام الانذار بتاع العربية أيه :))

الانذار ليس له علاقة على الاطلاق بقرب الريموت من العربية أو بعده عنها .. الانذار بيشتغل بعد ما تقفل العربية بالريموت بفترة ... يعني مش أول لما تقفل العربية بالريموت وتيجي تفتحها من الشباك او غيره الانذار هيشتغل لأ . لأ خالص لازم تستنى شوية

ولو مش مصدقيني شوفوا اللمبة بتاعت الانذار أول لما تقفل العربية بالريموت .. هتلاقوا اللمبة بتنور نور ثابت وبعد شوية هتلاقوها بتنور وتطفي وكده لو فتحت العربية بأي وسيلة كانت هيشتغل الانذار

منتظر تعليقاتكم

---

كلام مضبوط 100 %
و فعلا لما كنت بعمل صيانة ال 1000 طلبت من الكهربائى يورينى كيفية عمل الانذار و قاللى لازم يشتغل بعد حوالى 2 دقيقة