الموضوع: تحذير هام

اخي العزيز .. الفلوس المزورة منتشره انتشار غير عادي بالذات في الصعيد هنا عشان الفلاحين مش بياخدوا بالهم و بيشربوها أثناء تجارة المواشى و اكتشافها سهل ببعض الخطوات :
أولا لاتعتمد مطلقا علي العلامة المائية (راس الفرعون) ولا الشريط الفضى ولا البارز (الرقم المحفور علي الجنب)

ثانيا زي ماحضرتك قلت ملمس الورقة بيبان علي طول انه ورق كراريس خفيف جدا

ثالثا هاتلاقي فى الخمسين والميت جنيه جزء رصاصى و هو الجزء اللي بيكون محاوط المسجد وده بيكون خطوط رفيعة خالص و لو مشيت ضافرك عليه هاتحسه مشرشر بارز أما في الورقه المزوره مش هاتلاقي الخطوط دي و هاتلاقيها ملس لأن اللي بيزور مهما كانت براعته مش بيتقنها

وأخيرا إن شكيت فى الورقه من حقك تطلب من الزبون استبدالها وربنا يسترها معانا جميعا