أكثر العربيات مبيعا في التاريخ (حتى ٢٠٠٦)

أعتقد إن الكثير يعرف إن الكورولا هي أكثر السيارات مبيعا في التاريخ و لأني بحب تويوتا حاولت أدور على مين المنافسين اللي ممكن ينافسوا كورولا تحديدا ..فلقيت القائمة ديه ..الموضوع منقول و مترجم بتصرف

١- تويوتا كورولا : من ١٩٦٦ = ٣١،٦٠٠،٠٠٠ (١٠ أجيال )
أكثر سيارة مبيعا في التاريخ...أكثر سيارة مبيعا في العالم ٢٠٠٥ ....و أكثر سيارة مبيعا في اليابان ٣٦ سنة :)

٢- فورد إف ١٥٠ : من ١٩٤٨ = ٢٩,٠٠٠,٠٠٠ (١١ جيل )
أكثر سيارة مبيعا في الولايات المتحدة لمدة ٢٣ سنة متتالية

٣- فولكس فاجن جولف : من ١٩٧٤ = ٢٥٬٠٠٠٬٠٠٠ ( ٥ أجيال )
تخطت الاسطورة بيتلز عام ٢٠٠٢ لأول مرة

٤- فولكس فاجن بيتلز : ١٩٣٨ - ٢٠٠٣ = ٢١,٥٢٩,٤٦٤
أول عربية تصل ل ٢٠ مليون في المبيعات و أكثر تصميم إتباع من غير تغيير

٥-فورد اسكورت: ١٩٦٨- ٢٠٠٣ = ٢٠،٠٠٠،٠٠٠ (٦ أجيال )
أكثر سيارة مبيعا لفورد خارج أمريكا

٦- هوندا سيفيك :من ١٩٧٢ = ١٦،٥٠٠،٠٠٠ ( ٨ أجيال )

٦مكرر - فورد موديل تي : من ١٩٠٨ - ١٩٢٧ =١٦،٥٠٠،٠٠٠
تاني أكثر سيارة مبيعا لنفس التصميم بعد البيتلز و أول سيارة تصل ل ٥ و ١٠ و ١٥ مليون سيارة

٨- نيسان صني (سنتر ا- بلسار ) : من ١٩٦٦ = ١٦،٠٠٠،٠٠٠ (١٠ أجيال )

٩- فولكس فاجن باسات : من ١٩٧٣ ١٥،٠٠٠،٠٠٠ (٥ أجيال )

١٠- لادا ريفا : من ١٩٨٠ ١٣،٥٠٠،٠٠٠
السيارة أوقف تصديرها ١٩٩٧ و لكن تصنع للان في روسيا و مصر

١١- شفرولية امبالا : من ١٩٥٨ = ١٣،٠٠٠،٠٠٠ ( ٨ أجيال )
أكثر سيارة "full size" مبيعا

١٢ - فورد فيستا : من ١٩٧٦ = ١٢،٠٠٠،٠٠٠ (٦ أجيال )

١٣ - أولدز موبيل كتلاس : ١٩٦١ -١٩٩٩ ١١،٩٠٠،٠٠٠ (٦ أجيال )

١٤- اوبل كورسا : من ١٩٨٢ = ١١،٠٠٠،٠٠٠

١٤ مكرر - كرايسلر ميني فان من ١٩٨٤ = ١١،٠٠٠،٠٠٠
بما فيها كرايسلر تاون اند كنتري ، دودج كارافان و بلايموث فوياجر

١٦- مازدا ٣٢٣ (فاميليا -بروتيجي) ١٩٦٣ - ٢٠٠٣ = ١٠،٠٠٠،٠٠٠

١٦ مكرر - تويوتا كامري من ١٩٨٣ = ١٠،٠٠٠،٠٠٠ (٥ أجيال )

١٨- بي إم دبليو الفئة الثالثة من ١٩٧٧ = ٩،٥٠٠،٠٠٠
أكثر سيارة مبيعا في فئة السيارات المميزة

١٩- فيات أونو : من ١٩٨٣ = ٨،٨٠٠،٠٠٠
منهم ٦ مليون سيارة داخل أوروبا حتى ٢٠٠٤

٢٠ - رينو كليو : من ١٩٩١ = ٨،٥٣٥،٢٨٠
أكثر سيارة فرنسية مبيعا :)

لبقية القائمة الرابط أهو
http://en.wikipedia.org/wiki/List_of...cle_nameplates

مكنتش اعرف ان فورد ليها موديلات كتير كدا كنت اعرف بس اف150

شكرا علي الموضوع المفيد :)

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس


شكرا علي الموضوع :)


و الغريب اكتر ان سوبارو ليجاسي باعت اكتر من بيجو 504 في مده زمنيه اقصر :eek:

مع ان معروف ان سوبارو من اخر الشركات اللي ممكن تعمل ارقام مبيعات :eek:


بس شوفوا كميه العربيات الياباني اللي فوق 504 فخر بيجو :D

موضوع هايل
bettle تصميمها فعلا حلو قوى

اقتباس:

---

Lada Riva

---

دى لادا 2107 صح ؟

اقتباس:

---

دى لادا 2107 صح ؟

---

أعتقد كده يا باشا و لو إن الموضوع مافيهوش صور بس قايلين إن العربية تنتج في مصر:)

برو باشا لا شكر على واجب يا جميل ....خيرك سابق ;)
الارقام ما بتكدبش يا باشا و مش معقول الناس ديه كلها مش فاهمة .....مش مجاملة و الله بس سوبارو ديه حكاية :cool:
أما بالنسبة ل بيجو ٥٠٤ فيكفي أن أقول إن أكثر سيارة فرنسية مبيعا هي رينو كليو (حتى لو كانت اللي مش بتنزل في مصر:D )

اقتباس:

---

المشاركة الأصلية كتبت بواسطة PRO-DRIVE

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس

---

وده اللي دائما بنقوله هنا يا احمد
ان الناس علشان مصر مكنتشي تعرف غير الفيات والبيجو والمرسيدس بس

والناس في الخليج والخارج راكبين العربيات الياباني واسبور كمان
يبقى الياباني مكنش له تواجد

يعني لما تيجي تقارن المازدا 323 او 929 موديل 82 عز المعمعه بتاعت بيجو وفيات في مصر

فرق شاسع في الاداء والتابلوه والماتور والفتيس والتكييف والعفشه وكل حاجه

بس يظهر ان الناس مجربتشي العربيات دي حتى دلوقتي

شكراَ على المعلومات القيمة جداَ دي ..
:):)

اقتباس:

---

مكنتش اعرف ان فورد ليها موديلات كتير كدا كنت اعرف بس اف150

شكرا علي الموضوع المفيد :)

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس


شكرا علي الموضوع :)


و الغريب اكتر ان سوبارو ليجاسي باعت اكتر من بيجو 504 في مده زمنيه اقصر :eek:

مع ان معروف ان سوبارو من اخر الشركات اللي ممكن تعمل ارقام مبيعات :eek:


بس شوفوا كميه العربيات الياباني اللي فوق 504 فخر بيجو :D

---

و دا لان البيجو بتغير تسمياتها :) و الفيات كمان:)
مش معتمدين علي تسميه واحده.
يعني مثلا الجولف كانت طالعه تحل محل البيتلز و لو كانت اتسمت نفس الاسم كان زمان البيتل او الجولف معديه الرقم دا.
البونتو مكان الاونو و لو جمعت مبيعات البونتو مع الاونو كانت اخدت موقع محترم في القائمه:).
نفس الوضع بالنسبه للبيجو لو جمعت ال 504 مع ال 505 كانت بقي ليها رقم جامد.

منور الموضوع يا حازم باشا
يا باشا إنت تويوتاوي دلوقت خليك مع الجانب الفائز :D

البونتو كانت موجودة مع الاونو في نفس الوقت .... مش حاسس إن الجولف امتداد للبيتلز كل واحدة ليها طبع مميز و مختلف ....أما البيجو لو سلمنا إن ٥٠٥ هي هي ٥٠٤ فالسؤال :لو بيجو كنت حاسة إن إسم ٥٠٤ قوي ليه غيرته :confused:

اقتباس:

---

منور الموضوع يا حازم باشا
يا باشا إنت تويوتاوي دلوقت خليك مع الجانب الفائز :D
و بعدين يا باشا انا اوربي اصيل و ما اقدرش استغني عن الاوربي مهما حصل و انتظر مني مفاجأه قريب;)

---

منور باصحابه يا باشا :)

اقتباس:

---

البونتو كانت موجودة مع الاونو في نفس الوقت

---

الونتو نزلت سنه 95 و اخر عربيه اونو خرجت من ايطاليا سنه 94 و بعد كده بدات تنتج في بولندا زي ال 128 لما فيات استغنت عنها و اتجمعت في يوغوسلافيا.يعني البونتو الوريث لشرعي للاونو :)

اقتباس:

---

....أما البيجو لو سلمنا إن ٥٠٥ هي هي ٥٠٤ فالسؤال :لو بيجو كنت حاسة إن إسم ٥٠٤ قوي ليه غيرته :confused:

---

لا بيجو بتعتمد تسميه جديده مع كل جيل جديد
بيجو مرتبه تسميتها كالاتي
اي موديل من 3 ارقام
في المنتصف رقم (0)
الرقم الايسر بيدل علي فئه السياره و كل ما كبر الرقم كل ما كبر حجم السياره (106.206.306.406.706) و هكذا
الرقم الايمن بيدل علي جيل السياره
يعني مثلا فئه ال 400 لما تيجي تشوف تتابع الفئات حتلاقيها كالتالي
(403.404.405.406.407 )\
فحتلاقي ان كل موديل بيعتبر تطور للموديل السابق له .
يعني لو جمعنا كل الكميات من عائله ال 400 او ال 500 حيبقي رقم محترم .
اتمني اني اكون قدرت ابسط مفهوم تسميه بيجو :)

اقتباس:

---

المشاركة الأصلية كتبت بواسطة hazem_khidr

و دا لان البيجو بتغير تسمياتها :) و الفيات كمان:)
مش معتمدين علي تسميه واحده.
يعني مثلا الجولف كانت طالعه تحل محل البيتلز و لو كانت اتسمت نفس الاسم كان زمان البيتل او الجولف معديه الرقم دا.
البونتو مكان الاونو و لو جمعت مبيعات البونتو مع الاونو كانت اخدت موقع محترم في القائمه:).
نفس الوضع بالنسبه للبيجو لو جمعت ال 504 مع ال 505 كانت بقي ليها رقم جامد.

---

أتفق معك تماما يا أستاذ حازم, التويوتا كورولا بنفس الاسم لمدة 36 عاما, و تباع فى أكثر الأسواق استهلاكا للسيارات, و فى فترة زمنية منتعشة اقتصاديا ارتفعت فيها مبيعات السيارات بشكل كبير بالاضافة طبعا الى كونها سيارة شعبية.
و لا أعرف ما هو سر العادة اليابانية فى الحفاظ على اسم السيارة مع تغييرها تماما, هل الحصول على اسم جديد هو صعب لهذه الدرجة أم ماذا؟
من نيسان صنى الى تويوتا كورولا الى هوندا سيفيك, حقيقة لا أعرف ما السر, ربما تشبها بالشركات الأميركية التى اعتدنا منها هذا الأمر فى بعض طرازاتها مثل شفروليه كورفيت و شفروليه كامارو و بونتياك فيربيرد, أعتقد أن هذا هو السبب الرئيسى.

\/\/\/\/
كورولا بتتباع من ١٩٦٦ يعني ٤٢ سنة يا باشا ....
لو العربية أكتر عربية بتتباع في التاريخ يغيروا اسمها ليه ؟ طبيعي تتغير كل مواصفتها ولا يعني تفضل نفس الشكل و الامكانيات لعشرات السنين زاي الناس الوحشيين التانيين :p

الشركات بتغير إسم الموديل لما ينتهي أي فايدة منه ..يعني لو فيه الخير ما كانش رماه الطير ..جولف أهيا ما شاء الله عليها بنفس الاسم من ساعة ما طلعت :rolleyes:

شكرا يا حازم باشا على الأفادة.....عارف و الله:o.... أبويا الله يرحمه كان عنده ٤٠٤ و بعدين ٥٠٤ .....زمااااااان:)

اقتباس:

---

المشاركة الأصلية كتبت بواسطة Chicco

\/\/\/\/
كورولا بتتباع من ١٩٦٦ يعني ٤٢ سنة يا باشا ....
لو العربية أكتر عربية بتتباع في التاريخ يغيروا اسمها ليه ؟ طبيعي تتغير كل مواصفتها ولا يعني تفضل نفس الشكل و الامكانيات لعشرات السنين زاي الناس الوحشيين التانيين :p

الشركات بتغير إسم الموديل لما ينتهي أي فايدة منه ..يعني لو فيه الخير ما كانش رماه الطير ..جولف أهيا ما شاء الله عليها بنفس الاسم من ساعة ما طلعت :rolleyes:

شكرا يا حازم باشا على الأفادة.....عارف و الله:o.... أبويا الله يرحمه كان عنده ٤٠٤ و بعدين ٥٠٤ .....زمااااااان:)

---

لا يا سيدى الموضوع ملوش دعوة باسم السيارة, معروف أن الشركات التى تقوم بترقيم سياراتها لا يمكن أن تبقى السيارة برقم واحد, أما السيارات التى تسمى باسم شىء معين فهى تبقى بنفس الاسم لمدة طويلة, و هى عادة أمريكية فى الأساس, و اليابانيين , و بما أنهم يقلدون الأمريكيين فى كل شىء تقريبا, يفعلون مثلهم, و مثلا عمر الكورفيت و سمعتها أفضل من الكورولا بكثير.

ردا علي استاذ فادي مازدا 323 ارقام ولا انا مش واخد بالي ؟؟

و بي ام الفئه التالته ارقام برضه ولا لا ؟؟

و الاتنين في اول 20


يا جدعااان مدام سمعه العربيه ماشيه و كويسه ليه يغيروا اسمها ؟؟


و لو تلاحظوا العربيات الياباني المشهوره من سنه ما نزلت و هي ابأسمها
مبتتغيرش كل شويه رقم و اسم
سيفيك اكورد كورولا كامري ليجاسي امبريزا من مازدا 3 لاند كروزر

مش سسبب مقنع

و عشان حازم باشا

بقي بيجو 504 باعت 3 مليون عربيه و 405 باعت 2 مليون و 500 الف

يبقي مجموعهم 5 مليون و 500 الف و دا ممكن يشفع ليها انها تبقي في المركز ال31


يعني برضوا مازالوا برا اكتر 20 هاها

اقتباس:

---

مثلا عمر الكورفيت و سمعتها أفضل من الكورولا بكثير

---

و موجود ياباش من الياباني اللي يأدب الكورفت :d

انت مش شايف اللون البرتقالي من توقيعي ولا ايه :d

و دي حلبه يعني تحمل السرعه تحمل السرعه ملكش اي حجه :d

اقتباس:

---

ردا علي استاذ فادي مازدا 323 ارقام ولا انا مش واخد بالي ؟؟
و بي ام الفئه التالته ارقام برضه ولا لا ؟؟
و الاتنين في اول 20
يا جدعااان مدام سمعه العربيه ماشيه و كويسه ليه يغيروا اسمها ؟؟

---

+1
كنت حاقولها :D
عربية ناجحة و بتبيع سواء إسم (جولف) أو رقم (بي إم الفئة التالتة ) بتحافظ على اسمها
عربية فشلت يبقى تغير اسمها ....اكو مثلا في تويوتا ...بالمناسبة حد سمع عن بي ام الفئة الثامنة؟ :rolleyes:
كورولا ديه أسطورة و مفيش زيها ...عربية شعبية بقى و لا مهلبية ما تفرقش:p
أما بيجو فلو ٥٠٤ كانت تقدر تصمد كانوا حافظوا على الاسم .....بيغيروا لمجرد إلتغيير يبقى غلط و أكبر غلط;)

اقتباس:

---

أما السيارات التى تسمى باسم شىء معين فهى تبقى بنفس الاسم لمدة طويلة, و هى عادة أمريكية فى الأساس

---

نوعا ما متفق معاك ان الاسماء اساسا هي عاده امريكيه

بس تقدر تقول ايه علي لكزس و كل اسماء عربياتها و انفنتي و كل اسماء عربياتها و اكيورا و كل اسماء عربياتها برضه



ثانيا معني كلامك ان فولكس بتقلد امريكا ؟
و معني كلامك ان اوبل بتقلد امريكا
و فيات بتقلد امريكا
و الفا روميو بعض موديلاتها بتقلد امريكا
و لمبورجيني بتقلد امريكا
و فيراري في بعض عربياتها برضه بتقلد امريكا

اقتباس:

---

.....بيغيروا لمجرد إلتغيير يبقى غلط و أكبر غلط

---

المشكله انهم مش عارفين ان العربيات اللي بتفاخروا بيها دي هي سبب انسحاب بيجو من السوق الامريكي !!

اقتباس:

---

...بالمناسبة حد سمع عن بي ام الفئة الثامنة؟

---

البينا b12 :) كان اشهر انتاج للفئه دي

بس هما وقفوا انتاجها تقريبا صح ؟ عشان كنت قريت من فتره انهم عاوزين يعيدوا احيائها برضه !!

تقليد إيه بس يا فادي باشا ؟ ما هي العربيات لا إسم لا رقم لا خلطة من الاتنين ....ما سمعناش عن عربية موديلها بيشار إليه بحاجة تانية :rolleyes:


برو باشا بي إم الفئة التامنة فعلا اتوقف انتاجها مع الاسف ...أصلي كنت بحبها جدا :o...بس العربية فشلت:( ......ما سمعتش عن مشروع احيائها ...لو عرفت حاجة يا باشا ما تنساش أخوك:)

يحاول الأخ برو و الأخ شيكو ترسيخ مفاهيم غريبة جدا, لذا يجب أن نوضح.
أولا استبدال اسم السيارة ليس دليلا على فشلها, و عدم استبداله ليس دليلا على نجاحها, فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى.
أما لو كانت السيارة لها اسم لفظى, فان عمر هذا الاسم يمكنه أن يمتد لفترة أكبر بطبيعة الحال, و لكن تغيير الاسم غالبا ما يعبر عن مفهوم جديد للسيارة, الشركة تغير الاسم كنوع من الاشارة الى أن هذه السيارة جديدة تماما, و ثورة جديدة, و ليست مجرد تطوير للطراز القديم, رغم أن هذا ليس صحيحا دائما فى الواقع, و لكن كنوع من الدعاية, و هى أشياء تعتمد على السياسة التسويقية للشركة, و أحيانا تقوم الشركات باعادة انتاج طرازات ناجحة مثل مينى, و فيات 500, و فولكس فاجن بيتل, و هذا يحدث غالبا مع السيارات التاريخية فقط, و الكورولا لا تدخل ضمن الطرازات التاريخية, لأن التاريخ لا يعرف حجم المبيعات, بل حجم التغيير الذى أحدثته السيارة و الثورة التى أشعلتها.
حجم المبيعات ليس دليلا على أى شىء سوى نجاح الشركة فى الدعاية لمنتاجتها, لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.
و عموما عادة ابقاء الاسم لفترة تزيد على عشرات السنين هى عادة أمريكية كما أسلفنا, و لم نرها مع الشركات الأوروبية سوى مع فولكس بيتلز و جولف, لكن هذه كانت طرازات استثنائية, و قد نراها مع فيات بونتو اذا امتد هذا الطراز الى عشر سنوات أخرى, لأنه طراز استثنائى هو الأخر, لأن كل من هذه الطرازات هو ثورة أوروبية على صعيد التصميم و المفهوم, و لكن ليس بالضرورة على صعيد المبيعات.
أما موضوع وجود بيجو و فيات فى السوق الأمريكى من عدمه, فقد شرحت سبب خروجهم من السوق الأمريكية قبل ذلك, و قلت انه مخطط, تمهيدا لدخول اليابانيات السوق الأمريكى.

اقتباس:

---

فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى.
أما لو كانت السيارة لها اسم لفظى, فان عمر هذا الاسم يمكنه أن يمتد لفترة أكبر بطبيعة الحال, و لكن تغيير الاسم غالبا ما يعبر عن مفهوم جديد للسيارة, الشركة تغير الاسم كنوع من الاشارة الى أن هذه السيارة جديدة تماما, و ثورة جديدة, و ليست مجرد تطوير للطراز القديم, رغم أن هذا ليس صحيحا دائما فى الواقع

---

طيب انت كدا بتعترف ان السيارات الاوروبيه بتستخدم الاساليب الدعائيه الرخيصه دي

اقتباس:

---

لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.

---

علي الاقل فولكس بيتلز حققت اكبر مبيعات في امريكا

طبعا ساعتها كان عندهم مفهوميه كبيره هاها
بس دلوقتي بقوا جهله

اقتباس:

---

و عموما عادة ابقاء الاسم لفترة تزيد على عشرات السنين هى عادة أمريكية كما أسلفنا

---

هو حضرتك اسمك فادي بقالك اد ايه ههههه

عندي حاجه ناجهه بأسمها

اديني ادني سبب اني اغيره !! سبحان الله

اقتباس:

---

خروجهم من السوق الأمريكية قبل ذلك, و قلت انه مخطط, تمهيدا لدخول اليابانيات السوق الأمريكى.

---

بيجو خرجت بأنسحاب مش "اتطردوا"

اقتباس:

---

يحاول الأخ برو و الأخ شيكو ترسيخ مفاهيم غريبة جدا, لذا يجب أن نوضح

---

يا باشا الحقيقة إن احنا عملاء يابانيين فبنحاول نرسخ الأفكار ديه بغض النظر عن صحتها ...انما حتقول إيه عن الناس إلي اشترت العربيات ديه كمان عملاء ولا إتضحك عليهم :rolleyes:

اقتباس:

---

أولا استبدال اسم السيارة ليس دليلا على فشلها, و عدم استبداله ليس دليلا على نجاحها, فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى

---

تفسر بأيه تغيير إسم الموديل غير إنه فاشل ....أوروبا و أمريكا و اليابان ....معرفش الصين بأه حتعمل إيه
حتى الأرقام لما مازدا غيرت ٣٢٣ بقت مازدا ٣ ......بي إم ما غيريتش أرقام الفئات الناجحة ....ما قلتش يعني حاجة عن الفئة التامنة اللي فشلت .....و حتى مرسيدس حتغير ال-A-class الفاشلة :p

أما ٥٠٤ ديه ماتت و شبعت موت عاملة ذي المريض اللي مات اكلينيكيا و متوصل بالاجهزة لابقائه حيا .....عربية هايلة في وقتها آه انما أسطورة ما حصلتش لا .....علما باني عارفها كويس و سقتها كمان ;)

اقتباس:

---

عموما عادة ابقاء الاسم لفترة تزيد على عشرات السنين هى عادة أمريكية كما أسلفنا, و لم نرها مع الشركات الأوروبية سوى مع فولكس بيتلز و جولف, لكن هذه كانت طرازات استثنائية, و قد نراها مع فيات بونتو اذا امتد هذا الطراز الى عشر سنوات أخرى

---

يعني إنت قلت جولف و بيتل و نسيت باسات و قلت كمان بونتو و نسيت اونو
كل دول ثورات في عالم السيارات انما اليابانيات الساحرات فشنك :rolleyes:

اقتباس:

---

حجم المبيعات ليس دليلا على أى شىء سوى نجاح الشركة فى الدعاية لمنتاجتها, لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.

---

المبيعات عمرها ما كانت دعاية و بس مع أول شكوى أو مشكلة المبيعات بتقل و الارقام المذكورة من العالم كله شرقه و غربه شماله و جنوبه .....حكاية المستهلك الامريكي العبيط و المستهلك المصري الحويط الفهلوي ديه صعبة شوية .....يا ريت ما كنش ده يبقى حالنا :(

بالنسبة لمرسيدس و بى ام فى, الموضوع بسيط جدا,
هما مش ثابتين على اسم واحد و لا حاجة, هم ينتهجون نظاما متفردا لتسيمة السيارات, فهم يقسمون انتاجهم الى فئات, بى ام فى ترقم هذه الفئات الى 3, 5, 7, و مرسيدس تعطى لكل فئة حرف, سى, اى, اس, ثم يتبعون ذلك الرقم أو الحرف برقم يعبر عن حجم المحرك, سى 200 أى الفئة العائلية الصغيرة المترفة, و حجم المحرك 2000 سى سى, و هكذا, و فى رأيى هذا أفضل نظام لتسمية السيارات, لأنه و بمجرد معرفة اسم السيارة, يمكنك استنتاج حجم المحرك, و فئتها الحجمية.

حلو يا باشا و ما إختلفناش.... فين بقى الفئة الثامنة من بي إم اللي فشلت فشلا ذريعا لا يضاهيه إلا فشل ال-A class من مرسيدس ......الموديل فشل إختفى الاسم ده اللي قصدي عليه

اقتباس:

---

المشاركة الأصلية كتبت بواسطة Chicco

حلو يا باشا و ما إختلفناش.... فين بقى الفئة الثامنة من بي إم اللي فشلت فشلا ذريعا لا يضاهيه إلا فشل ال-A class من مرسيدس ......الموديل فشل إختفى الاسم ده اللي قصدي عليه

---

بالضبط يا شيكو باشا
الموديلات دي اختفت زيها زي الكريسيدا بالضبط;):D

تويوتا ياما غلطت يا باشا مفيش حد منزه .... غلطوا في الاكو غيروا الاسم لياريس و بدلوا العربية تماما ......إيه رأيك فيها ؟:D;)
بصراحة شديدة أنا ما أعرفش حاجة عن الكريسيدا غير النقاش إلي كان بين mtema و silverlan إلي في منتدى التويوتا :o

اقتباس:

---

تويوتا ياما غلطت يا باشا مفيش حد منزه .... غلطوا في الاكو غيروا الاسم لياريس و بدلوا العربية تماما ......إيه رأيك فيها ؟:D;)
بصراحة شديدة أنا ما أعرفش حاجة عن الكريسيدا غير النقاش إلي كان بين mtema و silverlan إلي في منتدى التويوتا :o

---

تصحيح بسيط
اسم ياريس دا قديم و كان بيطلق علي الهاتش باك منها في اوربا و السيدان بس اللي كانت بتنزل عندنا و اسمها ايكو و انا شفت كام عربيه في مصر باسم ياريس فعلا.
الكريسيدا يا سيدي في الخليج زيها زي ال 504 هنا في مصر ان لم تكن اقل منها شويه.
لكن كانت ناجحه في الخليج فقط و غيروا اسمها و دا مش من طبيعه تويوتا انها تغير الاسماء الا لو موديل فشل بعكس بيجو .
تسميه بيجو بتعبر عن الاجيال يعني لما بتغير عربيه لازم تديها الرقم الجديد بتاع الفئه لانه بيعبر عن جيل احدث من اللي قبله.
و دا نوع من التميز
يعني لما تقعد مع حد و تساله معاك عربيه ايه؟؟
تلاقيه بيقولك 505 ّّّّّّّّّّّّّّّّّّّّ!!!!!!!!!! !!!!!
من الرقم دا تعرف انه يقصد ان معاه بيجو موديل 505 سنه الصنع من 80 ال 90
من غير ما يقولك بقي بيجو 505.
اما مثلا تعالي لعربيه زي الكورولا
لو سالت حد معاك ايه لو قالك كورولا بس ما تقدرش تحدد شكلها الا لو عرفت موديلها و لازم تبقي خبير بالموديلات علشان تعرف اني موديل انتج سنه كذا .

ألف شكر يا باشا على معلومة الكريسيدا ....
بس مفيش حد بيسأل حد على بيجو اللهم إلا في فرنسا و شوية بلاد في أفريقيا و المحروسة :rolleyes:....انما تويوتا في كل مكان :cool:
إسم ايكو كان موجود فعلا مع ياريس في فترة من الفترات لكن إختفى تماما دلوقت ....ده اللي قصدي عليه ....و بعدين يا باشا إنت معانا و لا مع الناس التانيين:D

هههههههههههههههههه
انا معاكم انتم الاتنين مش متحيز لحد:):)

في كام ملحوظة
1- في 11 عربية من 20 بتتباع في مصر
2- نجاح عربية زي فورد فيستا على مر العصور و حتى الأن بيلقي الضوء على عدم وجود العربية دي بذات في مصر خاصة انها اقتصادية في سعرها كمان
3- الفرق بين الكورولا و أقرب الملاحقين و هي الجولف كبييير جدا

\/\/\/
ملاحظات حضرتك في محلها و فعلا تحتاج تحليل لأسبابها

الادا ريفا الى هى 2015 - 2017

قصدك 2105-2107 يا Tag :d
و في رأيي الشخصي ان الكريسيدا مفشلتش ابدا
احنا كان عندنا كريسيدا قبل كده و العربيه ممتازه مقارنة بعربيات اوروبي حديثه
و بالنسبه لملاحظات الاستاذ محمد ايهاب انا اعتقد ان السوق هنا ماشي حسب السياسه التسويقيه
يعني من الآخر الي يقدر يقنع الزبون
زي غبور مثلا
انما هنا في مصر عمرنا مفكرنا في انهي عربيه احسن و انهي عربيه الي تقدر تناسبنا فعلا
مش زي بره السوق مفتوح و الي عايز يركب حاجه بيركبها
انما هنا معندناش غير انواع محدوده بس منقدرش نفكر ابعد منها

و ألف شكر يا Chicco sensei باشا عالمعلومات ( يا رب اكون كتبتها صح :D )
هو الاستاذ فادي فين ؟؟

اقتباس:

---

المشاركة الأصلية كتبت بواسطة mosso

و ألف شكر يا Chicco sensei باشا عالمعلومات ( يا رب اكون كتبتها صح :D )
هو الاستاذ فادي فين ؟؟

---

:)
لحقت أوحشك؟
انا موجود يا سيدى و متابع الموضوع بس قلت كل الى عندى عن الموضوع ده.

اقتباس:

---

( يا رب اكون كتبتها صح :D )

---

صح يا sensei :D
و كلامك كله كمان عن السوق المصري صح
فادي باشا ده حبيبنا ...صحيح النقاش بيحتدم ساعات بس وجوده لا غنى عنه في أي نقاش عن اليابانيات الساحرات ;)