جريدة اليوم السابع المشبوهه
انا بداءت اتابع الجرايد على النت بانتظام شديد لاكتر من مرة فى اليوم من بعد الثورة ولاحظت ان جريدة اليوم السابع تركز تركيز مبالغ فيه على الحوادث الامنية الى بتعكس غياب الامن وبتخوف من الغياب ده وحتى لوكانت الحاثة عادية وما تستهلش
يعنى حادثة سرقة عادية ممكن تمر مرور الكرام الجريدة بتعمل منها خبر طويل عريض وما بتسبتش فرصه الا وتنقل الاخبار ديه مهما كانت هيافتها
الحاجه التانيه الى بتركز عليها اليوم السابع هى اخبار الاضرابات الفئوية وبرضه مهاما كان حجمها صغير ,,, يعنى لو عشر افراد عاملين اضراب بقى حادثة كبيرة عندهم تستحق النشر
الحاجه الثالثة هى التعليقات الى بتنزل بشكل غريب مستفذ وبسرعه رهيبة وكلها تعليقات سلبية (انا بتكلم على التعليقات الاولى على الخبر ) كلها من عينة ما هى البلد بقت فوضى من بعد الرئيس مبارك ... عشان تعرفوا قيمة مبارك .... ولا يوم من ايامك يا ريس ..... عشان يعرفوا قيمتك يا رئيسنا المحبوب
والى بيكتبوا التعليقات دول ثابتن ومعروفين ... ريم .... شهد ...سامية .... وكام اسم كمان والتوفيت بيبقى بعد نزول الخبرعلى طول مفيش كام دقيقة ,,,, بحيث تبقى التعليقات السلبية ديه هى الى اسفل الخبر فى اكتر حتة ظاهرة وغالبا الناس ما بتقراش الى التعليقات الاولى الى اسفل الخبر على طول ,,,, المهم تحس ان البلد كلها بتحب مبارك ومتفتداه وهيعيطوا عليه
لو حاولت ترد على التعليقات ديه غالبا تعليقك مش هينزل او هينزل فى صفحات متاخره جدا من صفحات العليقات يعنى من الاخر محدش هيقراها
الحاجه الرابعه الى معروفه للجميع مكالمة رئيس تحرير الجريدة مع ابن ممدوح اسماعيل قاتل المصريين فى العبارة واعترافه له بانه - اقصد رئيس التحرير - يتقلى تعليمات وتوجيها من امن الدولة واى مهاجمه للحكومه هى مهاجمه محسوبة ومصدق علينا من الحكومه ... يعنى معارضه كده وكده عشان يمرر الى عايزه من اخبار
انا من وجهه نظرى ان الجريده ديه ليها اهداف ضد الثورة والفكرة ديه انا ما طرحتهاش الا بعد متاعبه لاكثر من شهرين وكل يوم بيتأكد وجهة نظرى