المشاركة الأصلية كتبت بواسطة m_sallam
انا من رأيى انك تجيب لوجان خصوصا ان بقلها سنتين و انتشرتك بشكل رهيب ...
و كمان كمليتها رائعة ( كمبيوتر رحلات , اير باج , فوج لايت امامى و خلفى , تكيف ثلاجة , باور , سنتر لوك , ريموت كنترول , 4 زجاج كهربائى , زجاج خلفى حرارى , مرايات جانبية كهربائية , فرامل abs مانعة للأنزلاق , كاسيت c.d مزود ب 4 سماعات قوية جداااا , و كمان فى امكانية لتعديل كرسى السائق و الدريكسيون )
و ثبات العربية رااااائع و هادئة تماما و التسارع بتعها رائع و متنساش انها بتجيب من 0 - 100 فى 11.5 ثانية ...
و توكيلها محترم فوق الوصف
و بعدين المفروض ان السعر الأصلى للعربية 93000 هما شايلين من عليها 24000 جنيه جمارك ( طبقا للأتفاقية اغادير ) ...
و بعدين يكفى ان اسمها رينو بمعنى انها عربية بنت اصول ...
و بعدين سيبك من الفيرنا ...
الفيرنا بعد ال 120 بتدبدب و بتعوم و فراملها بتبقى ضعيفة خالص دة غير كمان انها قريبة جداااا من الأرض و الأطارات بتاعتها مقاس 14 بمعنى انك هتضطر انك تجيب جنوط سبور مقاس 15 ...
اما الانوس خلاص راحت عليها و بقت بتتقفل فى مصر ...
يعنى الدايو تدربها بالجازمة
فى النهاية توكل على الله و هات لوجان و بعدين لو كانت وحشة مكنتش انتشرت الأنتشار الرهيب دة و مكنتش الناس كلها شكرت فيها ...