هو لسه فى بلطجية فى طريق مصر اسكندرية الصحراوى

هو لسه فى بلطجية فى طريق مصر اسكندرية الصحراوى؟
عايز اسافر و مقلق من الموضوع داه

لايوجد وانا لسه راجع يوم الاثنين ولكن اتبع مبدأ السلامه فلا تسافر مبكرا ولا تعود متاخرا

شكرا ياباشا

هو السؤال دا علي اساس ان حضرتك سمعت ان في بلطجيه علي الطريق
انا من 28-2 وانا بسافر علي الطريق و برجع متاخر عادي بس للارتياح النفسي مش بتأخر لحد 12 او 1 بليل اخري اخري 10 عليه مثلا و اكون عند البوابات (داندي مول) و بس

انا سمعت ان فى بلطجيه بس مش متاكد

حضرتك انا استخدمت الطريق وفى اوقات مختلفه والحمد لله امان يعنى مره كانت 4 الفجر ومره 12 بليل و10 بليل وفى عز الظهر
امان مفيش اى حاجه عليه
اتكل على الله وادعى دعاء السفر وخليها على الله

أنا مسمعتش إن الصحراوي عليه حاجة أصلا
بس أنا رحت الساحل الجمعة ورجعت الإتنين فالنور

اتكل على الله و توصل بالسلامة

أنا اصلا سمعت أن فى كماين شرطة عسكرية على الطريق ومش متأكد من الحتة دى

اتوكل على الله وربنا يستر طريقك

لسه أخويا مضروب عليه رصاص علي طريق الساحل و واحد صاحبه جت فيه رصاصه الطريق مش امان الكلام ده الساعه اربعه الظهر

الطريق أمان والحمد لله....طول الوقت أنا عليه ، أما بالنسبة للمشاركة اللى قبلي بتاعة الطريق الساحلي.....

أنا أول مرة أسمع الموضوع ده لأني برضه بأمشي على الطريق الساحلي طول الوقت....ياراجل ده زحمة جدا كمان!

تحياتي.