إتوكل على الله انا لسه جاي امبارح والدنيا فل
عرض للطباعة
إتوكل على الله انا لسه جاي امبارح والدنيا فل
انا كنت مسافر في الأجازه ولسه راجع امبارح وكله تمام ومفيش مشاكل بس لعلمك انا ولا شفت شرطه ولا جيش زي ما الاخوه بيقولو
الطريق امان بس مفيش كاب عسكرى عليه لا شرطه ولاجيش
وطول الوقت عليه عربيات انا رجت من 20 يوم بالليل كان فى عربيتين ملاكى معايا و باقى الطرق نقل تقيل يعنى محدش هيقطع الطريق ولا حاجه بس خليك بالنهار و الطريق مفيهوش لا بلطجيه ولا شرطه
انا سافرت فى شهر 3 وكان كويس
هو اللى بيخوف انك طول مانت ماشى حتلاقى ناس بتبيع شوم وعصيان فكل مبشوفهم بقلق واحس ان حد حيطلعنا بس الحمد لله الطريق كان كويس
بس خليك بالنهار وحاول متقفش فى السكة
للأمانة مسمعتش أبداً إن فيه بلطجية على الصحراوي
ولا حتى في أسوأ الأيام ساعة الثورة
حتى لما المساجين هربوا محدش فيهم اتعرض للعربيات
هما اتشافوا بس ماشيين بملابس السجن عليه
فاطمئن وتوكل على الله
زيادة في الاحتياط بس زي ما قال الاخوة خللي سفرك في ضوء النهار
وترجع بالسلامة
متقلقش انا كنت على الطريق كل اسبوع باليل بعد الثوره و مكانش فى بوليس فى اسكندريه خالص
وكان الطريق كويس دلوقتى فى دوريات شرطه على الطريق فى عربيات بوكس راكب فيها امن مركزى بالسلاح بس هما مش كتيير توكل على الله وربنا يسترها بس متوقفش لاى حد يشاورليك على الطريق
طب ياجماعة بالنسبة للاخوة اللى سافروا على الطريق هل فية تحويلات فى الطريق ام الطرق سالكة
بمعنى هل هناك اجزاء من الطريق فيها رايح جاى علشان الفردة التانية من الطريق بيها شغل
والا اعمال الانشاءات انتهت
تحياتى
الطريق كلوا تحويلات وحاجة تزهأ
انا سافرت يوم الاحد الصبح ورجعت بليل الساعة 1
الطريق حلو جدا وفيه عربيات كتير
اتكل على الله وقول دعاء السفر
الطريق فيه تحويلات بس مش مزعجة في رأيي