السلام عليكم
انا كنت عايز اعرف العربيه دى تعمل كام النهائى
ومواصفاتها كالتالى
لادا 2107 روسى
موديل 2003
بدون كماليات
الدواخل فابريقه
خبطات بسيطه فى الاجناب تم سمكرتها ورش باقى السياره من الخارج نظافه
المساعدين اللى ورا محتاجين سوست
الولاعه مخلوعه من مكانها لكن موجوده:crying1:
العربيه معمول فيها شغل فى الكهربا يعنى فى بعض الاسلاك ملحومه
وشكرا
عداد العربية عام كام كيلو ؟؟؟
حوالين26000
مش عارف والله ها اسأل صاحبها وارد عليكاقتباس:
المشاركة الأصلية كتبت بواسطة ayad2007
الراجل طالب 31000 :_Alshmokh11:اقتباس:
المشاركة الأصلية كتبت بواسطة engaass
طب لو الحاجات اللى فيها دى اتصلحت تتكلف كام
بس بجد العربيه نظيفه جدا والحوض مافيهوس بارومه خالص
كتير عليها دانت ممكن تلاقى فابريكة برة وجوة اقل من الرقم اللى هو عرضة وموديل اعلى كمان زى 2006فى حدود من 28000 الى 30000
2003 30 ألف أعتقد من واقع الأسعار الي سمعتها غالية شوية إنها معمول فيها شغل و منغير كماليات خالص ... برغم عدم اهمية الكماليات يعني ....
يامعالي الباشا العربية دى علي مواصفتها كدة تعمل
24000الف جنية وكدة يبقي زى الفل
انا جايب لادا لواحد صحبي فابريكة برة وجوة موديل 2005 وعددها عامل 80000ك روسي انجيكشين وفيها عدة صوت سونى ومتجنطة ومفيهاش الهوا وجبتهالة ب 30500جنية
علي كدا بقي انا اطلب ف عربيتى 36000الف مستريح
لو فكرت ابيع
انا متشكر ليكو يا جماعه وربنا يكرمكو
المشكله ان انا نزلت السوق وعلى مواقع البيع وكلو معلى فى السعر كأنهم متفقين مع بعض
ولو عايز مكان كويس اكشف عنده على العربيه بس يكون فى مدينه نصر تنصحونى بمين
و يا ريت يا جماعه لو حد قدامه حاجه نظيفه يقولى وربنا يجازيكو خير
وشكرا
بلاش استعجال وانشاء الله تلاقى حاجة نضيفة بسعر معقول
متشكر يا بشمهندس لاهتمامك وردك
والمشكله انى مستعجل علشان داخل على امتحانات
بس ها احاول اتأنى وادور على حاجه كويسه زى ما حضرتك قلتلى
ومعلش سؤال تانى تنصحنى ادور فين علشان انا تعبت من سوق الجمعه خااااالص
على فكرة انا جايب لادا 2105 موديل 1990 فابريكة بره وجوه ومش ناقصة مسمار على 23500 جنيه من شهر
طالما داخل على الامتحانات يبقى خليها بعد الامتحانات لان اى عربية مستعملة اول لما تجيبها بتبقى عايزة شويه تظبيتات وده هاياخد منك وقت انت محتاجة
وبعدين فى ناس هنا فى المنتدى بتعرض لادا كتير
وربنا يوفقك فى الامتحانان وشراء العربية
الأستاذ engaass كلامه سليم .... دا انته حتى لو هتجيب زيرو هتاخد من وقتك كتيييير .... اصبر علشان تجيب حاجة كويسه و بالش استعجال والله الموفق
بجد انا متشكر ليكو يا جماعه النصائح الغاليه
وده ان دل فيدل على اننا عائله واحده (عائله نايل موتورز )
ربنا يبارك فيكو
وان شاء الله لو شفت حاجه قدامى قدرا ها اقولكو على طول
اخوكم ابراهيم
يا مسهل الامور يا رب