ثبات الاوبترا بعد ال 120 على الهاى واى ( عين السخنة )

**hanyathlon** · 18-04-2008 02:03 AM

ارجو ان يتم الرد من اصحاب الاوبترا او الاوبتراويين ...
على ثبات الاوبترا على طرق السفر فى السرعات العالية بعد ال120
و هل لما تيجى شوية هوا او لما عربية تعدى بسرعة من جنبك وانت مسافر العربية بتعوم منك
و بتكلبش فى الدركسيون ولا دة بيحصل فى السرعات اللى بعد ال 140

انا حجزت هوندا سيتى و بعد محجزت ناس كتيير بتقولى ان برغم انها عربية نعمة و حلوة بس
بيقولولى ثباتها مش قد كدة
فشكلى كدة هسحب مقدم الحجز و هحوطو فى اوبترا ما نوال .. و الاوبترا طبعا زى ما احنا عارفين انها
عربية كبيرة و تقيلة و اكيد التقل و الكبر هيساعد فى الثبات ..

دلوقتى عاوزين نسأل على الثبات الاوبترا بعد ال 120 بدون مبالغة و بكل صراحة
والسرعة على 140 فى المنعطفات اية نظامها و المناورة و الكلام دة
والباور بتاعها هل خفيف و تقيل شوية زى العربيات الفرنساوى ولا ناعم زى اليابانى

ياريت يكون هنا مرجع لكل اللى عاوزين يطمنوو على ثبات الاوبترا فى المنحنيات و خصوصا خصوصا
السفر .. و التجربة فى طرق مفتوحة مثل السخنة او مارينا :D:D:D الواحد عاوز يصيف بقى
و يروح ويجى فى 30 ساعة :p:p

**mina_ramsis** · 18-04-2008 12:30 PM

بص يا سيدى بالنسبة للثبات فهو ممتاز حتى ال 160 مجربتش اعلى من كده اما بخصوص المنحنيات فهو ممتاز برده حتى 140 و برده ماجربتش اعلى من كده فى المنحنيات
بخصوص الباور اعتقد هيبقى اتقل حاجة بسيطة من الكرولا
و زى ما حضرتك قولت ان العربية تقيلة فوزنها 1230 كيلو للمانيوال
اى استفسار انا فى الخدمة

**hanyathlon** · 18-04-2008 06:25 PM

ياسلام طمنطنى .. الحمد الله
الثبات كدة حلو .. مبيبقاش فى اى تعويم ولا صوت هوا داخل العربية و لا حاجة

**aif** · 18-04-2008 06:49 PM

انا جربت الملفات بتاعت طريق السخنة الجديد علي 150 كانت تمام
انا عمري ما مشيت بالسرعة دي لكن كنت باجربها
العربية في السرعات ثابتة جدا ... واحد صاحبي كان راكب جنب واحد صاحبه مشي بيها 190 وكان مبسوط بيها جدا ... لدرجة انه بيقولي انا لما ابيع الكورولا ح اجيب اوبترا
عموما انا باجهز لموضوع تقييمي بالصور لكن يمكن اكملة بعد اسبوعين عشان مشغول شوية
مبدأيا الملاحظات اللي عليها بسيطة جدا ...
مثلا .. صوت الموتور .. هو مش عالي .. لكن مسموع ... يعني مش زي الكورولا ... لكن انا عاجبني
مثال آخر : مافيش زرار تفتح منه السنتر لوك ... لزم تفتحة من سقاطة باب السائق ... او من الريموت لو كنت مش مشغل العربية .
اعتقد ان دي حاجات بسيطة
وعموما هي بتحقق معادلة صعبة ... وهي انها عالية عن الارض مش بتحك في المطبات ... وفي نفس الوقت ثابتة ... وبرضه هي من اوسع العربيات في فئاتها من الداخل

العربية حلوه باسم الله ماشاء الله

**aif** · 18-04-2008 07:00 PM

المشاركة الأصلية كتبت بواسطة hanyathlon

طيب تمام اوى .. مبتحسش ان الدريكسيون بيخف فى ايدك لما بتكون على 150
و لا الدريكسيون بيبقى تقيل ....
طيب و الله تمام طنطونى اوى ....
طيب ندى مقارنة مثلا لو انتو فى مكانى تجيبوا اوبترا ولا كيا سيراتو

والله انا ما سوقتش السيراتو ... لكن المقارنة اعتقد انها ح تكون متوازنة
لكن اللي خلاني اجيب اوبترا ان وكيلها احسن ... واعتقد ان مشكلة الوكيل اتحلت خلاص .. وسعر اعادة بيعها افضل من السيراتو لعدم انتشار السيراتو
لكن السيراتو برضه فيها مميزات ممكن تشوفها في منتدي الكيا
منها الضمان اكتر .. اعتقد
وكمالياتها ممكن تكون اكتر
بس مش متأكد من الكلام ده
اما بخصوص الدريكسيون .. اعتقد ان اي دركسيون لازم يخف مع السرعة لكن بشكل مقبول

**aif** · 18-04-2008 07:08 PM

المشاركة الأصلية كتبت بواسطة hanyathlon

خلاص انت اقنعتنى اوى كدة يا أ/ احمد :]
انا اصلى سحبت المقدم الحجز اللى كنت دفعووا فى السيتى و هروح اجيب الاوبترا إن شاء الله .
و إن شاء الله لو احتجت حاجة هسألك على طول

تحت امرك ومبروك مقدما