شكرا على ردودكم بس اخر سؤال معلش
هل لو انا لعبت فى حاجه فى الكهربا زى مثلا وحده رفع او انذار او كاسيت او اى حاجه بتلغى الضمان على الكهربا بس ولا على كل العربيه؟
عرض للطباعة
شكرا على ردودكم بس اخر سؤال معلش
هل لو انا لعبت فى حاجه فى الكهربا زى مثلا وحده رفع او انذار او كاسيت او اى حاجه بتلغى الضمان على الكهربا بس ولا على كل العربيه؟
على الكهربا بس يا صديقي لا تقلق
انا مركب سنتر وانذار على فكرة وكدة كهربة عربيتي برا الضمان بس باقي العربية في الضمان عادي من ميكانيكا وآلات جر وما شابه !
شكرا يا باشا انا كده هعمل اللى انا عايزه فى الكهربا لأن انا شايف ان الكهربا غالبا مفهاش مشاكل و لو فيها مشاكل بتكون مش مكلفه اوى فا مش مستاهله ضمان
شكرا لكل ردودكم
السلام عليكم
تجربتي الشخصيه بتقول أن فيه حاجات بسيطه مبتطلعش من الضمان
و منها وحدة الرفع تم تركيبها و بعدها بفترات تم تغيير أكتر من قطعه كهربيه و غيرها دون أعتراض المهندس هناك
أهم حاجه اللي يركب حاجه في عربيته تركب علي نضافه و متبقاش متسببه في مشاكل
بالنسبه لموضوع وحدة الرفع فالضمان بيرفض اي تعديل في الكهربا وبالخص العربيات اللي الضفيرة بتاعتها متقفله بره مصر وصدقني موضوع انك تنفض للضمان ده بلاش منه انا لسه مغير مروحه تبريد في الضمان تمنها 2040 جنيه بس ربنا ستر واتغيرت ببلاش عشان انا بعمل كل صياناتي مع العلم ان المروحه تبع الكهربة .....
بصراحة في مركز صيانة معتمد بعمل كل صياناتي فيه
لما كلمت المهندس علي الانذار والرفع
قالي اقدر اركبلك وحدات الرفع عادي وجوة الضمان
انذار بلاش علشان هاتخرج برة الضمان
مركز الصيانة دا في طنطا مش غبور