الار بي ام عاااااالي يا اوبتراويه

**modi7610** · 26-04-2011 11:57 PM

السلام عليكم يا جماعه انا بصراحه اول مرة اكتب موضوع هنا... المهم مش هاطول عليكم...
دلوقتي انا محتاج حد يديني رد اخير في موضوع الار بي ام انا الاوبترا اللي معايا 2007
وبجيب ال100 والار بي ام بيبقى على 3 وشوية ولو وصلت لل120 بيوصل 4 ...
وطبعا لما بركب اي عربيه مع اي حد بتبقى عيني عل الموضوع ده وبحس انه مش كده يعني 120 كان عل 3 في هيونداي النترا 2007 برضه ... طب ايه بقى حد يقولي وياريت لو المشكلة ليها حل حد يوقوله... واسف عل التطويل

**hpxp** · 27-04-2011 01:16 AM

بص يا زعيم الاوبترا اربع تروس (نقلات) فطبيعي يبقي الrpm عالي انا علي 140 بحس ن الموتوv معايا في الكبينه + الrpm علي 4 وحبه
عموما شوف بوجيهاتك -فلاترك -زيتك -سلاطاتك :-) وهكذا يعني بص عموما الي فيدك في الموضوع دا عمدتنا الكبير ا/ ايمن aymanmaly

**modi7610** · 27-04-2011 09:50 AM

ياباشا تسلم عل ردك وذوقك... وبالنسبة للفلاتر والزيوت والحاجات دي انا ماشي زي ما الكتاب بيقول ويمكن اكتر ... دنا بغير الزيت عل 2500 وكل مرة بيغير معاه الفلتر.... ومش هاتصدق لو قلتلك انا عامل 38 الف كيلو بس .... يعني اطمن ولا فيه حاجه ممكن اعملها تقلل الموضوع ده

**HeMa_LanCeR** · 27-04-2011 11:24 AM

العربيه اوتو ولا منوال ؟؟
لأن انا اوتو وفي ال 120 مش بتحصل 3 ار بي ام

**aymanmaly** · 27-04-2011 12:30 PM

ممكن تجرب الاتى ؟
اوصل 120 كم و شيل رجلك من على البنزين و بعد كدة اضغط على الدواسة بتاعة البنزين بالراحة يعنى مش مرة واحدة و بعد كدة شوف ال rpm هايديك كام ( المهم ما تخليش السرعة من شيل رجليك لحطها تانى تنزل عن 100 كم )
و بلغنا و ان شاء الله بسيطة

**Usama Nagi** · 27-04-2011 09:46 PM

مفروض الألر بي ام عالي كده اتأكد ان زرار الهولد مش شغال "اللي جنب الفتيس" و لمبة Hold الصفراء مش منورة في التابلوة

انا بجيب ال100 علي 3 و حاجة علي التالت او 2 علي الرابع
ولما بوصل ل 150 بيكون علي الرابع و بيكون الأربي ام علي 3.75 تقريبا

**modi7610** · 28-04-2011 01:49 AM

معلش لو كنت اتاخرت في الرد .... اولا انا مانوال ....
وهجرب الموضوع بتاعك ده يا ايمن باشا وارد عليك.....
وشكرا يا جماعه عل الردود

**modi7610** · 29-04-2011 12:56 AM

تمام ياباشا ... انا جبت ال120 وشلت رجلي زي منتا قلت ورجعتها تاني قبل ال100 واحده واحده .... ولاقيت الار بي ام 3 ونص .... بس فيه حاجه انا لما حبيت اطلع شوية لل130 لاقيته طلع ل 4 الا حجات بسيطة اوي ... مش عارف ده ليه ؟؟؟؟ ومعلش انا دوشتكم بموضوعي ده

**modi7610** · 29-04-2011 12:59 AM

على فكر ة الطريق اللي كنت ماشي عليه كان منيا القمح يا hpxp
من ناحية الزقازيق ... بس طبعا مش كملت للاخر لحد اول u turn

**aymanmaly** · 29-04-2011 01:10 AM

كدة طبيعى على المانيوال
اخر حاجة غير فلتر الهواء بواحد جديد مش تنفخ القديم غيرة تماما
و حط منظف دورة بنزين كاملة ان شاء الله تتحسن اكثر
وابقى طمنى
و بالتوفيق

الموضوع: الار بي ام عاااااالي يا اوبتراويه

LinkBack

أدوات الموضوع

عرض

-

-

-

-

-

المواضيع المتشابهه

انا و الار بى ام

الار بى ام

الار بي ام

الف مبروك يا اوبتراويه على القسم الجديد ... وشكر خاص للاداره وكريم منير

إستفسارات اوبتراويه (بعد اول الف)

الكلمات الدلالية لهذا الموضوع

المفضلات

المفضلات

ضوابط المشاركة