-
سؤال مهم جدا ساعدوني
عربيتي شاهين 1600 سي سي موديل 2006 عامله 35000 كيلو , النهرده ركب معايا 5 اشخاص غيري في العربية , فوجئت ان العربية سحبها ضعيف جدا جدا جدا وتقيله بطريقه فظيعه , في حين انهم ركبوا معايا قبل كده كذا مرة ومكنتش بحس بتقل زي كده ابدا , والموضوع ده قالقني جدا جدا , مع العلم اني لسه مغير بوجيهات بس الميكانيكي اللى ركبهم ضبطهم على 70 جزء من الملم وكان سحبها قوي , مع ان في الكتالوج بتاع العربية مكتوب انهم المفروض يبقوا من85-95 ورجعتلوا تاني جيلته عملهم زي ماكانو جايين 80 جزء , بس حسيت ان سحب العربية ضعف فرحتله تاني قالي يمكن سلوك البوجيهات باظت.
فكنت عايز عارف هو ايه اللى ممكن يكون حصل في الموتور خلاه ضعف كده؟؟؟
هل مثلا اسطوانه الدبرياج لو ضعفت تعمل كده ولا تخلي الموتور صوته يعلى من غير ما تسحب بس؟؟؟
ولا فعلا سلوك الدبرياج باظت وايه اللى بيبوظها؟؟؟
-
فين المهندسين اللى هنا
محتاج الرد في اسرع وقت لاني يوم الاحد هروح التوكيل فعلشان بس ابقى فاهم مش يغيروا وخلاص
-
طبعا انت عربيتك انجكشن
1- هل فولت التنك من محطة معينة غير المحطة المعتادة بعدها حصل الموضوع ده لو نعم غير البنزينة
2- هات منظف رشاشات
3- لو فلتر البنزين متغيرش من فترة غيره
4- لو فلتر الهواء قديم غيره
5- اتاكد ان البوجيهات مش مرطبة او مضروبة
-
فعلا اسطوانة الدبرياج بتعلى صوت العربية و اكيد بتقلل السحب لما العربية تكون محملة..و لكن ممكن يكون سبب تانى فى ظبطة الكهربا .. بس العربية حتكون مخنوقة سواء محملة او فاضية
-
انا قبلها فولت بنزين 95 من موبيل , بس قبلها محدش ركب معايا وحسيت كده , وبعدين العربية بس وقت الحموله بتبقى تقيله جدا , وانا من ساعة ما جبتها لا غيرت فلتر هوا ولا بنزين , وهي اديلها معايا سنتين وعامله 36000 كيلو , والبوجيهات جديده , بس الميكانيكي ضبطها على 0.70 جزء من الملم , ومكتوب في الكتالوج انها المفروض تبقى من 0.85 - 0.95 المل فرجعتله تاني خليته عملها 0.80 ملم بس
Content Relevant URLs by
vBSEO 3.6.0 PL2