الموضوع: يلا نضحك شوية ...!!!

آه.......... الاحداث من حولنا اصبحت كئيبة جدا
يلا نضحك شوية


........................................*
بخيل اشترى خروف و اخدوا عند الجزار
وقالوا ... سيبلى نص الخروف
والنص الثاني قطعه كباب
والراس اسلخها أعمل عليها شوربة
والرجلين نظفها أعملها كوارع
والجلد متاخدوش هعمل منه سجاده
والكرشه والمصارين فوارغ و كرشات
والفضلات سماد للشجره
والعضم للكلب
طلع عليه الخروف وقالو :
ما تسجل صوتي عشان تعملو رنة لتليفونك يا روح ماما

................................................
مرة واحد بلديتنا لقي كنز قال: كويس فاضل الخريطة!!

............................................*
مدرس سأل طلاب: اللي يحس إنه غبي يوقف؟
وقف واحد فقاله المدرس: انت حاسس إنك غبي؟
قال:لا بس قلت عيب اخليك واقف لوحدك!

............................*
بلديتنا حران والتكييف بايظ ومفيش مروحة
راح واخد لبوس خافض للحرارة ونام

................................
مسطول بيعاكس واحدة جميلة جدا بيقولها علي فكرة انتي ربنا اداكي كل حاجه ماعدا حاجه واحده بصتلو وقالتلو ايه هي ... قالها رقم تليفوني

........................*
بلديتنا اشتغل سواق تاكس في الصين كل ماحد يشاورله يقوله يخرب بيتك انا لسه موصلك

............................*
تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا
الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية

............................
بلديتنا رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع

................................
اتنين كدابين وفشارين أوى
واحد بيقول للتاني : تصدق انا مولود من ايام ما كان قوس قزح أبيض و أسود
التاني قاله : طيب ما انا مولود من ايام ما كان البحر الميت لسه عيان

........................*
مرة واحد ماشى قابل واحد قال له سبحان الخالق الناطق مراتى بس الفرق الشنب قال له أنا مليش شنب قال له هى ليها

........................*
مرة واحد ركب تاكسي لقا ريحته معفنه
سأل السواق : هي العربية دي كم حصان ؟
قاله : 120 حصان
قاله: الظاهر ان واحد منهم ميت

........................*
مرة واحد غبي ومفلس ماشى فى الشارع قال يارب يااااارب احط ايدى في جيبى الاقى 10جنيه يااااارب،
حط ايده في جيبه لاقاه مخروم رجع يدور على الـ10 جنيه لتكون وقعت

....................................
مسطول قاعد مع صحابه قال لهم مش أنا طلع لى أسد امبارح
قالوا له وعملت ايه
قال لهم رميته بكوباية مية فى ايدى
رد واحد تانى قال لهم صح
أنا قابلنى نفس الأسد باضربه بالقلم لقيت وشه مبلول

....................................
واحد بيقول لصاحبة دخلت البيت إمبارح لقيت راجل مع مراتي دمي فار جريت ع المطبخ جبت سكينة
وشقيت لمونة وعملت عصير علشان اهدى اعصابي
صاحبه قاله :ماعملتش حاجة للراجل؟
قال: و أنا مالي ما يقوم يعمل لنفسه هو انا شغال عند اهله

................................*
واحد بيقول لصاحبه هو انا لو بوست اختك نبقي نسايب قاله لا نبقي خالصين

................................

مسطول بيقول لمسطول شايف الدكاتره وعمايلهم قالوا مالهم
قال له ياخويا بيحللوا البول ويحرموا الخمره

....................................
بلديتنا صوابعة مكسورة وملفوفة بجبس
سأل الدكتور : لو بقيت كويس وفكيت الجبس أقدر أعزف على البيانو ؟
قال الدكتور : طبعاً .. أكيد ..
.قال له : غريبة دى .. مع انى ماكنتش بعرف اعزف ..!!

............................

مرة واحد بيعدي الشارع مع صحابه خبطته عربية مات قعدوا يفكروا يقولوا لمراته ازاي ؟؟
اختاروا واحد منهم عشان يقول لمراته
فراح لها خبط فتحت له الباب
...قالها :جوزك ضيع فلوسه كلها على القمار
قالت له : إلهي ينشل البعيييد
...قال لها : و باع البيت
...قالت له : إلهي يبيعوا عنيه
قال لها : و اتجوز عليكي على فكرة
قالت له : إلهي يدخلوا عليا شايلينه
الراجل قال: بــــــــــــــــــــــــ ــــــس .. خشوا يا رجالة.

....................................*

واحد فرفور قابله واحد صايع ضربه وخد كل فلوسه راح الفرفور جابله كل زمايله الفرافير
وقاله شايف كل دول .... زعلانين منك ..!!!

................................*
بلديتنا جابو جرار من الصين عشان يعملوا بيه ارضهم بس ما عرفوش يستعملوه بعتوا رساله للصين قالولهم :ابعتولنا كتالوج الجرار
فالصينين ردوا عليهم قاللهم : ابعتولنا انتو واحد نعلموا هنا احسن
راح المحششين بعتوا واحد منهم اسموا مخيمر
وبعد فتره بعت الصينين رساله لبلديتنا كتبوا فيها:.
ابعتولنا كتالوج مخيمر

............................
الحمار راح للاسد وقاله غيرلي اسمي علشان الحيوانات بتقلى يا حمار فالاسد سماه سمكه، راح الحمار مشى فرحان راح القرد طلعله قاله ازيك يا حمار ,الحمار قاله ماتقليش يا حمار الاسد سماني سمكة، القرد:بتعرف تعوم يا سمكة ، الحمار:لأ، القرد:تبقى حمار

................................*

مذيع بيسأل بلديتنا: أحمد زويل اخد جايزة نوبل فى ايه؟؟
قال له فى علبة قطيفة حمرا

............................*

واحد عصبى حب واحده وقرر انه يصارحها بحبه
لقاها قدامه وفجأه شدها من ايديها وقالها بصي انا اول ما شفتك اعجبت بيكي
ولو انتي مش عميا اكيد لاحظتي
ولو مش غبيه اكيد انتبهتي
واذا كان عندك ذرة احساس اكيد حسيتي
...مش تقوليلي هفكر والكلام ده حالا هتقرري ومستني منك رد انك موافقه
وبعدين تفكري ليه وايه اللي مش هيعجبك فيا دا انا احسن منك ومن الف زيك يا معفنة
اساسا الحق مش عليكي الحق علي الحمار اللي جه يصارحك يالا غوري من وشي

يارب يكونوا عجبوكم ...

تاني تاني تاني ههههههههههههه