السلام عليكم
ممكن يا شباب نحاول نجمع اي تجارب و معلومات عن ال جيتز من حيث الأداء قطع الغيار الخ الخ
عرض للطباعة
السلام عليكم
ممكن يا شباب نحاول نجمع اي تجارب و معلومات عن ال جيتز من حيث الأداء قطع الغيار الخ الخ
انا كنت من عشاق الجيتز لكن ارتفاع سعرها بالنسبة لحجمها وارتفاع سعر قطع الغيار وقلة انتشارها فى السوق جعلنى اصرف نظر عنها ....لكن هى عموما سيارة جميلة وموتورها قوى
شكرا يا باشا
بجد انا محتار ياريت لو عندك تقييم من حيث الصيانه و أسعار بعض قطع الغيار و مدى توافرها خارخ التوكيل
كده كده انا مش ناوي ابيع قبل 3 سنين ف مش فارقه معايا بانسبه للبيع
بس كل القصه ان العربيه حتبقى معظم الوقت مع اختي و هي جديده ف السواقه عشان كده بدور على حاجه سهله ف الصيانه و سهله من حيث توافر الأكسسوار فوانيس ألخ
احنا عيله من 4 افراد
فكرت برده ف ماتريكس بس مستعمل.
انا افضل زيرو.
هشام باشا
ممكن نطلب منك انك تفتح موضوع لاسئله الجتتز زي الفيرنا و الماتركس و الالنترا
فكره كويسه
خالتى عندها جيتز مانيوال العربية ممتازة جدا جدا
عربية ناعمة و هادئة و قوية بطريقة مش طبيعية
انا لسة مجربتش سحبها بس شكلها كدة طيارة جدا
الخامات الداخلية انا شايفها كويسة و العزل كويس و التكييف مجربتوش غير 10 دقائق و كان قوى
موضوع اللمبه الزرقه اللى كنا اتكلمنا عليها قبل كده انا قولتلهم فى التوكبيل وجابو وحده عدادات من كوريا وطلعت برضه من غيرها وقالى ان هى الجديده 2008 نازله كده ايه رايكو
والله الجيتز عربيه تستحق الاعجاب و الاحترام
ممكن البعض لا ينظر لها ابدا كانها عربيه تستحق الاهتمام وذلك لعددت عوامل ممكن لانها كوريه الصنع و ارتفاع سعرها مقرانه بحجمها وزعم البعض عدم توفر قطع غيارها و انخفاض سعر اعاده البيع..
بعض النقاط صح و بعضها فيه ظلم لعربيه مثل الجيتز..صراحه هي عربيه لفئه معينه من الناس و هم الشباب و العوائل الصغيره..يعني في رأي هي تفي بكل احتيجات هذه الفئه لانها عربيه جامده من ناحيه المحرك مقارنه بالحجم و تستحمل و فعلا -عن تجربه - ابدا لا تخيب املك فيها..
صراحه انا افتخر اني اكون احد ملاكها و راضي عنها كل الرضى و لن تزعزع ابدا ثقتي بها..
تحياتي للجميع..
أنا معايا جتز دلوئتي أنا عامل بها ٥٠٠٠ كم والحمد لله كويسة معايا ومفش أي مشاكل ،وبالنسبة لموضع الصيانة وقطع الغيار أنا لسة مجربتهاش ،كمان أنا من رأيي أنها تنفع عربية عائلية ،مش معنى أنها hatchback يبأة هي صغيره من جوا
لو حد عايز اى استفسار فى الجيتز انا تحت امره
بس موضوع قطع الغيار الحمد لله لسه ما احتجتهاش
العربية على فكرة وسعها الداخلى ممتاز جدا جدا جدا جدا جدا
الجيتز موتورها ممتاز
الصوت فى الجيتز ممتاز بس مينفعش تعلى جامد لأن السماعات مش بتاعت تعلية و لكن صوتهم حلو جدا ( الكاسيت الى عند خالتى هيونداى اصلى ) و فية 4 سماعات فى ال 4 بيبان
اول ما حتشغل الكاسيت حتلاقى صوتة سئ جدا جدا بس ظبط الأعدادات و حيبقى ممتاز ( خلى البيز على 10 و التريبل على 10 و ال LOUD on و حيبقى 100 100
بالنسبة للعزل فا هو كويس جدا و لكن صوت الموتور عالى شوية ( لسة عاملين بيها تقريبا 400 كم و يقال ان بعدين صوتها بيهدى )
فعلن صوت الموتور بيكون عالي شوية ف أول ١٠٠٠ كم بس بعد كدة بيكون أقل بكتير
مظبوط
العزل جيد جدا و صوت الموتور حا يهدى جامد بعثد الالف
بالنسبه للكاسيت زى ما فهد قالك بالظبط بس انا عندى رودستار مش هيونداى و ظبط زى ما فهد قالك بس قلل البيز علشان سماعات الابواب ما تتوقعش منها صوت تحفه قوى لكن معقول
لاحظ ان السماعات عليها بلاستك مخرم " التجويف اللى بتتحط فيه السماعات" فعلشاان كده هتلاقى كمان التريبل او التويترات مكتومه شويه بس ماشى الحالى
و علشان توصل للقائمه تاعة التظبيط دوس على الزرار اللى فى النص بين الزراير بتاعة رفع و خفض الصوت حتلاقى
BAS ده خاص بالبيز
TRP ده خاص بال تريبل
fad خاص بتوزيع الصوت بين السماعات الاماميه والخلفيه frnt و rear
baln خاص باليمين و الشمال
و تحت امرك فى اى حاجه تانيه
و يارب اكون افدتك على قد ماقدر
شكرا طارق , فهد على الرد الوافي
ياريت ياشباب لو في اي حد عنده فكره عن الأكسسوار بتاعها موجود بره و لا لأ؟
لأن افتكر كان في زميل بيدور على فوانيس فوج كانو عاملين 500 جنيه
قلقان من الحاجات دي
على ما اعتقد ان الاتنين فى التوكيل ب 800 و مش فاكر وكام وقالى انو مش فى منهم اصلا
يكفى اننا نقول انها من افضل السيارات الكورية بصفه عامة والهيونداى بصفه خاصه فعلا لها كامل الاحترام ولكن فى حاجه انا لسه مجربتهاش على سرعات عاليه فا مش عارف ثباتها ايه نظامة ياريت لو حد يعرف يقولنا ويكلمنا عنها اكتر واعتقد هى معشوقه الشباب حاليا
انا عايز الاقى اى حد بيبيع قطع غيار جيتز 2006 و بالتحديد باب الشنطة....
يا ريت اللى يعرف يقولى