الكروز مزعلانى ومضايقانى وخنقااااااااااااااااااااا ااااااااااااااااااااااااا اااانى

**ahmed161075** · 27-04-2011 10:47 AM

انا زعلان من الكروز بتاعتى بسبب السحب انا جايب اول فئه اوتوماتيك
وعملت 1500 كيلو بس -- اللى مضايقنى فيها السحب من صفر الى حوالى 30 او 40 ضعيف جدا وكل العربيات بتعدينى عند المطب او بمعنى ادق بعد المطب الكل بيعدينى حتى المستعمل حتى اختى الصغيره الافيو ولو قرصت فى العربيه الار بى بيعلى وصوت العربيه بيعلى قوى بجد الموضوع ده مضايقنى جدااااااااااااااااااااااا اااااااااا العربيه كانها بتنعس منى بعد المطب - بتنعس بجد

ولكن الحق يقال سحبها بعد ال60 او السبعين جميل جدا وبحصل كل العربيات اللى عدتنى عند المطب
ولو حبيت ادوس دوسه جامده عشان العربيات ماتعدنيش بعد المطب العربيه بتخطف وبتنط منى - دا انا كنت مستنى اليوم اللى اجيب عربيه جديده واعدى كل الناس دى --يا فرحه ماتمت

انا مشعارف العيب منى وللا من العربيه
تانى حاجه فى حاجه بتخبط فى رجلى تحت الدريكسيون كل ما احرك رجلى ناحية الفرامل والبزنين مشعارف ايه هى دى وهى حاجه مش ناشفه قوى ومشثابته كده كانها علبه بلاستيك

**M.Elgergawy** · 27-04-2011 11:45 AM

إبن عمي اشتراها وباعها بسبب العيب دا

**memo823000** · 27-04-2011 04:44 PM

انا معايا افيو هاتش باك 2009 وكان عندى نفس العيب هو مشعيب
العربيه عندك تقيلة وماتور يعتبر ضعيف عليها المفروض كان يركب موتور احدث من كدا يعنى 120 حصان على الاقل وانت طالع
المهم انا عملت ايه
غيرت البوجيهات وركبت بوجيهات هيونداى الاصليه مقاس 16 ب 55 جنيه
جرب وادعيلى
هتلاقيها شراره على الطريق بلا بوجيهات اورديوم بلا بتاع وكمان استهلاك البنزين هيتظبط جدا
الحاجه التانية - العربية لسه جديدة يعنى لسه الموتور مفتحش بعد ميفتح الموضوع برده هيختلف
وحاول تنضف الرشاشات وتستعمل زيت شل ال 10000 مش اى نوع تانى

**ahmed161075** · 28-04-2011 12:13 AM

يا استاذ ميمو هل فيه خوف من موضوع البوجيهات ده وهل هيعمل مشله معتيت او التوكيل شاف ده

ويا ريت حد يدخل معانا فى النقاش فى حتة البوجيهات دى ومدى افادتها وضررها

**aymanmaly** · 28-04-2011 12:26 AM

يا فندم عربيتك فى الضمان
انصحك ما تلعبش فى العربية برة التوكيل علشان ماحدش يتلكك فى التوكيل و يلغوا الضمان
حضرتك روح فرع التجمع الخامس و ان شاء الله المشكلة تتحل
وهو الموضوع بسيط ان شاء اللة
بالتوفيق فى القرار السليم

**memo823000** · 28-04-2011 12:48 AM

المشاركة الأصلية كتبت بواسطة aymanmaly

يا فندم عربيتك فى الضمان
انصحك ما تلعبش فى العربية برة التوكيل علشان ماحدش يتلكك فى التوكيل و يلغوا الضمان
حضرتك روح فرع التجمع الخامس و ان شاء الله المشكلة تتحل
وهو الموضوع بسيط ان شاء الله
بالتوفيق فى القرار السليم

فى دى الاستاذ ايمن كلامه صح انا نسيت حكاية الضمان دى خالص
معلش اصل انا اصلا من ساعت مجبت العربيه مروحتش التوكيل غير مره واحده كنت عايز اظبط الزوايا كان فيه حدفه شمال
المهم دفعت حوالى 250 جنيه مع الصيانة وخرجت بالعربية حدفه يمين والطاره معوجه (وظبط الحدفه ب 20 جنيه بره) وبقت ماشاء الله مسطره ولحد دلوقتى الحمد لله.
من ساعتها معتبتش التوكيل تانى والحمد لله مفيش حاجه حصلت ومحتجتش الضمان بحاجه وبشترى قطع الغيار الاصلية من التوكيل و بعمل صياناتى بره
بالنسبه للبوجيهات اصل انا كنت مره بجيب حاجة صيانة ال 20 الف كيلو (الفلاتر والتيل والذى منه)وقلت اغير بوجيهات بالمره المهم لقيت البوجيهاتmade in china acdelco قولت لا دى اكيد سيئة جدا
المهم كلمت الميكانيكى بتاعى فقال تعالالى توكيل هيونداى ابو رواش منا كنت جنبه فى فرع الصحراوى
دخلنى جوه صالة الصيانه نفسها مع العربيات والصالة ماشاء الله وهو تيم ليدر ابن لزينه وجبلى بوجيهات نيو اكسنت مقاس 16
وقالى ركب وادعيلى وفعلا
العربيه ماشاء الله روعه
واقسم بالله تاثير التكييف خف جدا ولا كانى مشغله
واستهلاك البنزين اتظبط جدا جدا
فانا بقولك تجربتى بس طبعا عشان انا بعت عن الضمان خالص

وربنا يوفقك للفيه الخير

**hmada9009_99** · 28-04-2011 02:02 AM

المشكله في موتور العربيه ضعيف عليها ومش عارف ليه ماسكين في الموتور ده

**harood** · 30-04-2011 07:51 AM

.................................................. .................................................. ........
السيد العضو
ممنوع كتابة العربية بالاحرف الاجنبية
برجاء مراجعة قوانين المنتدى
سوف نكتفى بالتحذير فقط
مشرف 20ب