عايز مقارنة تشمل كل حاجة فى العربيتين انهى احسن ثبات وكدة يعنى كل حاجة
عايز مقارنة تشمل كل حاجة فى العربيتين انهى احسن ثبات وكدة يعنى كل حاجة
الاثنين يعتبروا وجهان لعمله واحده...
نفس الموتور و الجيربوكس و الشاسيه و الكماليات (معظمها) و الأبعاد (متقاربه جداا)...
الفرق في الشكل الداخلي و الخارجي و التوكيل و الأهم من كل ده حاجتين...
1- نظام التعليق الخلفي... في السيراتو مالتي لينك, في الالنترا مقصات
2- الصاج... في السيراتو الصاج بشهادة ناس كتيير امتن و اقوى من الالنترا...
رأي الشخصي المتواضع... السيراتو الشكل القديم أفضل من الالنترا (الفرق مش كبير)
و مش علشان العربيه معايا والله... لكن ده رأي فعلاً حتى لو معايا عربيه تانيه
يا رب اكون قدرت افيدك... و ربنــا يوفقــك للخيــر
تقبــل تحيــاتي...
بصراحه يا جماعه أنا شايف إن كل إصدارات كيا القديمة قبل ماتنزل السيراتو و الريو و الكارينز الشكل الجديد ... كل الإصدارات القديمة دي .. بجد هي أفضل ما أنتجته كوريا حتى الآن .. و كإنها شركة تانية .. يعني لو شوفت و سوقت الكيا سيفيا و شوما أو ريو و سيراتو و كارينز الشكل القديم .. هتنبهر و فعلا ماكانوش أبدا اقل من الياباني بالفرق الملحوظ اللي بنشوفه دلوقتي .. كيا بدأت من 2009 تقريبا كده تفكر في إزاي تبيع و خلاص ، مش مهم ننتج عربيات لكن المهم نبييييييييييييييييييييع أيا كان المنتج اللي هنبيعه ده هنسميه إيه ..زي هيونداي كده ... بقى مش مهم العربية المهم الاوبشنز .. و في الآخر بعد ماتشتري العربية هاي لاين الإصدارات الحديثة من الكيا أو الهيونداي أو حتى والله الشيفروليه لما بقى كوري تحس إنك اشتريت كاسيت و تكيف و فتحتة سقف و شكل شيك و فخم ، لكن المفاجأة .. إنك نسيت تشري عربية أصلا !!!!!
أنا بحترم الإصدارات القديمه من الكيا جدا .. هي بصراحه مازالت كوري .. لكنها أرقى ما أنتج من الكوري ... و على فكره برضه الهيونداي إلنترا الشكل القديم عندي أحسن بكتير من الشكل الجديد .. و اللي جرب و ساق هيعرف الفرق الشاسع في الثبات و الأمان.
رأيي الشخصي ....... سيراتو الشكل القديم أفضل.
الاتنين واحد تقريبا ولكن يوجد اختلاف بسيط كما ذكر المهندس غازي وده لصالح الكيا واضيف كمان الثبات افضل نسبيا للسيراتو ولكن ما يميز الالنترا هو توفر قطع غيارها بشكل اكبر ورخصها نسبيا عن السيراتو