نيو .. لوك و أشياء أخرى

ايه رأيك فى موضوع النيولوك ؟؟ جربت فعلا تعمل نيولوك قبل كدا ؟ أو بتفكر تعمل نيولوك ؟ :shine[1]:

و ايه نوعه .. يعنى هو نوع من التغيير فى المظهر الخارجى فى بنية الجسم زى الـ ( body building ) مثلا :unhappy:

أو تغيير فى ستايل و طريقة اللبس و الموضة أو لون الشعر و العنين :rolleyes:

وهل ممكن يوصل لتغيير فى خلق الله كعمليات التجميل ؟؟!!!

ايه مدى تفاعلك و تقبلك للتغيير من هذا النوع ؟؟ وهل من السهل تحقيق هذا التغيير ؟؟ :coolio:

و يا ترى ليه الناس بتحب تعمل نيولوك ؟؟ حبا فى التغيير والتجديد أم إرضاء للغير ( أو طرف آخر بعينه :B4_007: ) ؟؟

أكيد هذا التغيير له مميزات عدة و له أيضا عيوب إذا أسيئ استخدامه !!! لذلك أحب أسمع رأيكم ووجهة نظركم

طيب كل اللى فات تغيير خارجى لو أتكلمنا عن التغيير الجوهرى أو الداخلى بقى زى تغيير الأفكار والإقلاع عن العادات السيئة

أو تدريب النفس على أخلاق و عادات كويسة :ok:

أو أسلوب حياة جديد و أهتمامات جديدة زى ممارسة الرياضة و تخصيص وقت للقرأة فى مجالات مختلفة :coffee2:

أوحفظ القرآن الكريم و تخصيص وقت للهوايات عموما :nopity: والأنشطة الاجتماعية والترفيهية أودراسة جديدة :3_3_102[1]:...

يا ترى بتشوف التغيير الإنسانى من النوع دا ممكن أم مستحيل و هل هو فعلا أصعب من التغيير فى المظهر ؟؟

أم إن الإرادة للتغيير سواء كان خارجى أو داخلى هى اللى بتحكم ؟؟ :knight:

طيب عموما هل أنت مرن و متقبل لفكرة التغيير و إيه حدودك لهذا التغيير ؟؟ يعنى ممكن تنقلب رأسا على عقب :goofy: ؟؟

أم أن هناك ثوابت معينة لا يمكن تغييرها و آخرى قابلة للتغيير ؟؟ :question2:

اصعب حاجه في الدنيا

تغيير الطباع الشخصيه

شيء مرهق جدا

انا كنت عصبي فحت ردم

كنت لما حد يبصلي بصه مش عجباني اروح متخانق معاه

كل مره انزل بالعربيه لازم اعمل خناقه

مش عارف ليه

بقالي 6 سنين بحاول اتخلص م العصبيه والحمد لله بدأت اهو

شيء مرهق نفسيا وجسمانيا

موضوع الهوايات بقي ماليش فيها

الطب موتني وموت كل حاجه فيا :)

بس القرأن يوم او يومين ابدأ واقعد 10 ايام بعديها وهكذا الي ان افلح ان شاء الله

بالنسبه للمنظر الخارجي بقي ميفرقش معايا ببصله طالما في الطبيعي

مبقاش مبهدل او عايش في دور الشياكه قوي

واللي عايز يقبل يقبل واللي مش عايز يروح يبني حيطه ويخبط دماغه فيها :)

حتي اللي بالي بالك اللي هو مش موجود دلوقتي :)) بس بدور عليه هعهعهعهع

أول مره أشوف دكتور مفتري

تغيير الطباع شئ صعب جدا بس ممكن تحقيقه لو اللي هتتغير علشانه يستاهل ... أما التغيير الخارجي فناس كتير عملته وبالوقت بيتحقق

اقتباس:

---

المشاركة الأصلية كتبت بواسطة cyborg_ift

أول مره أشوف دكتور مفتري

---

لا مفتري دي قليله :fun_broken:

بس الحمد لله ربنا هداني :M_yes[1]:

الواحد بياخد ذنوب وبيتعب اعصابه :_Alshmokh11:

:)

النيولوك مش معناه اني اغير في شكلي و طريقة لبسي و الموضة و الكلام دة

بس الواحد ساعات فعلاً بيحتاج يعمل نيولوك

بمعني تغيير و كسر رتم الحياة

سواء تغير في طريقة اسلوب الحياة ... تغير بسيط في طريقة اللبس ... او حتي تغيير الناس الي بتقضي الوقت معاهم

و دة بنسبة كبيرة جداً بيساعد علي علاج الاكتئاب و تغير المود عن تجربة

التغيير لازم يكون للأمام وليه هدف ويبقي علي منهج ساعة وساعة اللى علمهلنا النبي عليه الصلاة والسلام يعني ساعة في الطاعة وساعة في طاعة اقل منها في الثواب مش زي ما الناس فاهمة غلط ساعة قرأن وساعة اغاني او حتي اللبس شوية يلبس محترم وشوية يسقط البنطلون شوية تلبس اسدال وشوية تلبس بودي .

العلم بالتعلم والحلم بالتحلم
يعنى ممكن الواحد يغير نفسه وما يقولش انا طبعى كدا اصل ابويا عاودنى على كده ويقعد يبنى لنفسه قيود وهمية على التغيير

اللهم اهدنا الى نيو لوك يرضيك عنا

تغيير الطباع محتاج اقتناع اولا من الشخص ان اللى فيه ده مفروض يتغير ثم ارادة قوية ومحاولات مستمرة مهما فشل وبينجح عادى موسوعة الحديث - عرض الكتب - إسلام ويب


طبعا فيه ثوابت لا يمكن تتغير المتعلقة بالتربية الدينية والأخلاقية لكن اى حاجة تانية مفروض تكون مرنة لكن اللى حاصل ان كل واحد دماغه عاجبه ومش بيرضى يقتنع برأى مخالف ليه

الأسئلة كتيييييييير قوى يا زينة والله بنسى وبطلع اغش من فوق تانى

شوفى يا ستى النيولوك فى الشكل بقى طبعا تغيير خلق الله ده مستحيل"ولأضلنهم ولأمنينهم ولامرنهم فليبتكن آذان الأنعام ولآمرنهم فليغيرن خلق الله ومن يتخذ الشيطان وليا من دون الله فقد خسر خسرانا مبينا "

لكن التجديد سواء لراحة الشخص النفسية او ليسعد شريك حياته كويس جدا
يعنى لو بتلبس نظا رة مثلا تلبس عدسات فى البيت المهم متلبسش عدسات حمرا : )

تغيير لون شعرها لو بدأ يطقطق : ) بغير السواد مثلا واكيد ده ليهم هما الأتنين بس هى بتهتم اكتر لو موجود شريك للحياة
حاجات كده يعنى
وسهولة التغيير ده تتوقف على طبيعة الشخص يعنى فى ناس شعرها طويل متتخيلش نفسها انه قصير او العكس فمتقدرش تغير التسريحة اللى اتعودت عليها مثلا

واعتقد الناس بتحب كده ده تبع التغيير فى اى حاجة لأن الأنسان بطبيعته ملول

التغيير شىء مهم جدا بغض النظر عن موضوع النيولوك ولكن للتغيير لازم يكون للأحسن طالما تغيير داخلى
لكن الخارجى مبيفرقش كتير
بمعنى انا مثلا نفسى البس كاجوال يعنى جينز وتيشرتات لكن للأسف اتعودت على الكلاسيك لدرجة انى مبقتش اعرف البس غيره
بفكر مثلا اعمل ليزك وابطل البس كعب الكباية
بفكر اولع فى الكرافتات الى عندى وابطل البس كرافتات تانى
لكن التغيير الداخلى مهم جدا
تخيلى من عصبى جدا الى بارد جدا ودة كان بسبب شغلى الى بيحتم عليا انى اتعامل مع كل انواع البشر واسيطر عليهم واقودهم
من انسان مستهتر الى انسان محافظ
من انسان متسرع الى ان انسان يحتكم الى العقل فى كل شىء
انتى عارفة بقة الجواز والأولاد بيخلوا الأنسان يتغير واخير " انك لا تهدى من احببت ولكن الله يهدى من يشاء "

التغيير لابد منه خلال فترات حياة الانسان
لكسر الروتين والملل والزهق وكمان لان التفكير نفسه بيتغير خلال المراحل العمرية المختلفة
انا بحب اغير من شكلى كل فترة او من طريقة اللبس
لكسر الملل والروتين ولكن فى حدود الادب والدين
وكمان بحاول انى اغير من طبعى فى حجات كتير جدا من سئ لاحسن
زى مثلا انا كنت انطوائى و كلامى قليل جدا مع الناس يكاد يكون معدوم
لما اشتغلت وبحكم شغلى انه لازم يكون فى كلام ورغى وخصوصا مع الجنس الاخر
حاولت انى اغير من نفسى وابدا اتقلم مع الوضع الجديد والحمد لله الواحد فى تقدم مستمر
بس فعلا تغيير الطبع بيبقى صعب جدا
خصوصا مع لو ان الواحد متاقلم مع طبعه القديم
ومقتنع بيه وانه اضطر انه يغير الطبع دة علشان يمشى حياته

فكره روعه و من هنا بضم صوتي لصوتكم و بقول لازم من هنا نعمل حمله منظمه للتغيير