عاوز اروح برج القاهره و مش عارف الطريق ازااااااااى
عاوز اعرف الطريق سواء بعربيه او مواصلات و انا هختار الاسهل
و اقرب محطه مترو ايه ؟
الطريق لو بعربيه فانا هطلع الدائرى من عند مسطرد عاوز الطريق بدايه من المنطقه دى
عرض للطباعة
عاوز اروح برج القاهره و مش عارف الطريق ازااااااااى
عاوز اعرف الطريق سواء بعربيه او مواصلات و انا هختار الاسهل
و اقرب محطه مترو ايه ؟
الطريق لو بعربيه فانا هطلع الدائرى من عند مسطرد عاوز الطريق بدايه من المنطقه دى
اقرب مترو الاوبرا بس هتمشى شويه
التحرير افضل لو هتاخد تاكسى
بالعربيه هتمشى على الكورنيش فى اتجاه التحرير و تاخد كوبرى قصر النيل و تخش فى اخره يمين ... تانى شارع شمال هتلاقى البرج بعد 200 متر على شمالك
شكرا لحضرتك
بس ليا سؤال لو حضرتك روحت البرج قبل كده ؟
ايه المتعه اللى فى البرج ايه اللى ممكن اعمله هناك ليه الناس بتروح البرج
الدخول بكام ؟ مستوى الكافيهات هناك كام و اسعارها فى حدود كام ؟
المتعه فى الارتفاع و رؤية القاهره من فوق
مش فاكر الدخول بكام بس اللى فاكره انه غالى :)
الكافيتريا غاليه موت ... انا كنت بطلع اتفرج شويه و انزل ... الكلام ده من كذا سنه معرفش النطظام دلوقتى ايه
لما اللينك يتعملو paste بيبوظ
المهم التذكره ب 20 و الاكل ب 200 فوق و 100 تحت :)
http://shabab.ahram.org.eg/Inner.asp...y=20&issueid=6
الكلام الي في اللينك
طبعا فيه ناس كثيرة زارت البرج قبل التجديد .. لكنها أكيد ستفاجأ بالنظـافة الفائقة في شارع الدخول للبرج بعد التجديد ، لكن الخبر غير السار هو أن رسم دخول المصريين كان قبل التجديد 3 جنيهات ولكن الأن أصبح 20 جنيها للمصريين و 65 جنيهاً للأجانب ، وطبعاً هذه الزيادة هدفها تعويض تكاليف التجديد والتي وصلت لحوالي 15 مليون جنيه واستغرق سنتين ، حيث تم ترميم خرسانة البرج و تطوير المصعد المؤدي للبانوراما وتطوير المدخل و المطاعم العلوية واٍنشاء سلم للطوارئ وعمل اٍضـاءة خارجية بتكنولوجيا موفرة للطاقة مع اٍمكانية التحكم فيها .
عدد الزائرين اللي ستجده في البانوراما لن تتخيله .. ووقتها ستشعر أن كل الناس قررت فجأة تتفسح في البرج ، وهذا طبيعي لإن الجو فوق رائع في هذا الوقت من السنة .. و أعمل حسابك في كام جنيه فضة حتى تستطيع تشغيل المنظار اللي بيشتغل 30 ثانية لكل عملة فضية .. و طبعا مش هتلحق تتفرج على التلفزيون و الأهرامات و جاردن سيتي و النادي الأهلي و مبنى وزارة الخارجية و مصر كلها بجنيه واحد بس .
و لو كنت من محبي التصوير في البرج فسعر الصورة الفورية هناك 10 جنيهات .. ودي طبعا ليها أكثر من ميزة لأن العدسة المستخدمة في التصوير مطورة بشكل يجعل البرج واضحاً بشكل كامل في الصورة .
اذا شعرت بالجوع ستكون عندك 4 اختيارات حسب امكانياتك .. أرخصهم " فيلا الزمالك " المطعم الموجود أسفل البرج و " الـمينيمم تشارج " فيه 100 جنيه و تقدر تختار اللي انت عاوزه ، و ممكن تختار نظام الوجبة اللي هتكلفك 80 جنيهاً للفرد الواحد و هتكون شاملة " السلطة – الشوربة – الوجبة الرئيسية – الحلو "
و نفس الوجبة بتقدم في مطاعم الـ vip و المطعم الدوار بثمن 200 جنيه للفرد ، و تذكرة دخول 20 جنيهاً للمطعم ، أما لو حبيت تناولها في مطعم sky garden فستكلفك 120 جنيهاً