الموضوع: إربة الماية بتفور و بتنزل معظم الماية كل يوم ... مش عارف أعمل إية ؟؟

المشاركة الأصلية كتبت بواسطة MMamdouh

فيه حلجة بس احب اضيفها ان الدايو مبتحتاجش يتاخد منها هوا بالتطريقة التقليدية انما يكفى تسيب العربية دايرة لحد ما مراوح التبريت تشتغل و تبطل و بعدها تفتح غطاء القربة و تخلى الهوا الزيادة يخرق و تقفل الغطاء تانى و شكرا

MMamdouh

شكرا يا اخ ممدوح على المساعدة

إن شاء الله بكرة هانزل للتوكيل و هاغير غطا القربة و أظبط الهوا :o

المشاركة الأصلية كتبت بواسطة ahmedezzat78

الف مبروك يا محمد

انا برضو لسه ربنا رازقنى بولد وده سبب اختفائى لفترة و كنت متردد بين يوسف و عمر ............... بس حكم القوى بقى سميناه عمر ههههههههه

يتربى فى عزك و يكون ولد صالح ان شاء الله

وربنا يقوينا على البامبرز :)

ألف مبروك يا أبو عــــــــمـــــــــر

المشاركة الأصلية كتبت بواسطة someone

حصلى الموضوع ده قبل كده وغيرت اكتر من 4 غطيان والمشكله فى ان الغطيان اصلا كلها مضروبه سواء ابو 10 او 15 او 20 و بلاش الغطاء اللى عليه علامه الدايو وبيتباع 10 او 15 جنيه لانه اوحش واحد فيهم
بس كمان اللى كان بيسرع عمليه ان الغطاء يبوز انى مكنتش باخد هواء بعد ما بغير الغطاء بكانت المروحه بتشتغل بمزاجها وبالتالى كانت الميه بستخن جدا لغايه لما الغطاء كمان يبوظ المهم عرفت حكايه انى اخد هواء ديه وهى مش مشكله والميكانيكى علمنى اعملها ازاى

وكمان لقيت الحل عند المنير بس لسه عشان الامانه مجربتهوش لقيت الحل فى انى جبت غطاء الاوبل اصلى رحت للمنير وقلتله عايز غطاء دايو الاصلى قالى مفيش اصلى فى غطاء اوبل اللمانى وده نظيف كان ب 20 جنيه ولقيت ناس عامله نفس الموضوع دة بعد ما غلبوا من حكايه الغطيان المضروبه وانا شايله معايا احطياطى

والاحتمال بتاع جوان وش السلندر دة كمان الميكانيكى قالهولى قالى لو موضوع تلف الغطاء دة اتكرر يبقى فعلا جوان وش السلندر
وربنا يسترها معاك ومعانا
مع انى لسه عندى مشكله ان الميه بتنقص عندى من غير سبب بس العربيه مش بتسخن

شكرا ياباشا على المساعدة

طيب الغطا بتاع الاوبل دة كويس ؟؟؟ جربتة إنت يعنى !!!

المشاركة الأصلية كتبت بواسطة MMamdouh

الف مبروك يا باشا و يتربى فى عزك

MMamdouh

ألف مبروك يا أبو يــــوســــف

طيب يا جماعه انا كمان عندي في مشكله في اربه الماء وهي انها بتنقص وبضطر ازودها ماء في حدود من 2 - 3 مرات في الاسبوع ده لو بخرج كل يوم طبعا بيها المهم
لما روحت للميكانكي قالي ان الاربه بتسرب من عند الخرطوم الي نازل منها فقولتله ايه الحل قالي تتغير ولما سالت عليها قالولي انت هتلاقيها في التوكيل بس ب 220 ج لانها ناقصه في الســــــــوق ولما روحت البنزينه علشان اغسل العربيه فغسلت الردياتير بالمره فقلولي تحب تحط ماء خضراء فقولتلهم مش هينفع لان عندي الاربه بتسرب ومش ليها لازمه فقلولي احنا ممكن نلحمها فهل اللحام ده ممكن ينفع ولا هيبقى حل مؤقت واللحام هيتفك تاني وكده علما بان انا مش بلاحظ اي ماء بيقع او اي تسرب وانا بحط الماء ولا اي بقعه ماء تحت العربيه لما بركنها والحمد لله الحرارة مش بتزيد فأرجو الافاده في الموضوع ده ؟؟؟!!! وشكرا

اولا شكرا يا استاذ محمد على سرعه ردك , طيب يعني كده الاربه مش محتاجه تتغير
وهل اللحام ممكن يستحمل حرارة الاربه والماء بداخلها خصوصا ان فيه ناس قالتلي ان اللحام ممكن يفك علشان الحرارة وكده وممكن بس حضرتك توضحلي ايه فوائد الماء الخضراء والفرق بينها وبين الماء العادي وشكرا