بطارية البونتو مقاسها غير موجود

**abadreamer** · 27-04-2011 02:01 PM

السلام عليكم، معايا فيات بونتو 2009 والحمد لله ماشية كويسعندي مشكلة إن البطارية بقت ضعيفة ومحتاج أغيرها، ولكن عندما ذهبت لشراء بطارية آخرى فوجئت أن البطاريات 44 أمبير الموجودة في السوق حجمها أكبر من العلبة المخصصة للبطارية، أنا سألت على الفارتا وايه سي ديلكو ونوع كوري أسمه solite.
محل البطاريات اقترح:
1- اسأل التوكيل (كلمتهم وموجودة وسعرها تقريبا 550 غير التركيب)
2- اشتري بطارية فارتا 44 اتحاد أوروبي مشكلتها اكبر في الابعاد و لازم أفك العلبة، سعر البطارية في حدود 320.
3- اركب بطارية التويوتا نفس الابعاد بس 40 أمبير مش 44 والقواشيط أصغر فلازم استعمل تخشيتة (سعرها 340)
رجاءا النصيحة، حاسس إن سعر التوكيل مبالغ فيه.

**ahmadmidop** · 27-04-2011 03:59 PM

انا معايا الباليو بردو وملقتش المقاس بردو وركبت واحدة اسديلكو 55 تقريبا بس المكان عندي سااعد ..... مش عارف بصراحة موضوع التوكيل دي حاجة ترجعلك

**abadreamer** · 27-04-2011 08:31 PM

شكرا على الرد، بس أنا كنت عايز اسأل إذا كان في مشكلة لو ركبت بطارية 40 امبير بدل ال 44 اللي عندي

**mrghost** · 27-04-2011 10:04 PM

عندى فى عربيه مدير الموقع برضه مقاسها صغير اوى (زى بتاعة التوكتوك ) ولاقيناها فى العاشر من رمضان وكانت فى حدود 300 او 400 جنيه مش فاكر بصراحه

**karimalaa** · 27-04-2011 11:51 PM

بلاش تركب أضعف....أنا ركبت 55 برضه في الباليو و نوعها Marchitelli ايطالي و كانت ب 360 تقريبا و المكان أخدها عاديو اتركبت و اتثبتت....معرفش موضوع ان المكان مش مكفّي عندك ده حله ايه...بس اللي أنا متأكد منه...بطارية أضعف لأ لأن العربية دي كلها من أولها لأخرها كهرباء فا تجيب أضعف دي لأ...

**Moe86** · 28-04-2011 05:12 AM

أنا ركبت نوع اسمه هانكوك عندى 45 أمبير و طلعت كبيرة, فقطعت الجزء البارز من القواعد بتاعتها بمنشار من غير ما أخرم البطارية, بس دة حل مش منطقى طبعا

**abdoumahros** · 28-04-2011 09:46 PM

السلام عليكم
انا برضه معايا بونتو كلاسيك 2009 ومن كام شهر غيرت البطاريه وقابلتني نفس المشكله
بس انا اشتريت ايه سي ديلكو طبعا هيا اكبر بس انا فتحت علبه البلاستيك بتاعت البطاريه ( فك الكلبسات من بعضها ) وحطيت قطعه كاوتش اسفل البطاريه وماشيه والحمد لله زي الفل وعلي فكره انا قابلت كام زميل برضه عملوا كده