الرجة بتزيد لما تزودي بنزين شوية ؟ ولا بتقل ؟
والعربية موديل كم ؟
عرض للطباعة
الرجة بتزيد لما تزودي بنزين شوية ؟ ولا بتقل ؟
والعربية موديل كم ؟
الرجة بتزيد فعلا لما أزود بنزين !!!
والعربية موديل 81
طلعت حاجة مفكوكة فى العفشة تحت الدواسة اليمين
و العفشجى غير مسمار و جمد على التانى و ربطهم كويس :):)
بس برضو مش عارفة تطلع ايه اللى ربطها دى ؟؟!!!
الفيات القديم كلة كدة لازم كل فترة تروحى للميكانيكى يربط العفشة و يربط قاعدة الفتيس .
السؤال أنتى لما بتطلعى على النقلة الاواى العربية بتتنخع منك ((( يعنى بترج شوية ))) دة ممكن بسبب أنك بترفعى رجلك من على الدبرياج بسرعة يعنى الطلعة مش مريحة و هادية
العفشة بتفك من المطبات فى الفيات
لا مش بتترج ولا حاجة و أنا بطلع على الأول ..
لكن ممكن و أنا بهدى من التالت للتانى لاحظت الحكاية دى مؤخرا العربية بتقفش كدا و بعدين تمشى تانى عادى
بالنسبة للمطبات هو المطب اللى أكلته يوم ما اشتريت العربية و كسر المساعد الشمال و المساعد الكداب
تلاقيها ملخلخة من يومها و زادت مع الوقت والمشى
بصي بقى يا ستي نصايح تعمليها ممكن تكون باينة انها سهلة بس ركزي فيهم
اولا تركزي مع عداد الكيلومتر وتغيري الزيت باستمرار واوعي تنسي
ثانيا تروحي لواحد بتاع رادياتير يغسلك الرادياتير غسلة حلوة ولو تحبي تحطي ميا خضرا فيا ريت بس متحطيهاش مركزة خليها خفيفة
ثالثا كل يوممين تلاتة كده تشغلي العربية الصبح وهي بتسخن كده بصي بصه على الرادياتير والمياه فيه اخبارها ايه
رابعا العجل كل اسبوع او عشر ايام بجوز جنيهات بصي على العجل علشان حيطول عمرها الافتراضي معاكي وحماية طبعا
الاهم بقى :: ساعات تبقي ماشية في الشارع ووراكي حد عمال يزمرلك جامد ويرعشلك عشام تتحركي وانتي شوفتي مطب ولا حفرة وقولتي اخذها بقى خلاص عشان ميقرفنيش اللي ورايا ده !! اوعي تعملي كده اللي وراكي ده عنده عربية فيها سسبنشن سيستم يخليه ياخد المطب عادي بس احنا لو لما ناخذ مطب العربية بتفتح بقها ولهذا ... خدي المطب بمنتهي الهدوء وسيبيه يزمر وعادي حيطلع هو منك وحيوقف جمبك ويبصلك ابقي اعملي نفسك بتتكلمي في التلفون او متبصيلهوش ههههههه
الله يسلمك و الحمد لله على كل شئ
اوك يا فندم ::: ألف شكر على النصايح الحلوة
أنا خايفة أغسل الرادياتير غسلة حلوة بمية نار الاقيه مليان خروم !!!
و حكاية المطب و التهدية دى حاضر مش هبصله خالص و هقفل الشباك و أعمل نفسى مش سامعة كمان هههههه :grin54: