صوت خشونه في موتور لانوس 1500 2 كامة
السلام عليكم
العيب :- صوت خشونه طالع من الموتور من عند منطقة السيور والصوت عبارة عن ششششششش بس مسموع جامد وكمان داخل جوه الصالون
محاولات الإصلاح :-
1- حطيت لحستين شحم على سير التكييف وسير الدينامو ومفيش نتيجه
2- فصلت سير التكييف وسير الدينامو وبرضه مفيش نتيجه
3- غيرت الكاتينة والبليتيين بس مغيرتش الطلمبة عشان كانت سليمة واتأكدت بنفسي انها سليمة ومش خشنة وبرضه مفيش فايد:_Alshmokh11:
ملاحظات :-
- لما فكيت السيور من على طمبورة الكرنك ودورت العربية وبصيت على الطمبورة سمعت الصوت طالع واضح من ورا الطمبورة مباشرة
- الصوت ده ظهر من بعد يوم المطر الجامد الى كلنا غرقنا فيه لآني مشيت في مستنقعات ميه كتير ومن بعدها الصوت ده ظهر ولسه لحد دلوقتي ما رحش
انا كده شاكك فى طلمبة الزيت لآنها هي الى راكبة ورا الطمبورة مباشرة .... رجاء الإفادة