ارجو المساعدة فتيس a 620

**aboomar22** · 27-04-2011 05:33 PM

ارجوكم ساعدونا صديقى معاه اسبرانزا 620 الفتيس الاتوماتيك فيه مشكلة وهى مو 2007 راح التوكيل قالوا رقم خايف اقوله لحسن اكون سمعت غلط المهم الاحسن نروح لبتاع فتيس اتوماتيك يصلحه ولا نجيب فتيس من الحرفين وهيكون موجود ولا وفتيس الجالنت ممكن يركب عليها واسعار الفتيس فى الحرفين حوالى كام وبتتباع عند مين او اى مكان غير الحرفين نرجوا مساعدتنا ولكم جزيل الشكر

**ALshahba** · 27-04-2011 10:48 PM

يايت توضح المشكله بالظبط
وماتركبش فتيس بديل لان فتيسها له مواصفات معينه.... لكن اعتقد ممكن يركب عليه فتيس الجالانت
وقول الاسعار او الارقام

**aboomar22** · 27-04-2011 10:57 PM

الف شكر لحضرتك بصراحة انا مش عارف ايه بالضبط المشكلة هو قالى انه حصل مشكلة فى الفتيس راح التوكيل قالوا يتكلف 23 الف معقول انا مش عارف ممكن ولا انا فهمت غلط فقالى اسالى فى المنتدى على الفتيس ممكن يتباع فين وبحوالى كام وشكرا لاهتمام حضرتك

**ALshahba** · 27-04-2011 11:11 PM

ياراجل انا فاكرهم قالولو ب 30الف !!
بص... ده برضو يعتبر كتير لانه اعتقد جديد لا يتعدي بتركيبه كامل حوالي 20الف
بس ماعتقدش خالص انك تعرف تجيب بديل زيه !!!! لانه فتيس يعمل بنظام الكتروني وفيه نظام "ستب ترونيك" ومن خبرتي المتواضعه ان تغيير الاوتوماتك باي بديل لا يعطي الكفائه المرجوه ويكون دائما فى الصيانه.... لكن بالمقارنه بفتيس الباسات اسمه dcs تكلفته كامل حوالي 60 الف .. طبعا لان سعر العربيه غالي
حاول تشوف المشكله فين واشرحهالنا هنا لو سمحت

**egypt0777** · 28-04-2011 12:12 AM

ده انت تجيب ماتور ب فتيسه ب 10 الف جنيه

للعلم هى ماتورها المتسوبيشى جلنت و اكيد فتيسها برده كده

اسال على كده وحتلقيه مستعمل ان شاء الله

**aboomar22** · 28-04-2011 12:13 AM

الف شكر لحضرتك ان شاء الله بكرة اقول لحضرتك على المشكلة وبعدين يا باشا اصل لنا لما ركبت اتوماتيك كانت هوندا سيفيك مو90 لما الفتيس باظ جبت واحد استيراد بالفين جنية فيعنى معلوماتى بقى متاخرة شوية ههههههه

**AMRSPEED** · 28-04-2011 05:23 AM

لالا لو كدا ياباشا تجيب ماتور بفتيس استيراد مش هيعدى ال 10000 وكمان ممكن يبقى اجمد من الماتور ده

**aboomar22** · 28-04-2011 02:54 PM

الف شكر لاهتمام حضرتكم المشكلة كانت العربية ترجه للخلف مارشدين يعنى لكن للامام لاتتحرك المهم واحد بتاع فتيس اتوماتيك جه شافها وقال دى مشكلة بلوف مش عارف يعنى ايه بلوف بصراحة وقال تتصلح ب 1500 جنيه ومعاها ضمان سنه يمكن ده يبقى حل مؤقت لحد مايشوف هيعمل ايه هو اساسا كان هيبعها بس لما ظهرت المشكلة دى رافض يبيع بعد التصليح لحسن اللى يخدها تعمل معاه مشكله ولا حاجة يبقى حرام

**ALshahba** · 28-04-2011 04:12 PM

الفتيس ده مافيهوش بلوف...ده نظام الكتروني
لكن لو المكانيكي ده واثق من كلامه , خليه يبدأ فيها وحيكون ارخص واحد وياريت يكون فعلا يعملها بكفائه وضمان
والحل التاني زي ما عمرو قالك ممكن تشتريلها موتور بفتيس كامل جديد...طبعا لو الحل الاول فشل