مرحلة وهاتعدي .. مافيش حاجة ببلاش..
بس انت اصبر ولما الناس دي تعمل معاك كدا احمد ربنا على اللي انت بقيت فيه وفكر في انك كنت ممكن تبقى زيهم لحد دلوقت بس ربنا كرمك ..
عرض للطباعة
مرحلة وهاتعدي .. مافيش حاجة ببلاش..
بس انت اصبر ولما الناس دي تعمل معاك كدا احمد ربنا على اللي انت بقيت فيه وفكر في انك كنت ممكن تبقى زيهم لحد دلوقت بس ربنا كرمك ..
أهم شيئ في هذا الطريق الصحبة الصالحة ادعو ربنا يرزقك الصحبة الصالحة و دور في اللي حواليك وربنا هيبعتلك اللي يعينك
إنت صح هم غلط
كل الحكاية إنهم بس عشان صحابك وواخدين عليك حبتين بيقفشوك
وهي فترة وهتعدي
ولو عايزهم يبطلوا خليهم يعرفه إنك جد شوية فالموضوع ده
يعني مثلا لو خارجين مع بعد أو حتى على الشط سيبهم وروح صلي الصالة في معادها عشان متضيعش عليك
ساعتها هيعرفوا إنك جد وهايبطله تريقة وساعتها برده هايبتدوا يبصوا لنفسهم
وفاكر كده لو التريقة دي جبت نتيجة واهملت الصلاة وشيوعية كده وواحد فيهم ربنا هداه والتزام أحسن منك دلوقتي هو الكسبان وإنت الخسران
ساعتها هتقوله إيه ؟ لأ بـطل صلاة عشان أنا بطلتها عشانك
الدين يخص كل واحد لوحده مش شركة ولا خروجة
وبمناسبة موضوع إنهم قريبين قوي قوي من قلبك دي أكيد مش أقرب ليك من ربنا ولا إيه ؟؟!!!!!
وافتكر دايما "لا يؤمن أحدكم حتى أكون أحب إليه من والده وولده والناس أجمعين"
"والذي نفسي بيده لا يؤمن احدكم حتى أكون احب إليه من نفسه وماله وولده والناس أجمعين "
ياابني هوا انتا مصر اسيح لنفسي ليه بس
اسمع ياخويا عشان تتعظ بس
جت عليا فتره في تانيه جامعه اتعرفت علي شباب في مسجد عندنا في الحي اللي ساكنين فيه
الشباب دول كانوا من جماعه التبليغ والدعوه
شباب كده زي العسل
ولا متشددين اوي ولا مقضينها
بنتقابل كل يوم بعد العشا ونقعد مع بعض نقرأ قرءان ونقرا حديث في كتاب رياض الصالحين وكده
المهم الفتره دي كانت في رمضان
وكنا شادين حيلنا اوي اوي اوي
وبصراحه كانت احلي ايام حياتي
لان كمان كان معايا بتاع 4 شباب في العماره قرايبي
مش عاوز اقولك بقي
قمه النشاط الايماني
وربينا لحيه مع بعض
وكنا بننزل نصلي الفجر سوا وكده
المهم بقي طبعا جو الجامعه انا حاكيلك عليه قبل كده
8 بنات و4 ولاد
مشفتش حد فيهم بيصلي علي ما اتذكر يعني
انا كنت قبل ما التزم الحمد لله بروح اصلي في الجامع بتاع الكليه
المهم جيت انا التحيت وابتديت اقصر بنطلوني وكده
ودول بقي اتقلبوا 180 درجه
من فاكهه الشله والواد اللي فيها لتريقه للصبح
وبقيت اتخنق اما اقعد معاهم
المهم مرت الايام وانا مكنش عدي علي التزامي كتير
وكنت ضعيف طبعا
المهم ياخويا اعلنوا عن قيام رحله لمدينه الاسكندريه
وانا بقي حسيت ان ده اختبار
من ربنا
يشوفني حقع ولا لا
وهما بقي ها ياواد ياصبحي
هات فلوس الرحله
قلت مش ححطلع
ايييييييييييييييييييييييي يييييييييييييييييييييه
وعلامات الدهشه والاستنكار تحيط بي
صبحي
مش حيطلع رحله
طبعا مكنش فيه حاجه اسمها مطلعش اصلا
المهم زعلوا مني
واتخنقوا
وانا راسي والف سيف مش طالع
دي كلها بنات ورقص ودي جي وانا مليش في الجو ده
اقنع فيهم مبيقتنعوش
وهما يحاولوا مفيش
المهم مرت الايام بصراحه وانا ابتدي المستوي الايماني بتاعي ينخفض
والشيطان يعمل الحاجات اللي انتا عارفها بقي
وياابني الجامعه والبنات وحتسيبهم لمين
المهم جت اتنيلت اكتر وكنت بساوي لحيتي والمكنه كلت حته منها كده وطلعت حته خفيفه وحته تقيله
المهم ساويتها كده ومبقاش باين اني ملتحي اوي
حته تامر حسني كده بس من غير شعر صدر
المهم قلت مش مشكله حتطول تاني
جيت قاعد في الجامعه بقي وخلاص فاضل يوم عالرحله
وانا قاعد لوحدي كده
ولقيتلك بنت قعدت جمبي
زميلتي في الكليه
وقالتلي انتا مش عاوز تطلع الرحله دي ليه
ولقيت في عينيها كده وانتا عارف بقي العينين :)
اني لو كلمتها حتتأثر ويمكن تسحب فلوسها
قلتلها مانتي عارفه اللي بيحصل وانا عارف اني مش حقدر امسك نفسي
وحقضيها رقص واستهبال وانا عاوز ابقي كويس والمعاصي والذنوب والخ الخ الخ
راحت قالتلي رد عمري ما حنساه
قالتلي
ده احنا رايحين بحر .....
اقولك
اطلع اتأمل في خلق الله وقدرته
ههههههههههههههههههههههههه ههههههههههههههههههههههههه هههه
انا سمعت كده ورحت قاييييييييييييييييييل
تيييييييييييييييييييييييي ييييييييييييييييييييييييي ييييييييييييييييييييييييي يييييييييييييييييييييييت
مضحكش عليك انا طلعت الرحله تاني يوم ودفعت الفلوس الصبح
ورجعت ريما لعادتها القديمه
ولحد دلوقتي مش عارفه ترجع تاني زي ما كانت
بس بجد اهم حاجه في الالتزام حاجتين اتعلمتهم كويس اوي
1- متاخدش الدنيا قفش عشان متزهقش لان الشيطان بيحاول معاك بكل الطرق ساعتها
اصلا حتلاقي بنات بتقرب منك كنت تتمني تمشي جمبها بس وابن التيت ده يلاقيك حتلتزم ولا حتي حتصلي
تلاقي ياخويا غاده غبد الرازق عاوزه تستلف كشكولك وليلي علوي عاوزاك تشرح لها حاجه ونعيمه الصغير حتموت وترتبط بيك
حاجات كده يعني ربنا يستر عليك ياابني
2- الصحبه اوعي تلتزم من غير ما يكون معاك حد لو لوحدك اكيد حتقع لازم الصحبه
وربنا يوفقك ان شاء الله ومتقلقش
حيتريقوا كتير وبعدين لما يلاقوك ثابت علي موقفك حيقولولك ياعم الشيخ ويسألوك في كل حاجه
انا عمتي فضلت تقولي احلق دقنك ياواد شكلك وحش
ولما حلقتها قالتلي ياسلاااااااااااام اهو كده
مش عارف دي لو موجوده ايام الرسول كان زمانها انتحرت من كتر الدقون اللي حتشوفها
والله الأهل دوول بيبقو اكبر مشكله وخصوصا في ظل النظام المحروق اللي خلي دقن يعني بهدله وامن دوله
انا فاكر مره ايام الكليه(الحاجه الوحيده اللي علمتني يعني ايه التزام) فضلت شهر ايام الامنتحانات ومروح البيت بقي دقني طويله وبيقولولي سايب دقنك طويله كده ليه قلت هربيها امي قالتلي بعد الشر