الموضوع: أستفسار عن عناوين محلات الكماليات الشهيرة للكيا

مفيش اسهل من على رضا :)) .. بص يا سيدى لو عارف اشرف فرغلى فين خلية على شمالك و افضل ماشى اكنك طالع على شارع الطيران هتلاقيه على يمينك قبل الطيران ب 200 متر مثلا :)) .. الجندى انا بردو دورت علية مش لاقية خالص .. فية محل اسمة speedo دا قدام السراج مول و فية فرع تانى بردو فى البطراوى اكنك داخل من عباس العقاد اول يمين يقابلك فى البطراوى خشة .. من عند محمصة عبود كدا هتلاقية عند التقاطع اول ماتخش الشارع :))

بس نصيحة انزل التوفيقية احسن .. ارخص و هتلاقى حاجات اكتر

المشاركة الأصلية كتبت بواسطة shod90

مفيش اسهل من على رضا :)) .. بص يا سيدى لو عارف اشرف فرغلى فين خلية على شمالك و افضل ماشى اكنك طالع على شارع الطيران هتلاقيه على يمينك قبل الطيران ب 200 متر مثلا :)) .. الجندى انا بردو دورت علية مش لاقية خالص .. فية محل اسمة speedo دا قدام السراج مول و فية فرع تانى بردو فى البطراوى اكنك داخل من عباس العقاد اول يمين يقابلك فى البطراوى خشة .. من عند محمصة عبود كدا هتلاقية عند التقاطع اول ماتخش الشارع :))

يعنى أنا أدخل شارع البطراوى و أمشى لأخره و أروح داخل من أخرو شمال و بعدين هلاقى شارع قاطع بالعرض أقوم داخل في يمين لحد قبل الطيران و هلاقى على رضا هناك ؟؟
و ألف شكر على ردك و جزاك الله كل خير

المشاركة الأصلية كتبت بواسطة shod90

بس نصيحة انزل التوفيقية احسن .. ارخص و هتلاقى حاجات اكتر

بالنسبة للتوفيقية فأنا ضايع فى طرق القاهرة فمش هينفع أروحها فخلينى فى مدينة نصر أحسنلى

المشاركة الأصلية كتبت بواسطة aaet1

الجندى يا باشا هتلاقيه فى مدينة نصر لو انت ماشى فى الطيران وجاى من رابعة وبعد ما تعدى التأمين الصحى خليك مكمل هتعدى بعد كده شريط المترو وهتلاقى الجنينة على يمينك خليك مكمل وابدء من هنا عد أول يو تيرن على شمالك سيبه وتانى يو تيرن ادخل شمال بس ما ترجعش فى الطيران لأ ... كمل على طول فى الشارع المتفرع فورا هتلاقى الجندى على شمالك

معلش أنا مش فاهم
يعنى المفروض انى هدخل مصطفى النحاس و أعدى على أمتداد عباس العقاد و لا أية و أخد تانى شارع شمال فى أمتداد عباس ؟
و شكرا على ردك و جزاك الله عنا كل خير

المشاركة الأصلية كتبت بواسطة smartchoice

السلام عليكم ورحمة الله وبركاته

يا رجالة المنتدى أنا عاوز عناويين محلات الكماليات زى الجندى و على رضا - أنا رحت ورا جنينة مول و قعدت الف و لا لقيت على و لا رضا و لا اى حاجة يا ريت حد يشرحلى المكان بالظبط
و لو فى محلات تانية مشهورة فى مدينة نصر يبقى تمام اوى لأنى عاوز أجيب مسند اليد بتاع الكارينز و عاوز اجيب دالايات للكيا سول و ملقتش عند أرابكوم

انا بردو بدور على الدلايات للسول ومسند اللى بين الكرسيين الاماميين
لو وصلت لحاجه يا ريت تقولى
وانا ان شاء الله جاى القاهره اول الشهر لو تحب نتقابل ونروح ندور مع بعض

المشاركة الأصلية كتبت بواسطة dr_no

انا بردو بدور على الدلايات للسول ومسند اللى بين الكرسيين الاماميين
لو وصلت لحاجه يا ريت تقولى
وانا ان شاء الله جاى القاهره اول الشهر لو تحب نتقابل ونروح ندور مع بعض

مفيش مشاكل و أستنى اما أروح المحليين دول و أشوف لأن العربية قليلة و ممكن ميكونش عندهم بردو و تضرب مسافة على الفاضى