http://www12.0zz0.com/2011/04/27/16/826567192.jpg
المصدر R.N.N | ط´ط¨ظƒط© ط±طµط¯ - Wall | Facebook
عرض للطباعة
خبر حلو هو دة الكلام على الله يخففو المخالفات لاقصى درجة الوضع مش حلو فى البلد ماديا للناس كلها
بس هل كده نتوقع ان الفوضى المرورية هاتزيد ؟
:(
قرار في منتهي الخطا
اذا كان احنا كده والناس فاضل شويه وتلعب gta في الشارع امال لما يبقي مخالفات اقل هيعملو ايه
لا أكيد الى ممكن يتغاضى عنة هو المخالفات الى مش بتتعمل زى تلاقى مخالفة على العربية فى منطقة انت لم تذهب اليها او محافظة عمرك ما روحتها او كسر اشارة قطر و حاجات من الى كانت بتبقة مستفزة مش واحد بيهزر و مركب فيمية و راكن صف تالت و يقول مش عاوز مخالفة لآ دة يدفع كسر الاشارة و الانتظار فى الممنوع
انا مع تخفيف المخالفات وليس حذفها او الغائها حتى لا يعطي شعور بالتسيب والفوضى
خبر حلو بس التوقيت بتاعه غريب شويه
الفوضى المروريه على آخرها والناس عارفه ان في مخالفات
كتير من التاكسيات دلوقتي مفيمه دارك ولا حد من المرور بيوقفهم خالص
انا بوقف التاكسي ومش عارفه فيه ركاب ولا لأ
ده غير كارثة السير عكس الإتجاه وكسر الإشارات
انا كنت مستني قرار عشان الناس الي بتقف فنص الشارع وماشيه عكس عشان السيوله المروريه تزيد
الدنيا هتنفجر من الزحمه بدال ما يحلو بيجمدو قلب المخالفين ويدوهم الثقه
العوض على الله خلي سواقين المكروباص والتكاتك توقف فنص الشارع والناس الي مش ملتزمه تعمل الي عوزاه وتخالف زي ما تحب مهو هيجدد الرخصه ومش هيدفع دلوقتي ويمكن تتلغي خالص
ماديا يعني الي مخالف ومش قادر يسدد بسبب انو خالف القوانين كتير هل نخليه يجدد ؟ ولا ياخد درس لحد ما يدبر الفلوس ويعيش من غير سواقه شويه عشان لما يرجع يسوق ميعملش مخالفات ؟ ( المخالفات دي عقاب للي بيخالف ) مش عاوز يتخالف يبقى ميمشيش غلط ( بسيطه جدا ) انما بأه ( لو ماديا الحاله صعبه ازاي هيحط بنزين او هيصلح منين ؟ ) والله هي هي
لا حول ولا قوة الا بالله
القرار الصح هو مراجعه قيمه ترخيص السيارات ومراجعه المخالفات ثانيا ليه مخالفه تكون 1200 جنيه ما الحل الامثل هى الرقابه مش المخالفه فى دول العالم كله بيخليك تمشى صح بكل ادب مش بيجبرك انك تعمل مخالفه فى مصر بيشيل اى حاجه تقولك انك ماشى عكسى علشان تمشى وانت مش عارف ان دا هكسى علشان يمسكك وتدفع 1200 جنيه يعنى بحس انهم شويه مرتزقه عايزن يخلوا الشعب يغلط وخلاص
لما سواقين الميكروباصات توقف ميدان لبنان ويحرقوا كاوتش عربيات علشان يقطعوا الطريق اعتراضا علي قيمة المخالفات اللي عليهم ( اللي هم بالفعل عملوها ) وبدل ما يتقبض عليهم ويتطبق عليهم قانون التظاهر او البلطجه بينزلهم رتب من الجيش والداخليه علشان يقنعوهم يفضوا اعتصامهم ويفتحوا الطريق.. خلاص بقت فوضي.. خرق القانون بقي في كل حته او بمعني اصح ما بقاش فيه قانون والمستفيدين هم البلطجيه والسوابق والناس اللي بتخاف ما تختشيش وفي الاخر الحكومه عايزه تعدلهم القانون علي كيفهم..خلاص مبقاش فيه وسطيه؟؟ لأما ظلم بين لأما تسيب بين.. وبيفرحونا بخيالات رجل الشرطه اللي واقفين في الشوارع زي قلتهم واقفين بيتفرجوا.. عليه العوض ومنه العوض في البلد ده .. مش فاضل غير ان الحراميه يعملوا اعتصام وتجمهر ويشتكوا انهم لما بيسرقوا أوقات الشرطه بتقبض عليهم ويطالبوا بعدم التعرض لهم اثناء السرقه..
كنا بنشتكي ان القانون بيتطبق علي الصغير بس فبدل ما يطبقوه علي الكل ما بقوش بيطبقوه خالص..
مش وقته خالص القرار ده
ممكن يسمحوا بتقسيط المخالفات على عدة اقساط مثلا انما يلغوها لأ والف لأ ده قانون المرور الجديد ده معمول بالتحديد علشان سواقين الميكروباص
يا رب عدى اليومين دول على خير و يتعدل قانون المرور تانى
يا رب سلم المرحلة دى على خير