تغيير ترموستات الكوع + وضبط مفتاح الهواء للكربراتير فى الماروتى

لاحظت من حوالى شهر ان مؤشر الحرارة بقى يعدى النص بشويه ولما المروحه تشتغل يرجع الى النص بالظبط وطبعا ده مش الطبيعى بتاع العربيه وبعد البحث والتحرى بالمنتدى والنت عرفت ان المشكلة دى من تلف ترموستات الكوع ودلوقتى انا لو لقيت انه متوفر وبيتباع عادى هغيره ولو غير موجود اما انى اشيله واسيبها من غيره وكده كده الجو صيف واما اتركه راكب مع اعتبار ان الحرارة بعد النص بشويه وبتنزل للنص وبعض الناس قالو ان ده قريب من الطبيعى ومش مشكلة لذلك حبيت اخد رأيكم

الموضوع التانى انا عايز اعرف ازاى اظبط مفتاح الهواء وازاى اعرف انه مش مظبوط وشكرا

اقتباس:

---

المشاركة الأصلية كتبت بواسطة maged

لاحظت من حوالى شهر ان مؤشر الحرارة بقى يعدى النص بشويه ولما المروحه تشتغل يرجع الى النص بالظبط وطبعا ده مش الطبيعى بتاع العربيه وبعد البحث والتحرى بالمنتدى والنت عرفت ان المشكلة دى من تلف ترموستات الكوع ودلوقتى انا لو لقيت انه متوفر وبيتباع عادى هغيره ولو غير موجود اما انى اشيله واسيبها من غيره وكده كده الجو صيف واما اتركه راكب مع اعتبار ان الحرارة بعد النص بشويه وبتنزل للنص وبعض الناس قالو ان ده قريب من الطبيعى ومش مشكلة لذلك حبيت اخد رأيكم

الموضوع التانى انا عايز اعرف ازاى اظبط مفتاح الهواء وازاى اعرف انه مش مظبوط وشكرا

---

-------------------------------------------
انا عندي نفس المشكلة بتاعة المؤشر
بس موضوع الهواء دة قصدك بية الصيف و الشتاء؟ لو هو هتلاقي في اخر العمة كليبس عامل زي المشبك حولة للصيف

-------------------------------------------

لا مش قصدى الصيف والشتاء قصدى على مسمار ضبط الهواء للكربراتير لضبط عملية الاحتراق وشكرا للمشاركه

انا الميكانيكي هوا اللي ظبطهولي و فرق معايا ف استهبلك البنزين جدا جدا

ترموستات الكوعه متوفر وانصحك تغيره لكن حاليا حتى لو بعد النص بشويه ويرجع للنص مش وحش قوي لكن لو تيسرلك تغيره غيره افضل

بالنسبه لظبط مسمار الهوا
حضرتك تقصد مسمار الصلانسيه
هو للاسف مفيش ظبطيه معينه تتقال لكن المفروض انها تتظبط بحيث تكون اقل صلانسيه ميخليش العربية ترج جامد اثناء الصلانسيه وده بالأخذ بعين الاعتبار انك تكون مشغل النور مثلا وان العربية تكون سخنه

وفنفس الوقت متحسش ان العربية مخنوقه
يعني هتختلف باختلاف نوع البنزين والبوجيهات وفلتر الهوا لكن غالبا زي مقلتلك كده


تحياتي

اقتباس:

---

المشاركة الأصلية كتبت بواسطة hm414

ترموستات الكوعه متوفر وانصحك تغيره لكن حاليا حتى لو بعد النص بشويه ويرجع للنص مش وحش قوي لكن لو تيسرلك تغيره غيره افضل

بالنسبه لظبط مسمار الهوا
حضرتك تقصد مسمار الصلانسيه
هو للاسف مفيش ظبطيه معينه تتقال لكن المفروض انها تتظبط بحيث تكون اقل صلانسيه ميخليش العربية ترج جامد اثناء الصلانسيه وده بالأخذ بعين الاعتبار انك تكون مشغل النور مثلا وان العربية تكون سخنه

وفنفس الوقت متحسش ان العربية مخنوقه
يعني هتختلف باختلاف نوع البنزين والبوجيهات وفلتر الهوا لكن غالبا زي مقلتلك كده


تحياتي

---

شكرا على اهتمامك وردك من كلامك انا سوف اقوم بتغيير الترموستات انشاء الله وبالنسبه لمفتاح السلانسيه هخلى الميكانيكى يظبطه وشكرا

السلام عليكم

انا عندى نفس المشكلة بتاعة الترموستات لدرجة ان المؤشر بيوصل لحد الشرطة اللى قبل الشرطة النهائية و غيرت الترموستات مرتين و بردو نفس المشكلة و المروحة بتشتغل متأخر و مش بتكمل نص دقيقة و تفصل و المؤشر مش بيكون رجع للنص حتى

المهم فكرت و قولت للكهربائى و اتفقنا انى اركب ترموستات بتاعة العربية الفيات 128 و طبعا الترموستات دى بتبقى اكبر فمحتاجة جلبة

رحت عند الخراط عمللى جلبة نحاس ب 30 جنيه ليها ناحيتين
ناحية دكر بنفس مقاس قلاووظ ترموستات الماروتى علشان تركب فى الرادياتير
و ناحية نتاية علشان يركب فيها ترموستات ال 128 و ركبنا على كدا و العربية اتظبطت

لكن بردو مكملتش شهرين و المؤشر بقى بيوصل لحد الشرطة اللى قبل الشرطة النهائية لكن اللى فرقها عن ترموستات الماروتى انها مش بتفصل الا لما المؤشر يوصل للنص + انها ايطالى + انها ب 15 جنيه على عكس ترموستات الماروتى اللى ب 45 جنيه

دا اللى انا عملته بعد جهد جهيد مع موضوع السخونة + انى نظفت الرادياتير + انى غيرت طلمبة المياة + انى حاطط مياة خضراء و مراقب مستواها

يا ريت لو حد عنده اقتراح تانى لمشكلتى يفيدنى علشان دلوقتى انا بشغل المروحة بإيدى (عامل زرار فى التابلوه لتشغيل المروحة يدويا بصرف النظر عن الترموستات)

اقتباس:

---

المشاركة الأصلية كتبت بواسطة alking_2006

السلام عليكم

انا عندى نفس المشكلة بتاعة الترموستات لدرجة ان المؤشر بيوصل لحد الشرطة اللى قبل الشرطة النهائية و غيرت الترموستات مرتين و بردو نفس المشكلة و المروحة بتشتغل متأخر و مش بتكمل نص دقيقة و تفصل و المؤشر مش بيكون رجع للنص حتى

المهم فكرت و قولت للكهربائى و اتفقنا انى اركب ترموستات بتاعة العربية الفيات 128 و طبعا الترموستات دى بتبقى اكبر فمحتاجة جلبة

رحت عند الخراط عمللى جلبة نحاس ب 30 جنيه ليها ناحيتين
ناحية دكر بنفس مقاس قلاووظ ترموستات الماروتى علشان تركب فى الرادياتير
و ناحية نتاية علشان يركب فيها ترموستات ال 128 و ركبنا على كدا و العربية اتظبطت

لكن بردو مكملتش شهرين و المؤشر بقى بيوصل لحد الشرطة اللى قبل الشرطة النهائية لكن اللى فرقها عن ترموستات الماروتى انها مش بتفصل الا لما المؤشر يوصل للنص + انها ايطالى + انها ب 15 جنيه على عكس ترموستات الماروتى اللى ب 45 جنيه

دا اللى انا عملته بعد جهد جهيد مع موضوع السخونة + انى نظفت الرادياتير + انى غيرت طلمبة المياة + انى حاطط مياة خضراء و مراقب مستواها

يا ريت لو حد عنده اقتراح تانى لمشكلتى يفيدنى علشان دلوقتى انا بشغل المروحة بإيدى (عامل زرار فى التابلوه لتشغيل المروحة يدويا بصرف النظر عن الترموستات)

---

واضح هنا انك غيرت ترموستات الردياتير وده غلط انما الحل تغيير ترموستات الكوع وده اللى احنا بنتكلم عليه

ترموستات الكوعه ده مكانة فين فى العربية
و ياريت تفاصيل بالظبط عن المكان

ادخل على الرابط ده
http://www.mekshat.com/vb/showthread.php?t=305944

السلام عليكم

يا ريت يا جماعة حد يفيدنى بخصوص الترموستات

هيا الماروتى فيها 2 ترمستات؟ واحد للكوعه و واحد للرادياتير؟
و لو كدا يبقى مكان ترموستات الكوعه دى فين؟؟؟ علشان دخلت على اللنك اللى فوق و بردو موصلتش للمكان لأنه موضوع عام

ضرورى يا جماعه علشان الموضوع دا هيفرق فى عربيتى جدا لو موجود و شكرا

سوف اقوم بتصويره ورفع الصورة

انا خلاص عرفت الترموستات بتاعة الكوعه دى فين
و كمان كدا تأكدت انها هيا السبب فى سخونة الماروتى عندى
فإتصلت بمحلات قطع الغيار (سوزوكى سنتر بالتوفيقية - محمد عباس بالتوفيقية - حسن حسنى بشبرا) و كلهم قالولى انهم مش عندهم ترموستات الكوعه

فياريت لو حد جابها يقولى جابها منين و بكام و شكرا

متابع

انا كمان بدور على ترموستات كوع ومش لاقى لكن الحرارة عندى مش عاليه قوى
اما بالنسبه ان عندك الحرارة عاليه جدا لذلك انصحك انك تشيل ترموستات الكوع خالص حاليا وتلغيه الى ان تجد ترموستات جديد خوفا من حدوث تلف فى وش السلندر من السخونه العاليه

السلام عليكم
نزلت امبارح اشتريت اخر ترموستات كوع و كان عامل 45 جنيه و النهاردة الصبح قبل مروح الشغل قولت اغيره ففكيت خرطوم المياه اللى واصل على الكوع و فكيت الصامولتين و خلعت الغطا و ابص !!!! ملقيتش ترموستات الكوع راكبه

انا شارى العربية مستعملة و طبعا عرفت النهاردة بس انى كنت ماشى اهو بقالى سنة و شوية و ترموستات الكوع متشاله اصلا

المهم غلطت و قولت اجرب اركب ترموستات الكوع بدل مهيا متشالة و ابقى ماشى صح و ادينى بجرب و اشوف الحرارة هيبقى ايه ظروفها
ركبتها و قفلت و دورت العربية و اتأكدت من عدم تسريب المياة و طلعت على مشوار الشغل و النتيجة سيئة لأنى طول السكة فضلت مشغل المروحة من الزرار الباى باس اللى عاملة علشان يشغل المروحة يدوى و طول السكه و انا مشغل المروحة و الحرارة مكنتش بتنزل عن النص و كمان عليت عن النص على ما كونت قربت من الشغل (مشوار حوالى ساعة على كوبرى اكتوبر و كمان مش زحمة)

انا أول مروح هفك ترموستات الكوعه للأبد و أمرى لله اكمل حياتى شغال بزرار المروحة يدوى لأنى جربت كل حاجة ممكن تكون السبب فى سخونة الموتور

لو عايز ترموستات الكوعه ابقى خدها منى لأنى كدا مش هحتاجها

يا نهار ابيض ده كده ممكن انا كمان ميكونش عندى ترموستات كوع لانى شارى العربيه مستعمله من 6 شهور بس
عموما ان هفك الكوع واشوف هل فيه ترموستات ام لا
نرجع لموضوعك طيب طالما لايوجد عندك ترموستات انصحك بالبحث فى سبب السخونه الشديده عندك والاحتمالات هى
1 - انسداد فى مواسير الردياتير
2- نوع ترموستات الردياتير سىْ ودرجة الفصل عاليه
3 - ربما يوجد تلف او ضعف فى طلمبة المياه
حاول تتأكد من كل ماسبق
لكن لابد من الوصول الى السبب وربنا معاك

إيه هو المستوى الأمثل لمؤشر الحرارة اللى لا يجب أن يتحرك بعده أو يكون فيه خطورة لو المؤشر راح عنده ؟

المفروض ميعديش النص انما لو عدى النص بحاجه بسيطه ويرجع تانى مش مشكلة

لو اتزنقت ووصلت لحد الشرطه اللي قبل الاتش مفيش مشكله لكن معتقدش انها هتوصل لكده اطلاقا الا لو في مشكله في دورة الميه سواء تسريب او تعطل طرمبه الميه او او ..

تحياتي

الحقونى انا كمان طلع مش عندى ترموستات كوع -----------------------------------
وبعدين طيب ايه سبب السخونه وان المروحة بتشتغل بعد النص وبتفصل على النصف بالضبط مع ان المياة كاملة ودورة المياة ماشيه كويس والردياتير كويس \محدش يا جماعة عرف السبب

هتشككوا الواحد ف نفسه
انا عندي المؤشر ع طول ع النص تقريبا لما بيعدي حاجات بسيطه المروحه بتشتغل و ترجع تاني للنص

انا خلااااااااااااااص زهقت من تجربة كل حاجة بخصوص السخونة و شغال دلوقتى بالزرار

انا اصلا لما رحت من مدة اسلك الرادياتير الراجل قالى متسيبلى الرادياتير دا و افصلك علب نحاس عليه بدل البلاستيك دى

انا بفكر قدام شوية اعمل كدا و اعمل تعديل بحيث ان الترموستات يبقى راكب مش من تحت لأ دا يبقى راكب من فوق بحيث انه يحس بسخونة الميه اللى جايه من الماتور مش زى دلوقتى انه يبقى حاسس بسخونة الميه بعد ما يكون الرادياتير بردها

عموما لو اى حد عنده حل يبقى يقترحه و شكرا

المشكله مش فى الردياتير لان المروحة اول لما تشتغل المياة بتبرد فورا
لكن المشكلة ان المروحة بتشتغل متأخر وبتفصل بسرعة
انا حاسس انه عيب ترموستات الردياتير

منا بقولك مش نغير الرادياتير الحل ان الواحد يركب الترموستات فى اول الدايرة بتاعة التبريد (عند قطعة الرادياتير اللى فيه غطا الرادياتير و تحتوى على المياة الساخنة اللى لسه خارجه من الماتور) و ليس فى اخر الدايرة كما هو الوضع الان (قطعه الرادياتير السفلى التى تحتوى على المياة التى تم تبريدها بالفعل و ستدخل على الماتور لتبريده)

و بصراحة انا غيرت الترموستات مرتين و كمان عملت التعديل بتاع انى اركب ترموستات 128 و الاتنين فشلوا و لازالت المرة بتشتغل متأخر جدا و انا عمال اشغلها و اطفيها يدوى بالزرار كل شوية

و بردو كانت عندى نفس حالتك دى بالظبط انها تشتغل متأخر اوى و متكملش نص دقيقة و تفصل و يكون بردو الماتور لسه ملحقش يبرد

انتا ماروتى موديل كام يا ماجد؟ انا موديل 99

باشمهندس سبعاوى يا ريت المشاركة برأيك فى الموضوع دا و شكرا

2008

انا كمان عندى بتشتغل بعد النص بس اعتقد ده الطبيعى

انا بتشتغل قبل النص

اقتباس:

---

المشاركة الأصلية كتبت بواسطة alking_2006

السلام عليكم
نزلت امبارح اشتريت اخر ترموستات كوع و كان عامل 45 جنيه و النهاردة الصبح قبل مروح الشغل قولت اغيره ففكيت خرطوم المياه اللى واصل على الكوع و فكيت الصامولتين و خلعت الغطا و ابص !!!! ملقيتش ترموستات الكوع راكبه

انا شارى العربية مستعملة و طبعا عرفت النهاردة بس انى كنت ماشى اهو بقالى سنة و شوية و ترموستات الكوع متشاله اصلا

المهم غلطت و قولت اجرب اركب ترموستات الكوع بدل مهيا متشالة و ابقى ماشى صح و ادينى بجرب و اشوف الحرارة هيبقى ايه ظروفها
ركبتها و قفلت و دورت العربية و اتأكدت من عدم تسريب المياة و طلعت على مشوار الشغل و النتيجة سيئة لأنى طول السكة فضلت مشغل المروحة من الزرار الباى باس اللى عاملة علشان يشغل المروحة يدوى و طول السكه و انا مشغل المروحة و الحرارة مكنتش بتنزل عن النص و كمان عليت عن النص على ما كونت قربت من الشغل (مشوار حوالى ساعة على كوبرى اكتوبر و كمان مش زحمة)

انا أول مروح هفك ترموستات الكوعه للأبد و أمرى لله اكمل حياتى شغال بزرار المروحة يدوى لأنى جربت كل حاجة ممكن تكون السبب فى سخونة الموتور

لو عايز ترموستات الكوعه ابقى خدها منى لأنى كدا مش هحتاجها

---

انا كان عندي مشكلة في الحرارة ..و الؤشر كان بيعدي النص ..
و من كام يوم روحت لميكانيكي غيرلي ابلاتين و كندنسر و بوجيهات و ظبط الهوا و السلانسية
العربية اتعدلت و مبقتش بتسخن ولما بتيجي عالنص المروحة تشتغل و يرجع تاني قبل النص

اه فعلا ما هوا لو العربيه لو مش مظبوطه بتسخن

الحمد لله اتحلت مشكلة السخونة
رحت النهاردة اشتريت ترموستات مروحة كان يوجد نوعين نوع بسلك وفيشة ونوع بدون سلك طبعا اشتريت ابو سلك لانه زى اللى راكب فيها
وبعد تركيبه الحمد لله المروحة بقت تشتغل قبل النص والحرارة مستحيل توصل للنص

الحمدلله

يا فرحة ما تمت
للاسف المشكلة رجعت تانى والحرارة بقت زى ماكانت بعد النص
اعمل ايه تانى

اقتباس:

---

المشاركة الأصلية كتبت بواسطة alking_2006

باشمهندس سبعاوى يا ريت المشاركة برأيك فى الموضوع دا و شكرا

---

ده ردى فى موضوع آخر على نفس المشكلة :

اقتباس:

---

المشاركة الأصلية كتبت بواسطة sab3aawy

انا عانيت اشد المعاناه الفترة الماضية من موضوع السخونة والترموستات الخ ، وطلع ان العيب مش من الترموستات خالص والحمد لله حليت المشكلة
المسارات بتاعت المية فى المحكر والردياتير كانت مكتومة ، ومع عدم وجود ثرموستات الكوعى ده بيخلى دفع الطرمبة الى اعلى الردياتير قوى جدا، ومع سخونة المية وبدء غليان جزء منها الضغط فى منطقة اعلى الردياتير بيوصل للحد الأقصى المسموح اللى بعده بتبتدى المية تزق صمام الامان بتعا غطاء الردياتير وتروح على القربة، وبالتالى بتنقص، ولما تنقص واصلا احنا متفقين انها بتعدى فى مسارات ضيقة فى الردياتير بتكون وصلت للثرموستات بتاع المروحة ساقعة اسقع من الدرجة اللى تخليه يلقط، وفى حين انها بسبب كميتها القليلة برضه بتسخن جدا فى الموتور وعلى ما توصل لحساس العداد الموجود فى اسخن نقطة فى المحرك بتكون فوق درجة الغليان وهو الامر الذى يؤدى انك تشوف درجة الحرارة عالية جدا لأن حساس عداد الحرارة راكب فى اسخن نقطة فى الدايرة وثرموستات المروحة راكب فى ابرد نقطة فى الدايرة، ومع زيادة سخونة المية تغلى اكتر والضغط يزيد اكتر وتطرد مية اكتر للقربة وتسخن اكتر حتى تصل لنقطة الكارثة
اعمل اللى انا عملته وبإذن الله ربنا هيحلها معاك زى ما حلها معايا
1- اشترى منظف رادياتير مركز (أنا جبت رابيدو انتاج مصرى بتاع شركة ادكو اسكندرية تمنه اقل من 10 جنيه)
2- اشترى غطاء ردياتير جديد(انا جبت واحد تايوانى تمنه 10 جنيه)
3- لو لسة محتفظ بثرموستات الكوعة اختبره (سخن شوية مية وامسكه من أعلاه بزرادية ونزله فى المية بحيث البلوك النحاس بتاعه يبقى مغمور وخليك ماسه شوية وبص عليه، مفروض انه يفتح وتلاقى البلوك النحاس نزل لتحت قبل غليان المية، لو مفتحش اشترى واحد تانى)
4- اشترى جوان للكوعة ، لو ملقيتوش سهل تفصيله (انا قصيت واحد من كاوتش بتاع غيار تالف لبالونة موتور مياه منزلى، ويمكن قصه من اى كاوتش داخلى قديم، وبالتجربة المطاط بيستحمل درجة حرارة مية المحرك ، لاحظ ان الخراطيم مطاطية)
5- اشترى علبتين من المادة المركزة الخضراء التى تضاف الى مية الحنفية لتحويلها الى ميه خضراء، اقضل كثيرا من المياه الخضراء المخففة التى تباع فى جراكن، انا جبت الأمريكى ماركة أبرو من شارع دمشق ب 10 جنيه
6- فضى المية اللى فى العربية وبعدين قم بقفيل دائرة المياه واملاه مية من الحنفية والموتور بارد، وبعدين صب عليها منظف الردياتير او مزيل الصدأ كما يسمونه
7- دور العربية وسيبها دايرة سلانسيه 20-30 دقيقة
8- بطل العربية وسيبها لحد ما تبرد الى درجة حرارة الجو (مش أقل من ساعتين)
9- نزل مية الغسيل بالكامل من الدورة
10 فك الكوعة ونضف مكان الجوان القديم بعناية من الكوعة ومن مكانها وفصل جوان لو مكنتش اشتريت واحد
11رجع ثرموستات الكوعة الى مكانه، وحط الجوان فوق منه(الجوان لازم ييجى فوق الثرموستات وليس تحته
12 قفل الكوعة بعناية على الثرموستات والجوان
13 املا الردياتير من الحنفية واضف عليها علبة واحدة من المركز الأخضر(خلى التانية معاك)
14- ركب غطاء الردياتير الجديد
15- املأ القربة بمياه من الحنفية بدون اضافات حتى منتصف المسافة بين min و max ولا تضيف اى شئ لمياه القربة حتى يظل لونها شفاف، ولاحظ مستواها بدقة
16 استعمل السيارة فى مشاوريك العاديدة ولاحظ تغير لون مياه القربة وارتفاع مستواها على مدى يومين ولاحظ كذلك هل ثرموستات المروحة بيشتغل فى وقته الطبيعى(فوق النص بحاجة بسيطة ام لا)
17- لو لاحظت ان مستوى المية فى القربة تقريبا مبيعلاش (يعنى مش اكتر من 2 مللى مثلا فى مشوار 50 كم) ولون المية فى القربة لم يتغير للأخض سوى بدرجة بسيطة جدا(يعنى بقت مية شفافة لونها يميل شوية للأخضر، مش نفس درجة الأخضر بتاعة مية الردياتير) يبقى باذن الله مشكلتك اتحلت وده هينعكس على اداء ثرموستات المروحة
لو بعد الشرالتجربة دى مجابتش نتيجة نحاول نتناقش تانى

---

الف شكر مستر سبعاوى على الاشتراك معنا فى الموضوع
لكن انا عندى مياة الردياتير لا تنقص ابدا مهما كانت السخونه وانا لاحظت من كلامك انه كان يوجد مشكلة فى نقصان المياة عندك
وكمان انا معنديش ترموستات كوع فهل اشترى واحد ام لا
وكمان انا ذهبت لمتخصص ردياتير من المشهورين بلامانه اسمه السبكى بشلرع احمد عرابى عين شمس وقال لى ان الردياتير مش مخنوق بل يعمل بطريقة سليمه ودورة المياة سريعة وتقليب المياة ممتاز وهو يستبعد ان يكون الردياتير سبب المشكلة
ودلوقتى انا عملت مفتاح كمترايه بنفسى لتشغيل المرحوحة عند النص تجنبا للسخونة لحين التفكير فى حل للمشكلة
فهل كل ما قلته للك يغير اى شىء فى الحل المقدم منك
والف شكر لمشاركتك وانا واثق انه طالما انك بدأت تشارك معنا فى الموضوع ان شاء الله المشكلة سوف تحل

السلام عليكم

يا جماعة انا بردو عندى نفس المشكلة و زى مشرحت فى اول المشاركة فى الموضوع انى عملت كل الحلول بس انا شايف الحاجة اللى انا لسه معملتهاش هيا تنظيف دورة التبريد باستخدام مزيل الصدأ و شراء غطاء جديد للرادياتير.

ربنا يسهل هجرب و اقولكوا بس ارجع من السفر ادعولى

اقتباس:

---

المشاركة الأصلية كتبت بواسطة maged

يا فرحة ما تمت
للاسف المشكلة رجعت تانى والحرارة بقت زى ماكانت بعد النص
اعمل ايه تانى

---

ما يحسد الترموستات الا اصحابة

اقتباس:

---

المشاركة الأصلية كتبت بواسطة alking_2006

السلام عليكم

يا جماعة انا بردو عندى نفس المشكلة و زى مشرحت فى اول المشاركة فى الموضوع انى عملت كل الحلول بس انا شايف الحاجة اللى انا لسه معملتهاش هيا تنظيف دورة التبريد باستخدام مزيل الصدأ و شراء غطاء جديد للرادياتير.

ربنا يسهل هجرب و اقولكوا بس ارجع من السفر ادعولى

---

ياترى جربت حل استاذ سبعاوى ولا لسه
عشان انا عايز اعرف النتيجه

انت متأكد ان عداد الحراره نفسه مفيهوش مشكله؟ مفيش تهريب من كابلات البطاريه ؟
انا كان عندى مشكله ف الشاهين وهى ان كان كابل الارضى بيهرب وكانت النتيجه ان العدادات كانت بتتحرك لقيمه اكبر من الحقيقه يعنى عداد البنزين كان بيدى قراءه اكتر من اللى فى التانك وكمان عداد الحراره كان بيوصل لل 100 مع ان العربيه مكانتش سخنه
وممكن برضه تكون مروحة الردياتير عندك ضعيفه