المشاركة الأصلية كتبت بواسطة abdelaziz-waleed
بص يا باشا انا معايا اخت عربية حضرتك وبيحصل معايا الموضوع ده كتير
كل ما في الحكاية ان الريموت بيفقد البرمجة بتاعته وعليك انك تعيد برمجته من تاني ودي تقدر تعملها بنفسك بمنتهى البساطة
هتدخل العربية
تقعد على الكرسي وتقفل باب السواق
تحط المفتاح في الكونتاكت
تفتح الكونتاكت فقط بدون تشغيل السيارة
تضغط على زر فقل السنتر في الريموت وتفضل ضاغط لمدة 3 ثواني هتلاحظ ان السنتر قفل وفتح تاني
تشيل ايدك من على الزرار
تطفي الكونتاكت
تخرج المفتاح
تفتح باب السواق
تنزل من العربية
تقفل العربية بالريموت
مبروك برمجت الريموت
خليك حافظها لأنك هتعملها كتير
وفي التوكيل بيعملوها ب 50 جنيه تخيل